3/29/2024
Today from Hiiraan Online:  _
Wararka Maanta- Axad, Jun 17, 2012
Madaxweyne Shariif Sheekh oo Wareegto uu soo saaray ku laalay Qodobbo ka mid ah Axdiga KMG ah ee Soomaaliya

Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

Qodobbada uu diiday madaxweynaha ayaa waxay kala yihiin: qodobka 28-aad ee axdiga KMG ah farqaddiisa koowaad, qodobka 33-aad xarafkiisa C, qodobka 34-aad iyo qodobka 11-aad farqadiisa saddexaad xarafka B.

Madaxweynuhu wuxuu wareegtadiisa ku sheegay in qodobbadan uu diiday markii uu arkay in dalka uu xaalad adag ku jiro, isagoo sheegay inuu amarkan bixinayo isagoo cuskanaya qodobadii kasoo baxay heshiisyadii, Garoowe, Gaalkacyo iyo Addis Ababa.

Sidoo kale, madaxweynuhu wuxuu wareegtadiisa ku sheegay in isagoo adeegsanaya awoodaha sharciga waafaqsan iyo qodobbada qaarkood ee ku xusan dastuurkii 1960-kii uu diiday qodobbadan si uu u fuliyo waajibaadka ka saaran xiliga kala guurka ah ee dowladda federaalka Soomaaliya.

Wareegtada uu madaxweyanaha Soomaaliya soo saaray maanta ayaa waxaa lagu sheegay inay dhaqan-galayso markii lagu soo saaro faafinta rasmiga ah ee Jamhuuriyadda Soomaaliya.

Dhammaan qodoobbada uu diiday madaxweynaha Soomaaliya ayaa waxay salka ku hayaan howlaha baarlamaanka Soomaaliya oo awooddiisuu uu isagu la wareegay iyo ansixinta dastuurka cusub ee Soomaaliya oo qodobbadan mid ka mid ah uu dhigayo in shacabku ay ansixiyaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2012 6:39 PM EST
17, June 2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

6/17/2012 9:44 AM EST
Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

6/17/2012 8:32 AM EST
Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

6/17/2012 7:28 AM EST
Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.

6/17/2012 3:28 AM EST
Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.