11/30/2021
Today from Hiiraan Online:  _
Wararka Maanta- Axad, Jun 17, 2012
Culummaa'uddiinka Ahlusunna Waljamaaca oo markii ugu horreysay Guddoomiye u magacaabay Gobolka Galgaduud

Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

Kulan ka dhacay magaalada Dhuusa-mareeb ee xarunta gobolkaas kaddib ayaa guddoomiyaha gobolka Galguduud ee Ahlusunna loogu magacaabay, Axmed Yuusuf Xasan Ciyow iyadoo mas'uuliyiinta maamulka ay sheegeen inay isku waafaqsan yihiin magacaabistiisa.

Guddoomiyaha golaha fulinta ee Ahlusunna, Sheekh Maxamed Yusuuf (Xeefow) ayaa sheegay in magacaabistan ay muhiim u tahay gobolka, isagoo guddoomiyaha cusub u rajeeyay inuu waajibaadkiisa u guto si waafaqsan sharciga.

"Waxaan qaybaha maamullada ee Ahlusunna ka codsanayaa inay ila shaqeeyaan, taasoo ii sahlaysa inaan waajibkeyga u guto si cadaalad iyo sinnaan ku dhisan," ayuu yiri Axmed Ciyoow.

Culummaa'udiinka Ahlusunna ayaa ka talisa qaybo ka mid ah gobolka Galguduud, waxaana magacaabista guddoomiyaha gobolka ay imaanaysaa iyadoo xoogagga Ahlusunna iyo ciidamada Itoobiya ay isaga soo baxeen deegaanno ka tirsan gobolka Galguduud.

Gobolka Galguduud ayay Xarakada Al-Shabaab horay ugu magacowday guddoomiye i8yadoo ka talisa degmooyin gobolkaas ku yaalla, gaar ahaan kuwa ku yaalla dhinaca bari ee gobolkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2012 6:39 PM EST
17, June 2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

6/17/2012 9:44 AM EST
Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

6/17/2012 8:34 AM EST
Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

6/17/2012 7:28 AM EST
Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.

6/17/2012 3:28 AM EST
Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.