11/30/2021
Today from Hiiraan Online:  _
Wararka Maanta- Sabti, Jun 16, 2012
Qarax Is-miidaamin ah oo ka dhacay Degmada Afgooye ee Gobolka Shabeellada Hoose

Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

Weerarka ayaa lala bartilmaameedsaday iskuulka sare ee degmada Afgooye oo saldhig u ahaa cidamada DKMG ah ee ku sugan degmadaas, iyadoo goobjoogayaal ku sugan degamda ay sheegeen in weerarku uu ahaa mid xooggan oo gilgilay magaalada.

"Qarax weyn ayaa dhacay, halkii uu ka dhacay waxaa ka baxaya olol iyo qiiq fara badan, ma garan karno cid walba ku noqtay, waayo goobta lama tegi karo," ayuu yiri goobjooge ku sugan degmada Afgooye oo sabab ammaan u qariyay magaciisa.

Mas'uuliyiin ka tirsan dowladda KMG ah oo ku sugan degmada Afgooye ayaa iyaguna xaqiijiyay inuu qarax weyn ka dhacay saldhig ay ciidamada dowladdu ku lahaayeen meel ku dhow koontaroolka laga galo degmada Afgooye.

Dhaqdhaqaaqa degmada Afgooye oo dhan ayaa la xayiray, iyadoo goobta uu qaraxu ka dhacay ay gaareen ciidamo fara badan oo isugu jira kuwa dowladda KMG ah iyo kuwa AMISOM, kuwasaoo diiday in gudaha loo galo halka uu qaraxu ka dhacay .

Saraakiiil u hadlay Xarakada Al-shabaab ayaa sheegatay in weerarka uu ahaa mid qorsheysan oo ay la beegsadeen ciidammo isugu jira kuwa nabadsugidda iyo booliiska, iyagoo sheegay in gudaha saldhigga ay ku sugnaayeen ku dhawaad 200-askari, intooda badanna ay qaraxa ku dhinteen.

Ma jiro hadal kasoo baxay dowladda KMG ah oo ku saabsan qaraxan, waxaana lagu soo beegay iyadoo maalmihii lasoo dhaafay uu degmadaas socdaal shaqo ku joogay madaxwenaha Soomaaliya, Shariif Sheekh Axmed oo shalay oo Jimco ahayd dib ugu soo laabtay Muqdisho.

Wixii warkan kusoo kordha kala soco HOL, haddi Alle idmo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.