3/28/2024
Today from Hiiraan Online:  _
Wararka Maanta- Arbaco, Jun 13, 2012
Dowladda Mareykanka oo Qoxooti ay Somali ka mid tahay ka qaaday Jasiiradda Malta dib u dajinna u Sameysay

Arbaco, June 13, 2012 (HOL) — Xukuumadda Washington ayaa toddobadkii hore ka qaadday jasiiradda Malta 20-ruux oo qoxooti ah kuwaasoo isuguna jira Soomaali iyo Eritrean, waxaana la dajiyay dalka Mareykanka.

Qoxootiga Soomaalida ayaa waxay jasiiradda Malta ku tageen tahriib dhinaca dhulka ah iyagoo ka baxay xeebaha dalka Liibiya, iyadoo bishii lasoo dhaafay uu sidoo kale Mareykanka ka qaaday Jasiiradda Malta.

Mareykanka ayaa tan iyo sannadkii 2006 wuxuu Jasiiradda Malta oo qaaradda Yurub ku taalla ay ka qaadeen 1,000 ruux oo qoxooti Afrikaan ah kuwaasoo ay ku jireen qoxooti Soomaaliyeed.

Warsaxaafadeed uu Mareykanku soo saaray ayaa lagu sheeagy in tirada qoxootigan ay yihiin ugu badnaa oo ay soo dhaweeyaan, iyadoo mas'uul Mareykan ah oo lagu magacaabo, Michael R. DeTar uu sheegay in qoxootiga ay ka qaadayaan Malta uu ku yimid heshiis dhexmaray Malta iyo Mareyakanka.

"Innaga iyo Malta waxaa noo dhexeeya heshiis lagu badbaadinayo nolosha dadka qoxootiga ah," ayuu yiri DeTar oo intaas ku daray. "Howsha daad-gureynta qoxootiga waa mid ay iska kaashanayaan xukuumadda Malta iyo hay'ado samofal."

Qoxootigan Soomaalida iyo Ertirean-ka isugu jira ayaa la dajiyay deegaanno kala duwan oo ku yaalla dalka Mareykanka, waxayna ku biiryaan qoxootigii sannadkan laga qaaday jasiiradda Malta.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/13/2012 7:38 PM EST
Arbaco, June 13, 2012(HOL):-Ra’iisul Wasaaraha Soomaaliya Professor Cabdiweli Maxamed Cali oo booqasho rasmi ah ku jooga Kenya ayaa maanta kulamo la kala qaatay Madaxweynaha Dalka Kenya Mudane Mwai Kibaki iyo Ra’iisul Wasaaraha Kenya Raila Odenga. Kulanka Madaxweynaha Kibaki ayaa ahaa kii ugu horreeyey ee dhex mara Ra’iisul Wasaare Cabdiweli iyo Madaxweyne Kibaki.

6/13/2012 8:35 AM EST
Arbaco, June 13, 2012 (HOL) — Tababar lagu baranayay sida dadku isugu xirmaan iyo sida ay bulsho caddaalad wax ugu qeybsato ayaa Muqdisho loogu soo gaba-gabeeyay odayaasha dhaqanka qaarkood.

6/13/2012 7:42 AM EST
Arbaco, June 13, 2012 (HOL) — Afhayeenkii baarlamaanka Soomaaliya ee sannadihii 1966-kii illaa 1969-kii, Sheekh Mukhtaar Maxamed Xuseen ayaa shalay ku geeriyooday magaalada Nairobi ee dalka Kenya, iyadoo dowladda KMG ah ay sheegtay in loo sameynayo aas Qaran iyo baroor-diiq.

6/13/2012 7:26 AM EST
Arbaco, June 13, 2012 (HOL) — Guddoomiyaha golaha fulinta ee Ururka Ahlusunna Waljamaaca, Sheekh Maxamed Yuusuf Xeefow ayaa sheegay kasoo bixitaankoodii degmada Ceelbuur iyo deegaanka Wabxo ee gobolka Galguudud ay ahayd mar ay bixiyeen saraakiisha ciidamadaas hoggaaminayay.

6/13/2012 6:42 AM EST
Arbaco, June 13, 2012 (HOL) — Ergayga xogyahaha guud ee Qaramada Midoobay u qaabilsan arrimaha Soomaaliya, Danjire Augustine Mahiga ayaa sheegay maanta in uu booqanayo degmada Afgooye ee gobolka Shabeellada hoose.

6/13/2012 6:27 AM EST
Arbaco, June 13, 2012 (HOL) — Madaxweynaha Soomaaliya, Shariif Sheekh Axmed oo ay wehliyaan saraakiisha ciidamada DKMG ah iyo kuwa AMISOM ayaa maanta ku tagay booqasho deegaanka Mareereey oo 15-km u jira degmada Afgooye e gobolka Shabeellada hoose.