3/29/2024
Today from Hiiraan Online:  _
Wararka Maanta- Axad, July 29, 2012
Afhayeenka howgallada ee Xarakada Al-shabaab oo sheegay inay toogasho ku dileen laba ka tirsan ciidamada AMISOM
Axad, July 29, 2012 (HOL) — Afhayeenka howgallada ee Xarakada Al-shabaab, Sheekh C/casiis Abu-Muscab ayaa sheegay inay ciidamadooda sida gaarka ah u tababaran toogasho ku dileen laba ka tirsan ciidamada AMISOM oo ku sugnaa garoonka diyaaradaha ee degmada Dayniile.

Sheekh Abuu-Muscab ayaa sheegay in labada askari ee ay toogteen ay ahaayeen kuwo ka tirsan ciidamada Burundi oo qayb ka ah howgalka Midowga Afrika ee ka socda Soomaaliya.

"Ciidamada shiishka wanaagsan waxay toogasho ku dileen labo askari oo ciidamada Burundi ka tirsan, kaddib markii ay ka toogteen meel fog iyagoo ku sugan garoonka diyaaradaha ee Dayniile," ayuu yiri Abuu-Muscab oo saxaafadda la hadlayay.

Afhayeenka Al-shabaab wuxuu sidoo kale sheegay inay askar ka tirsan ciidamada DKMG ah ku dileen weerar kale oo ay ka fuliyeen deegaanka Siinka-dheer oo u dhexeeya Muqdisho iyo Afgooye.

"Xoogaggeennu waxay weerar gaadmo ah oo ay ka fuliyeen Siinka-dheer, ku gubeen gaari kuwa dagaalka ah oo ay wateen ciidamada dowladda, waxayna halkaas ku dileen askar badan oo saarnaa," ayuu yiri afhayeenka u hadlay Al-shabaab.

Ma jiro hadal kasoo baxay dhinaca dowladda KMG ah iyo AMISOM oo ku saabsan dilalka uu sheegay afhayeenka ciidamada Al-shabaab inay siyaabo kala duwan ugu geysteen ciidamada dowladda iyo kuwa Midowga Afrika.

Xarakada Al-shabaab oo weli gacanta ku haysa dhul ballaaran oo ku yaalla Koonfurta iyo bartamaha Soomaaliya ayaa waxay tan iyo sannadkii hore luminayeen dhulal badan oo ay ka taliyeen, kuwaasoo ay la wareegeen ciidamada DKMG ah iyo caawinaya ee ka socda dalalka dariska ah iyo Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/29/2012 3:39 PM EST
Axad, July 29, 2012 (HOL) - Dab baabi'iyay gabi ahaanba suuqii ugu waynaa ee xeryaha qaxootiga ee Dhadhaab ayaa galabta maqribkii halkaas ka bilowday.

7/29/2012 9:38 AM EST
Axad, July 29, 2012 (HOL) — Guddoomiyaha maamulka gobolka Hiiraan, Cabdifitaax Xasan Afrax iyo xubno ka tirsan maamulka ayaa maanta gaaray degmada Matabaan ee gobolka Hiiraan.

7/29/2012 8:31 AM EST
Axad, July 29, 2012 (HOL) — Kooxo hubeysan ayaa maanta lidka diyaaradaha iyo madaafiic ku weeraray garoonka diyaaradaha ee Gaalkacyo oo ku yaalla dhinaca waqooyi-bari oo ay ka taliso maamulka Puntland, inkastoo aan la sheegin khasaare ay rasaastaasi geysatay.

7/29/2012 7:50 AM EST
Axad, July 29, 2012 (HOL) — Ra'iisul wasaaraha DKMG Soomaaliya C/weli Maxamed Cali ayaa maanta kulan kula yeeshay Muqdisho ra'iisul wasaare ku xigeenka dalka Ireland ahna wasiirka arrimaha dibadda iyo ganacsiga ee dalka Irland iyo wafdi uu hoggaaminayo oo booqasho ku yimid Muqdisho.

7/29/2012 7:24 AM EST
Axad, July 29, 2012 (HOL) — Warsaxafadeed ay hay'adda culummada Soomaaliyeed kasoo saartay Muqdisho maanta oo Axad ah ayay ku sheegtay in dastuurka ay ku jiraan qodobbo ka horimaanaya diinta Islaamka, iyadoo codsatay in lagu asmeeyo isbedel ka hor inta aan la ansixin.

7/29/2012 7:06 AM EST
Axad, July 29, 2012 (HOL) — Dagaal aad u xooggan ayaa xalay ka dhacay degmada Afmadow ee gobolka Jubada Hoose, iyadoona dagaalkaasi uu u dhexeeyay ciidamada dowladda KMG oo garab ka helaya kuwa Kenya iyo Xarakada Al-shabaab.

7/29/2012 3:40 AM EST
Axad, July 29, 2012 (HOL) — Hay'adda caafimaadka adduunka ee WHO ayaa salay oo Sabti ahayd sheegtay in cudurka halista ah ee Ebola uu k dillaacay dalka Uganda, uuna dilay 14-qof, tiro kale oo dad ahna ay isbitaallada u jiifaan.

7/29/2012 2:59 AM EST
Axad, July 29, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo xalay duleedka deegaanka Yurkud ee gobolka Gedo ku dhexmaray ciidamada DKMG ah, kuwa Itoobiya iyo xoogagga Al-shabaab.