3/29/2024
Today from Hiiraan Online:  _
Wararka Maanta- Jimco, July 27, 2012
Maamulka Somaliland oo sheegay inuu hakiyay Wadahadalkii uu kula jiray Dowladda KMG ah ee Soomaaliya
Jimco, July 27, 2012 (HOL) — Wasiirka arrimaha dibadda ee Somaliland, Maxamed C/llaahi Cumar (Cirro) ayaa sheeagy maanta oo Jimco ah inay si KMG ah u hakiyeen wadahadalladii ay kula jireen dowladda KMG ah ee Soomaaliya.


Wasiirka Arrimaha Dibadda ee Somaliland
Wasiirka oo la hadlayay BBC-da ayaa sheegay in sababta ay wadahadallada u hakiyeen ay tahay doorashooyinka loogu tartamayo xilka madaxnimo ee Soomaaliya oo ka socda magaalada Muqdisho.

"Labada geesoodba waxay aad u daneynayaan in wadahadalladan lagu najaxo, ha yeesheen Koonfur waxaa ka socda loolan siyaasadeed oo loogu tartamayo xilka madaxnimo ee Soomaaliya, innagana waxaanu jecelahay inaan fursad siinno xubnihii  wadahadallada nala billaabay, inta loolankan uu soo dhammaanayana aan halkaas kala sii wadno maamulka cusub ee dhalanaya," ayuu yiri wasiirka arrimaha dibadda ee Somaliland.

Sidoo kael, wasiirku wuxuu sheegay in tallaabadan ay tahay mid ay ku doonayaan inay Soomaaliya ku siiyaan fursad si aan looga jeesan howsha socota, waana arrin aan kala tashanay bulshada calaamka ee goobjoogka ahaa wadahadallada, Isagoo rajo wanaagsan ka muujiyay inay doorashooyinku kusoo dhammaan doonaan jawi nabadeed.

"Labada dhinacba raalli ayaan ka ahayn wadahadallada, innagu illaa hadda raalli ayaan ka nahay inay wadahadalladu sii socdaan, hase yeesheen tartanka iminka socda oo ah mid xoog leh oo la doonayo in muddo gaaban lagu soo gabagabeeyo awgeed ayaan u hakinay wadahadallada balse ma ahan inaan wadahadallada oo dhan joojinnay," ayuu yiri wasiirka oo ka jawaabayay su'aal ahayd sababta ay u joojiyeen wadahadalka iyagoo ogaa markii horeba inay la hadlayeen dowlad KMG ah.

Wasiirka arrimaha dibadda ee Somaliland wuxuu sheegay inay wadahadallada lasii wadi doonaan dowladda cusub ee dhalata, isagoo xusay inay labada gaareen qodobbo iyo heshiisyo caalami ah, wadahadlladana waxaa labada dhinac u mateli doona hadba dowladdii joogta.

Ugu dambeyn, wasiirku wuxuu ka hadlay shir ay Xarakada Islaax ku yeesheen magaalada Hargeysa, kaasoo xubno ka tirsan ururka jagooyinkii looga qaaday, isagoo sheegay in shirkaas uu u dhadhamay arrimo siyaasadeed, isagoo sheegay in aan Somaliland laga ogoleyn kooxo abuubulan oo arrimaha Soomaaliya uga hadlaya qaab siyaasadeed.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/27/2012 8:16 PM EST
Sabti, July 28, 2012(HOL): Calanka Soomaaliya ayaa caawa lagu soo bandhigay fagaare caalami ah oo lagu soo bandhigayay calamada in ka badan 200 oo dal oo caalamka ka tirsan.

7/27/2012 7:16 PM EST
Warbixin Oradyahanada Soomaaliyeed oo lagu qabtay Olympic Village ee magaalada London. Waxaa warbixintaan magaalada London nooga soo diray wariye Ibrahim Baafo

7/27/2012 8:52 AM EST
Jimco, July 27, 2012 (HOL) — Hay'adda Bisha Cas ee dalka Turkiga ayaa sheegtay in Soomaaliya ay u dirtay 77 baabuurta waaweyn oo qayb ka qaadaanya dib u dhiska magaalada Muqdisho oo ah xarunta dalka Soomaaliya.

7/27/2012 8:47 AM EST
Haweenaydii ahayd safiirka dalka Venezuela u joogta Kenya Olga Fonseca ayaa laga helay maydkeeda guriga ay daganayd oo ku yaallay xaafada Runda ee magaalada Nairobi.

7/27/2012 8:35 AM EST
Jimco, July 27, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa maanta soo saaray war-murtiyeed ka kooban 11-qodob oo lagu eegayo dadka u sharaxan ka mid noqonshada xubnaha baarlamaanka cusub ee Soomaaliya oo lagu wado inay odayaasha dhaqanku soo gudbiyaan dhawaan magacyadooda.

7/27/2012 7:54 AM EST
Jimco, July 27, 2012 (HOL) — Waxaa maanta oo Jimco ah hakaday shirkii ansixinta dastuurka oo geli lahaa maalitiisii saddexaad, iyadoo qarax khasaare geystay lagu weeraray bar-koontarool oo laga ilaaliyo goobta uu shirku ka socdo.

7/27/2012 7:37 AM EST
Jimco, July 27, 2012 (HOL) — Saraakiisha ciidamada dowladda KMG iyo kuwa ururka Raaskaambooni ee gobollada Jubooyinka ayaa ku hanjabay in xoogagga Al-shabaab ay kala wareegi doonaan guud ahaan Jubooyinka kahor inta aan la gaarin 20-ka bisha fooda nagu soo heyso ee August.

7/27/2012 7:31 AM EST
Jimco, July 27, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay in xalay hoobiyeyaal lagu weeraray goobta uu shirka ansixinta dastuurku ka socdo, kuwaasoo uu sheegay inaysan wax khasaare ah geysan.

7/27/2012 6:52 AM EST
Jimco, July 27, 2012 (HOL) — Afhayeenka AMISOM Col. Cali Aadan Xaamud ayaa sheegay inay soo gaba-gabeeyeen wajigii koowaad ee howlgalladii ciidan ee ay ka wadeen magaalada Muqdisho iyo hareeraheeda, isagoo sheegay inuu billaabi doono wajiga labaad ee howgalkooda Soomaaliya.

7/27/2012 6:34 AM EST
Jimco, July 27, 2012 (HOL) — Waxaa si rasmi ah galinkii danbe ee maalintii shalay oo Khamiis aheyd uga furmay magaalada Baladweyne Tartan kubadda cagta ah oo lagu maamusayo bisha Ramadaan.

7/27/2012 5:39 AM EST
Jimco, July, 27, 2012 (HOL)- Hogaanka Sare ee ururka Siyaasadeedka XAQSOOR Somaliland, ayaa soo dhoweeyey nabaddii uu ku dhawaaqay hogaamiyaha SSC Saleebaan Xago Toosiye, waxaanay ku baaqeen in nabadaasi la wada qaato, xukuumadana ugu baaqay inay baaqii nabadeed ee ay u jeediyeen reer Buuhoodle ay ficilkii ku daraan oo nabadaasi si weyn loo taageero.

7/27/2012 5:33 AM EST
Jimco, July 27, 2012 (HOL)- Dadweyne Cadhaysan ayaa shiid iyo dhagax ku weeraray maamulka dawladda Hoose ee degmadda Caynaba, waxaanay halkaasi dhaawac ka soo gaadhay maayarkii magaalada iyo masuuliyiin kale.

7/27/2012 4:47 AM EST
Jimco, July 27, 2012 (HOL) — Wasaaradda gaashaandhigga Britain ayaa xaqiijisay in koox yar oo ciidammo ah isla markaana caawinaya kuwa Midowga Afrika ee AMISOM ay kaga sugan yihiin gudaha Soomaaliya.