3/28/2024
Today from Hiiraan Online:  _
Wararka Maanta- Jimco, July 27, 2012
Ururka XAQSOOR oo soo dhoweeyey Nabadda uu ku baaqay Hogaamiyaha SSC, iyagoo ugu baaqay Xukuumadda inay Gogosha Nabadeed u bedesho Ficil

Jimco, July, 27, 2012 (HOL)- Hogaanka Sare ee ururka Siyaasadeedka XAQSOOR Somaliland, ayaa soo dhoweeyey nabaddii uu ku dhawaaqay hogaamiyaha SSC Saleebaan Xago Toosiye, waxaanay ku baaqeen in nabadaasi la wada qaato, xukuumadana ugu baaqay inay baaqii nabadeed ee ay u jeediyeen reer Buuhoodle ay ficilkii ku daraan oo nabadaasi si weyn loo taageero.

Gudoomiyaha XAQSOOR oo ah madaxweyne ku xigeenkii ugu horeeyey ee Somaliland, Md: Xasan Ciise Jaamac ayaa nabadaasi lagaga dhawaaqay Buuhoodle ku tilmaamay fursad weyn, isagoo sheegay in haddii ay taladda ku guulaystaan ay wax badan ka bedeli doonaan cabashooyinka jira, isla markaana wax kasta oo cadaalad darada xumaynaya ama dadka kala fogaynaya ay meesha ka saaridoonaan.

“ Fursad  cusub baa iminka ka soo baxday Buhoodle oo aan hore u jirin oo aannu doonayno in waddanka looga faa’iideeyo, fursadaasina waa raggii madaxda ka ahaa dhinaca dagaalka xagga bariga ka soo waday, gaar ahaan hoggaankoodii Saleebaan Xagle-toosiye ayaa Buuhoodle kaga baaqay in nabada la qaato, xukuumadda Somaliland way ka warhaysaa oo gogol nabadeed bay u fidisay”ayuu yidhi gudoomiyaha urur siyaasadeedka Xaqsoor Xasan Ciise, waxaanu xusay in gogoshaa nabada ah ay ficil u badalaan.

“Mar haddii arrintan soo baxday oo uu Saleeban Xagle-toosiye ku dhawaaqay nabadii waxaannu doonayna in Somaliland aad uga faa’iidaysato oo bishan barakaysan ee ramadaan fursada ku soo beegantay aynu manafacaadsano”ayuu raaciyey gudoomiyuhu.

“Kolay ninka jabhadka ahi waqti buu leeyahay oo waayo-ragnimo badan buu soo helaa, maantana waxaad moodaa inuu horseedaayo xoojinta nabadii oo dagaalkii uu shalay ku jiray maantana ka baxo aad baanan ugu mahad-celinaya Saleebaan Xaglo Toosiye”ayuu yidhi gudoomiye ku xigeenka 1aad ee XAQSOOR Cali Maxamuud Axmed (Cali Sandule).

Waxa uu intaas ku daray “XAQSOOR ahaan waxaannu reer Buuhoodle kula talinayna inay nabada qataan, dagaal waxba lagama faa’iido, waxa kale oo aan sheegayaa reer kii yidhaa dawlad baannu noqonayna annagu raas qudha waxa qasaba inaanay isu noqonayn.”.

Sidoo kale, Cali Sandule waxa uu u duceeyey fanaanadda Saado Cali Warsamo oo dhowaan ku dhaawacantay shil baabuur magaaladda Garowe, isagoo reer Somaliland ugu baaqay inay fanaanadu hore ugu hiilisay Somaliland, isla markaana imika ay soo dhoweeyaan, aadna uga xun yahay dhibaatada ku dhacday, waxaanay sheegay in ururkooddu ku soo dhoweynayaan oo Somaliland timaado isla markaana aanay iyana ku talaxtagin arrimaha qaar.

Waxa kale oo shacabka Somaliland u sheegay in maamuladda ka jira Somalia ay iskugu mid yihiin, isla markaana sheikh Shariif iyo Cabdiraxmaan Faroole aanay dadku kala jeclaysan ee ay isku mid uun u arkaan, isla markaanna kala xigin, oo ay u arkaan uun inay Somalia wada yihiin, xuduudna ka dhexeyso.

Waxa isaguna halkaasi ka hadlay gudoomiye ku xigeenka 2aad Axmed Cabdi Kaahin (Casood) oo sheegay in abaaro baahsani ka jirto galbeedka Somaliland, isla markaana ay safar ku mareen bal si ay usoo dareemaan nolosha ay ku nool yihiin, isagoo Hay’adaha ugu baaqay inay dadkaasi loo gurmado oo ay jirto meelo badan oo aanay wali gaadhin deeqdii Raashinka ahayd ee loo dirayey dadka abaaruhu ku dhufteen.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
7/27/2012 8:16 PM EST
Sabti, July 28, 2012(HOL): Calanka Soomaaliya ayaa caawa lagu soo bandhigay fagaare caalami ah oo lagu soo bandhigayay calamada in ka badan 200 oo dal oo caalamka ka tirsan.

7/27/2012 7:16 PM EST
Warbixin Oradyahanada Soomaaliyeed oo lagu qabtay Olympic Village ee magaalada London. Waxaa warbixintaan magaalada London nooga soo diray wariye Ibrahim Baafo

7/27/2012 9:18 AM EST
Jimco, July 27, 2012 (HOL) — Wasiirka arrimaha dibadda ee Somaliland, Maxamed C/llaahi Cumar (Cirro) ayaa sheeagy maanta oo Jimco ah inay si KMG ah u hakiyeen wadahadalladii ay kula jireen dowladda KMG ah ee Soomaaliya.

7/27/2012 8:52 AM EST
Jimco, July 27, 2012 (HOL) — Hay'adda Bisha Cas ee dalka Turkiga ayaa sheegtay in Soomaaliya ay u dirtay 77 baabuurta waaweyn oo qayb ka qaadaanya dib u dhiska magaalada Muqdisho oo ah xarunta dalka Soomaaliya.

7/27/2012 8:47 AM EST
Haweenaydii ahayd safiirka dalka Venezuela u joogta Kenya Olga Fonseca ayaa laga helay maydkeeda guriga ay daganayd oo ku yaallay xaafada Runda ee magaalada Nairobi.

7/27/2012 8:35 AM EST
Jimco, July 27, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa maanta soo saaray war-murtiyeed ka kooban 11-qodob oo lagu eegayo dadka u sharaxan ka mid noqonshada xubnaha baarlamaanka cusub ee Soomaaliya oo lagu wado inay odayaasha dhaqanku soo gudbiyaan dhawaan magacyadooda.

7/27/2012 7:54 AM EST
Jimco, July 27, 2012 (HOL) — Waxaa maanta oo Jimco ah hakaday shirkii ansixinta dastuurka oo geli lahaa maalitiisii saddexaad, iyadoo qarax khasaare geystay lagu weeraray bar-koontarool oo laga ilaaliyo goobta uu shirku ka socdo.

7/27/2012 7:37 AM EST
Jimco, July 27, 2012 (HOL) — Saraakiisha ciidamada dowladda KMG iyo kuwa ururka Raaskaambooni ee gobollada Jubooyinka ayaa ku hanjabay in xoogagga Al-shabaab ay kala wareegi doonaan guud ahaan Jubooyinka kahor inta aan la gaarin 20-ka bisha fooda nagu soo heyso ee August.

7/27/2012 7:31 AM EST
Jimco, July 27, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay in xalay hoobiyeyaal lagu weeraray goobta uu shirka ansixinta dastuurku ka socdo, kuwaasoo uu sheegay inaysan wax khasaare ah geysan.

7/27/2012 6:52 AM EST
Jimco, July 27, 2012 (HOL) — Afhayeenka AMISOM Col. Cali Aadan Xaamud ayaa sheegay inay soo gaba-gabeeyeen wajigii koowaad ee howlgalladii ciidan ee ay ka wadeen magaalada Muqdisho iyo hareeraheeda, isagoo sheegay inuu billaabi doono wajiga labaad ee howgalkooda Soomaaliya.

7/27/2012 6:34 AM EST
Jimco, July 27, 2012 (HOL) — Waxaa si rasmi ah galinkii danbe ee maalintii shalay oo Khamiis aheyd uga furmay magaalada Baladweyne Tartan kubadda cagta ah oo lagu maamusayo bisha Ramadaan.

7/27/2012 5:33 AM EST
Jimco, July 27, 2012 (HOL)- Dadweyne Cadhaysan ayaa shiid iyo dhagax ku weeraray maamulka dawladda Hoose ee degmadda Caynaba, waxaanay halkaasi dhaawac ka soo gaadhay maayarkii magaalada iyo masuuliyiin kale.

7/27/2012 4:47 AM EST
Jimco, July 27, 2012 (HOL) — Wasaaradda gaashaandhigga Britain ayaa xaqiijisay in koox yar oo ciidammo ah isla markaana caawinaya kuwa Midowga Afrika ee AMISOM ay kaga sugan yihiin gudaha Soomaaliya.