3/29/2024
Today from Hiiraan Online:  _
Wararka Maanta- Isniin, July 16, 2012
Qaar kamid ah ganacsatada waaweyn ee magaalada Boosaaso oo maanta shaqo joojin sameeyey

Isniin, July 16, 2012 (HOL) - Waxaa maanta albaabada loo laabay in badan oo kamid ah goobaha ganacsiga ee magaalada Boosaaso, oo iyadu ah xarunta ganacsiga iyo dhaqaalaha ee dowlad goboleedka Puntland.

Qaar kamid ah ganacsatada oo warbaahinta la hadlay ayaa sheegay in talaabadan ay u qaadeen si ay u muujiyaan cabashadooda ku aadan hoos u dhac weyn oo ay tilmaameen in uu ku yimid qiimaha Dollarka iyo cashuurta o lagu kordhiyey.

" Suuqu aad ayuu u xun yahay, qiimaha Dollarkuna ma fadhiyo xiliganna hoos ayuu u dhacay, cashuurtuna waxay ku salayasan tahay xiligii uu hlaka Dollar ahaa 32,000Sh.So. arintaasi aad bay culays noogu tahay mana ahan mid aan u dulqaadan karno" mid kamid ah ganacsatada oo magaciisa Cali kusoo koobay ayaa yiri.

Dhanka kale waxaa xarunta rugta ganacsiga iyo wershedaha ee Puntland maanta ka dhacay kulan ay isugu yimaadeen guddi hoosaadyada ganacsatada iyo madaxda rugta, waxaana logoa wada hadlay sidii arintaas xal loogu heli lahaa, inkasta oo kulankaasi uu ahaa mid ay saxaafaddu banaanka ka joogtey.


Mudooyinkii u danbeeyey waxaa soo badanayey cabashooyinka la xiriira cashuurta laga qaado ganacsatada, waxaana taas barbar socdey dadaalo badan oo ay dowladu u gashay sidii qiimaha Dollarka looga dhigi lahaa mid sugan

Si kastaba ha ahaatee madaxda wasaaradaha ay arintaasi khuseyso ayaa beeniyey in qiimaha cashuurta la kordiyey, islamarkaana xusay in ganacsatada cashuur dhimis balaaran loo sameeyey, si looga soo kabsado khasaarahii uu geystey dabkii bilo kahor suuqa weyn ee magaalada Boosaaso ciidda ku daray.

Maxamed Salaad Salaad, Hiiraan Online
[email protected]
Bossaaso, Somalia














Click here
7/16/2012 9:47 AM EST
Isniin, July 16, 2012 (HOL) — Kooxo sita labiska ciidamada DKMG ah ee Soomaaliya ayaa xalay ku toogtay degmada Afgooye ganacsade iyo wiil uu dhalay oo lagu kala magacaabi jiray, Cismaan Axmed Xuseen iyo wiilkiisa Maxamed Cismaan Axmed, kaddib markii ay ku weerareen dukaankooda oo ku yaala bartamaha degmadaas.

7/16/2012 9:45 AM EST
Isniin, July 16, 2012 (HOL) - Ra'iisul wasaarihii hore ee Soomaaliya Maxamed C/laahi Farmaajo ayaa si deggan uga jawaabay warbixintii qaramada midoobay ay soo saartay ee qaar kamid hogaamiyayaasha dawlada ku eedaysay musuqmaasuq iyo lunsashada hantida qaranka.

7/16/2012 8:37 AM EST
Isniin, July 16, 2012 (HOL) — Madaxweyne ku xigeenka Somaliland Md: Cabdiraxmaan Cabdilaahi Ismaaciil (Saylici) oo safar xaqiiqo raadis ah u tagay goboladda galbeedka Somaliland ee abaaruhu aad u dhibaateeyeen, kuwaas oo dad iyo duunyaba saamaysay, waxaanu caalamka iyo bulshadda ku booriyey inay gurmad u fidiyaan dadkaasi.

7/16/2012 8:31 AM EST
Isniin, July 16, 2012 (HOL) — Xarakada Al-shabaab ayaa maanta sheegtay inay difaacaynayso magaalada Kismaayo ee gobolka Jubbada hoose, halkaasoo ay ku wajahan yihiin ciidamada Kenya ee ka mid noqday AMISOM, kuwa Dowladda KMG ah iyo xoogagga Raaskambooni.

7/16/2012 8:11 AM EST
Isniin, July 16, 2012 (HOL) — Dowladda Soomaaliya ayaa maamul cusub maanta u magacowday gobolka Galguduud ee bartamaha Soomaaliya oo ay ka kala taliyaan Ururrada Ahlusunna Waljmaaaca iyo Xarakada Al-shabaab.

7/16/2012 8:09 AM EST
Isniin, July 16, 2012 (HOL) — Ra'iisul wasaaraha Itoobiya, Meles Zenawi ayaan ka qaybgalay shirka madaxda ururka Midowga Afrika uga socda Addis Ababa, iyadoo ay ilo wareedyo hoose sheegayaan inuu aad u xanuunsan yahay.

7/16/2012 6:33 AM EST
Isniin, July 16, 2012 (HOL) — Maxamuud Cabdi Ibraahim (Garweyne) oo ka mid ahaa xildhibaannada baarlamaanka Soomaaliya horayna u soo noqday wasiir ayaa ku dhintay qarax maanta oo Isniin ah ka dhacay degmada Xamar-weyne ee gobolka Banaadir; iyadoo qaraxaas ay ku dhaawacmeen sideed qof oo laba ka mid ah ay la saarnaayeen gaariga.

7/16/2012 3:55 AM EST
Isniin, July 16, 2012 (HOL) — Dhallinyaro Soomaaliyeed oo ay xabsi ku hayaan koox malleeshiyo ah oo gacanta ku haysa magaalada Misraata ee dalka Liibiya ayaa ka cabanaya dhibaatooyin lagu hayo.

7/16/2012 3:35 AM EST
Isniin, July 16, 2012 (HOL) — Madaxda ururka Midowga Afrika ayaa xalay u doortay in haweeney ay markii ugu horreysay hoggaamiso ururka Midowga Afrika, taasoo ah wasiirradda arrimaha gudaha ee dalka Koonfur Afrika, Nkosazana Dlamini-Zuma oo dhowr wareeg oo doorasho ah kaga guleysatay hoggaamiyihii Midowga Afrika, Jean Ping oo u dhashay dalka Gaaboon.

7/16/2012 2:55 AM EST
Isniin, July 16, 2012 (HOL) — Ra'iisul wasaaraha xukuumadda Soomaaliya, C/wali Maxamed Cali ayaa sheegay inay heer gabo-gabo ah marayaan howlaha looga gudbayo xilliga KMG ah ee Soomaaliya, isagoo sheegay inuu rajo wanaagsan ka qabo in howshan ay ku dhammaanto xilligii loo qabtay.