3/28/2024
Today from Hiiraan Online:  _
Wararka Maanta- Jimco, July 13, 2012
AMISOM oo sheegtay in raashin gargaar ah oo la dhacay ay ka heshay saldhig ay Al-shabaab ku lahayd Laanta-buuro
Jimco, July 13, 2012 (HOL) — Warsaxaafadeed ay soo saareen ciidamada AMISOM ayay ku sheegeen in Laanta-buuro ay ka heleen 500-kiish oo raashin ah, kaasoo ay loogu talogalay sida ay sheegeen in lagu caawiyo dadka ku nool gobolkaas, balse ay Al-shabaab dhacday.

Raashinkan ayay AMISOM sheegtay in Al-shabaab ay ku quudinaysay xoogaggeeda tababarka ku qaadanayay saldhig ay ku lahaayeen deegaankaas oo 10-km Koonfur kaga beegan degmada Afgooye ee gobolka Shabeellada Hoose.

"Saldhigga waxaan ka helnay hub ay ku jiraan qoryaha daran-doorriga u dhaca iyo qalabka laga sameeyo bambooyinka," ayaa lagu yiri warsaxaafadeedka. Sidoo kale waxaa warsaxaafadeedka lagu sheegay in 11-dagaalyahan oo Al-shabaab ka tirsan lagu dilay dagaalkii lagu qabaday Laanta-buuro afar kalena nolol lagu qabtay.

Taliyaha AMSIOM, Jen. Andrew Gutti ayaa sheegay in howgalka ay ku qabsadeen Laanta-Buuro ay qayb ka tahay sidii loogu fududeyn lahaa hay'adaha gargaarka in dadka gobolkaas ku nool ay raashinka gaarsiiyaan.

"Howgalkeennu waa mid miro-dhalay, wuxuuna qayb ka yahay howsha lagu soo celinayo nabadda Soomaaliya, hay'adaha samafalkana fursad loogu siinayo inay gaarsiiyaan dadka gobolkaas ku nool gargaarka bani'aadamnimo," ayuu yiri Jen. Gutti.

Ma jiro hadal kasoo baxay dhinaca Al-shabaab oo ku saabsan hadalkan, iyadoo tani ay imaanayso xilli ay ciidamada dowladda iyo kuwa AMISOM qabsadeen Balcad iyo Afgooye oo min 30-km u jira magaalada Muqdisho.

Waa markii ugu horreysay oo ay ciidamada AMISOM sheegeen in raashin gargaar ay ka heleen deegaan ay ka qabsadeen Xarakada Al-shabaab tan iyo markii uu qarxay dagaalka u dhexeeya iyaga io Al-shabaab muddo laga joogo saddex sano.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/13/2012 3:13 PM EST
Jimco, July 13, 2012 (HOL)- Madaxwaynaha Somaliland Md Axmed Maxamed Maxamuud (Siilaanyo) ayaa maanta salaaddii jimce kala qaybgalay dadweynaha magaaladda Hargeysa, isagoo aan ilaalo la socon, isla markaana kula tukaday masaajid ay dadku iskugu yimaadaan.

7/13/2012 1:37 PM EST
Kulan ballaaran oo ay ka qeyb galeen Marwada Ra'iisul Wasaaraha Drs. Hodan Saciid Ciise, Xildhibaano ka tirsan Baarlamaanka, Ururada Haweenka degmooyinka Gobolka Banaadir, Fanaaniin ay ka mid ahaayeen Seynab Xaaji Cali Baxsan, Binti Cumar Gacal iyo haween ka socday 16-ka degmo ee Gobolka Banaadir ayaa maanta ka dhacay Hotelka Saxafi ee Magaalada Muqdisho,

7/13/2012 7:57 AM EST
Jimco, July 13, 2012 (HOL) — Wafdi ka socda Qaramada Midoobay uuna horkacayo wakiilka UN-ka ee arimaha Soomaaliya, danjire Augustine Mahiga ayaa duhurnimadii maanta gaaray magaalada Garoowe ee xarunta Puntland, halkaasoo uu kulammo kula leeyahay madaxda Puntland.

7/13/2012 7:45 AM EST
Jimco, July 13, 2012 (HOL) — Ciidamada dowladda KMG Soomaaliya oo kaashanaya kuwa AMISOM ayaa maanta howgallo lagu soo qabqabtay dad iyo hub ka sameeyay degmada Balcad ee gobolka Shabeellada dhexe.

7/13/2012 4:57 AM EST
Jimco, July 13, 2012 (HOL) — Guddoomiyaha odayaasha Muqdisho, Maxamed Xasan Xaad oo ka mid ah odayaasha dhaqanka Soomaaliyeed ee Muqdisho uu uga socdo shirka ayaa sheegay inay codsadeen in la saxo qaladaadka dastuurka jira ka hor inta aan lasoo xulin ergagada ansixinta dastuurka.

7/13/2012 4:56 AM EST
Jimco, July 13, 2012 (HOL) — Dabley hubeysan ayaa toogasho ku dhaawacay laba ka mid ah saraakiisha booliiska Kenya oo ku sugnaa deegaan ku dhow degmada Mandheera ee gobolka Waqooyi-bari ee dalka Kenya aroonimadii shalay oo Khamiis ahayd.