3/28/2024
Today from Hiiraan Online:  _
Wararka Maanta- Jimco, July 13, 2012
Nabaddoon Maxamed Xasan Xaad oo sheegay in dib u dhicii ku yimid shirkii Ansixinta Dastuurka ay sabab u tahay kala aragti duwanaan jirta

Jimco, July 13, 2012 (HOL) — Guddoomiyaha odayaasha Muqdisho, Maxamed Xasan Xaad oo ka mid ah odayaasha dhaqanka Soomaaliyeed ee Muqdisho uu uga socdo shirka ayaa sheegay inay codsadeen in la saxo qaladaadka dastuurka jira ka hor inta aan lasoo xulin ergagada ansixinta dastuurka.

Nabaddoon Xaad ayaa sheegay arrintan ay tahay midda ay isku hayaan iyaga iyo madaxda dowladda ay tahay in la saxo qalalaadka dastuurka iyo in lasoo xulo ergadii ansixin lahayd, isagoo xusay inay jiraan aragtiyo kala duwan.

"Waxaa jira aragtiyo kala duwan oo aan badnayn, odayaashu waxay dalbadeen in la saxo qaladaad ka jira qabyo-qoraalka dastuurka, inta aan lasoo xulin ergada ansixin lahayd dastuurka," ayuu yiri Xaad.

Isagoo ku baaqay inaan la fududeysan talooyinka odayaasha dhaqanku ay soo jeedinayaan, sidoo kalena aan laga horimaan soo jeedinta odayaasha dhaqanka ee ku aaddan in la saxo dastuurka.

"Dastuur ay ummaddu ku qanci karto in la helo ayay odayaashu doonayaan mana ahan in talooyinkooda la fududeysto, mana habboon in la yiraado waxaas talo kuma lihidiin ee waxaas sameeya. Caafimaadku wuxuu ku jiraa in dastuurka la saxo, sidoo kalena ay shaqadu xulidda ergooyinku socoto," ayuu Xaad ku sheegay wargeysi uu siiyay saxaafadda.

Hadalka nabaddoonka ayaa wuxuu kusoo beegmayaa xilli uu dib u dhacay shirkii la doonayay in lagu soo xulo ergada ansixinta dastuurka lana ansixiyo dastuurka, taas oo uu wasaaradaha dastuurka iyo arrimaha guduhu ku sheegeen inay keentay cillado farasamo oo ay ka mid yihiin ergadii oo aan lasoo dhameystirin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/13/2012 3:13 PM EST
Jimco, July 13, 2012 (HOL)- Madaxwaynaha Somaliland Md Axmed Maxamed Maxamuud (Siilaanyo) ayaa maanta salaaddii jimce kala qaybgalay dadweynaha magaaladda Hargeysa, isagoo aan ilaalo la socon, isla markaana kula tukaday masaajid ay dadku iskugu yimaadaan.

7/13/2012 1:37 PM EST
Kulan ballaaran oo ay ka qeyb galeen Marwada Ra'iisul Wasaaraha Drs. Hodan Saciid Ciise, Xildhibaano ka tirsan Baarlamaanka, Ururada Haweenka degmooyinka Gobolka Banaadir, Fanaaniin ay ka mid ahaayeen Seynab Xaaji Cali Baxsan, Binti Cumar Gacal iyo haween ka socday 16-ka degmo ee Gobolka Banaadir ayaa maanta ka dhacay Hotelka Saxafi ee Magaalada Muqdisho,

7/13/2012 7:57 AM EST
Jimco, July 13, 2012 (HOL) — Wafdi ka socda Qaramada Midoobay uuna horkacayo wakiilka UN-ka ee arimaha Soomaaliya, danjire Augustine Mahiga ayaa duhurnimadii maanta gaaray magaalada Garoowe ee xarunta Puntland, halkaasoo uu kulammo kula leeyahay madaxda Puntland.

7/13/2012 7:45 AM EST
Jimco, July 13, 2012 (HOL) — Ciidamada dowladda KMG Soomaaliya oo kaashanaya kuwa AMISOM ayaa maanta howgallo lagu soo qabqabtay dad iyo hub ka sameeyay degmada Balcad ee gobolka Shabeellada dhexe.

7/13/2012 7:21 AM EST
Jimco, July 13, 2012 (HOL) — Warsaxaafadeed ay soo saareen ciidamada AMISOM ayay ku sheegeen in Laanta-buuro ay ka heleen 500-kiish oo raashin ah, kaasoo ay loogu talogalay sida ay sheegeen in lagu caawiyo dadka ku nool gobolkaas, balse ay Al-shabaab dhacday.

7/13/2012 4:56 AM EST
Jimco, July 13, 2012 (HOL) — Dabley hubeysan ayaa toogasho ku dhaawacay laba ka mid ah saraakiisha booliiska Kenya oo ku sugnaa deegaan ku dhow degmada Mandheera ee gobolka Waqooyi-bari ee dalka Kenya aroonimadii shalay oo Khamiis ahayd.