3/29/2024
Today from Hiiraan Online:  _
Wararka Maanta- Talaado, Jan 10, 2012
Tartankii ciyaaraha Jaaliyadaha Bariga Afrika oo soo gabagaboobay iyo Somalia oo kaalinta 2-aad gashay (SAWIRRO)
SPORTS8.jpg
Talaado, January 10, 2012(HOL) Nairobi, Kenya - Waxaa garoonka City Stadium ee magalaadda Nairobi lagu soo gabagabeeyay tartankii Nabadda iyo Is dhexgalka ee jaaliyadaha bariga Afrika ee "East African peace and Integration Football Tournament" waxaana ciyaartii kama dambeysta aheyd ay shalay dhex martay xulalka Jaaliyadaha Kenya iyo Somalia.

Ciyaartan ayaa ku dhammaatay 2-0 oo guushu ku raacday xulka Kenya, waxaana xulka Soomaaliay uu soo bandhigay ciyaar ay ku raaxeysteen dhammaan taageerayaashii u soo daawasha tagay kulankaas, iyadoo Somalia ay dhinac kasta ku gacan sareysay marka laga reebo nasiibka oo Kenya u hiiliyay.

Ciyaarahan waxaa maalgaliyay, isla markaana soo qaban qaabiyay Ururka dhallinyarada Sooomaaliyeed ee Somali Youth Advocacy Organization "SYAO" , waxaana ka soo qeyb galay jaaliyadaha dalalka Somalia, Kenya, South Sudan, Uganda, Burundi iyo  Congo, waxaana xulka Kenya ee koobka ku guuleystay la guddoonsiiyay lacag 25'000 Kenya Shilling, Koob iyo billado, halka Xulka Soomaaliya oo galay kaalinta 2-aad la guddoonsiiyay abaal marin lacageed oo gaareysay 15'000, Koob iyo billado, halka xulka Uganda Cranes oo kaalinta 3-aad galay isagana lagu abaal mariyay 10'000 iyo koob, kaddib markii uu ciyaarta kaalinta 3-aad ku soo dur duriyeen xulka Burundi.

SPORTS.jpg

Madaxda xiriirka kubada cagta ee Football Kenya Federation (FKF) ayaa u mahadceliyay ururuka SYAO, iyagoo xusay in tartankan ku soo dhammaaday guul iyo xiiso,waxayna sheegeen in is bedel weyn uu ku sameeyay qoomiyadaha ku nool magaaladda Nairobi.

Xasan Cali Geesey oo kamid ah madaxda ururka SYAO ayaa isna xusay in ujeeda ay tartankan u maalgaliyeen ay tahay sidiii bulshooyinka Bariga Afrika ay isku baran lahaayeen, isla markaana loo xoojin lahaa saaxiibtinimada ka dhexeysa.

Tartamada noocaan ah ayaa hadii ay sii socdaan wax ka tari kara is dhex galka bulshooyinka ku dhaqan dalka Kenya oo ay ku jiraan jaaliyadaha kala duwan ee wadamada Bariga iyo Bartamaha qaarada Afrika.


SPORTS15.jpg
SPORTS11.jpg
SPORTS6.jpg
SPORTS7.jpg
SPORTS5.jpg
SPORTS10.jpg
SPORTS3.jpg
SPORT13.jpg
SPORTS9.jpg
SPORT14.jpg

Axmed Cabdisamad, Hiiraan Online
[email protected]
Nairobi , Kenya












Click here
1/10/2012 11:26 AM EST
Gabadhan yar oo jirta 10 sano, ayaa lagu magaacaabaa Nimco Cismaan Ibraahim, iyadoo haatan lagu hayo magaalada Nairobi ee xarunta dalka Kenya, oo ay ka dayriyeen xaaladadeeda dhakhaatiirta loo geeyay ee dalka Kenya.

1/10/2012 9:54 AM EST
Allaha u naxariistee marxuum Ugaas Ibraahin Ugaas Cabdulaahi ugaas Axmed oo ahaay ugaaska beesha reerow Xasan ayaa xalay ku geeriyodey magalada Feer-feer.

1/10/2012 8:15 AM EST
Talaado, Jannaayo 10, 2012 (HOL) − Dagaal ay ku dhaawacmeen saddex qof oo laba ka mid ah ay ahaayeen ciidamada wadooyinka ee loo yaqaan taraafikada ayaa maanta ka dhacay Muqdisho, iyadoo dagaalkan uu socday muddo kooban.

1/10/2012 8:08 AM EST
Talaado, Jannaayo 10, 2012 (HOL) − Kulan xildhibaannada taageersan Shariif Xasan ay maanta ku yeesheen xafiiskiisa Muqdisho ayaa waxay soo saareen warbixinay kaga soo horjeesteen doorashadii xildhibaan Madoone Nuunow Maxmaed iyo xil ka qaadistii lagu sameeyay afhayeenka baarlamaanka iyo ku xigeenkiisa koowaad.

1/10/2012 7:43 AM EST
Talaado, Jannaayo 10, 2012 (HOL) − Hay'adda TIKA oo ka mid ah hay'adaha Turkiga ee ka howlgala Soomaaliya ayaa waxay sheegtay inay dib u dhis ku sameynayso jidadka burbursan ee Soomaaliya, gaar ahaan Muqdisho.

1/10/2012 7:12 AM EST
Talaado, Jannaayo 10, 2012 (HOL) − Shirkii madaxda baarlamaanka dalalka IGAD ee ka socday dalka Jabuuti ayaa oo lasoo gabgabeeyay ayaa war-murtiyeed laga soo saaray waxaa lagu sheegay in shirkaas ay Soomaaliya ku matalayeen xubnihii uu horkacayay guddoomiye ku xigeenka koowaad ee baarlamaanka C/weli Ibraahim Sheekh Muudeey.

1/10/2012 7:03 AM EST
Talaado, Jannaayo 10, 2012 (HOL) − Taliyaha ciidamada AMISOM, Major Jen. Fred Mugisha ayaa sheegay markii ugu horreysay in ciidamadooda ay Baladweyne kala wareegi doonaan ciidamada Itoobiya ee ka qabsaday Xarakada Al-shabaab bishii lasoo dhaafay.

1/10/2012 6:45 AM EST
Talaado, Jannaayo 10, 2012 (HOL) − Maceeshadda iyo sarifka lacagaha ayaa bilihii u dambeeyey aan wax isbedel ahi ku dhicin, ka dib markii ay muddo qiimaha sarifka Lacagta qalaad gaar ahaan Dollarka Maraykanka uu muddo hoos u dhac weyni ku dhacay, taas oo qoysaska dibadaha laga soo biiliyaa ay kala kulmeen khasaare weyn.

1/10/2012 6:40 AM EST
Talaado, Jannaayo 10, 2012 (HOL) − Wararka aynu ka heleyno deegaanka Taabto ee gobolka J/hoose ayaa sheegaya in uu halkaasi ka qarxay dagaal culus oo u dhexeeya ciidamada dowladda KMG oo garab ka heleya kuwa Kenya iyo Xarakada Al-shabaab.

1/10/2012 6:40 AM EST
Talaado, Jannaayo 10, 2012 (HOL) − Kuulliyadaha Maareynta iyo teknoolijiyada Software ka ayaa shalay ganacsatada magaalada Boorama usoo bandhigtay sida cilmigaasi looga faa'iideysto ganacsiga.

1/10/2012 6:34 AM EST
Talaado, Jannaayo 10, 2012 (HOL) − Siminaar looga hadlayay sida loo dhiira gelin karo, Nabada, Ammaanka iyo Xasiloonida Bulshada Soomaaliyed ayaa maanta lagu qabtay Hotelka Saxafi ee Magaalada Muqdisho, kaasoo ay ka qeyb galeen Odayaal dhaqameedyo, xildhibaano iyo Mas'uuliyiin ka socday dowladda.

1/10/2012 2:46 AM EST
Talaado, Jannaayo 10, 2012 (HOL) − Askari hore oo ciidamada Mareykanka ka tirsanaa kana soo-jeeda Maryland ayaa lagu eedeeyay inuu qalab ku taageerayay Xarakada Al-shabaab oo Mareykanka looga aqoonsan yahay koox argagaxiso ah.

1/10/2012 2:34 AM EST
Talaado, Jannaayo 10, 2012 (HOL) − Ra'iisul wasaaraha Soomaaliya, Dr Cabdiweli Maxamed Cali oo shir looga hadlayay fulinta Roadmap-ka uga qaybgalay magaalada Nairobi Isniintii shalay ahayd ayaa ku eedeeyay beesha caalamka inaysan waqtigii loo baanaa ku bixin dhaqaalihii lagu fulin lahaa Roadmap-ka.

1/10/2012 2:10 AM EST
Talaado, Jannaayo 10, 2012 (HOL) − Xarakada Al-shabaab ayaa baahisay cajalad ay ku sheegtay inay go'aansatay dagaal ka dhan ah dalka Kenya, iyadoo hoggaanka dagaalkaas u magacowday Sheekh Axmed Iimaan Cali oo aan dhalasho ahaan la sheegin dalka uu kasoo jeedo.

1/10/2012 2:09 AM EST
Talaado, Jannaayo 10, 2012 (HOL) − Xildhibaan Max’ed Amiin Xassan C/llaahi oo ka mid ah mudanayaal ka tirsan baarlamaanka Soomaaaliya oo xiligan ku sugan magaalada Beledweyne ee xarunta u ah gobollka Hiiraan ayaa sheegay in qabashada magaalada iska kaashadeen dowladda KMG iyo ciidamada Itoobiya.