3/28/2024
Today from Hiiraan Online:  _
Wararka Maanta- Sabti, Dec 8 , 2012
Ururka Ahlusunna oo Degmada Dhuusomareeb ka mamnuucay in hubka lagu dhexqaato iyo in rasaas lagu dhex rido
Sabti, December 08, 2012 (HOL) — Maamulka Ahlusunna Waljamaaca ee gobolka Galguduud ayaa ka manuucay xarunta gobolkaas ee Dhuusomareeb in hub lagu dhex qaato iyo si macno-darro ah rasaas loogu dhex-rido, iyagoo sheegay inay tallaabo ka qaadi doonaan ciddii jabisa amarkaas.

Taliyaha Amniga ee degmada Dhuuso-mareeb, Farxaan Macallin Cali ayaa sheegay in Ahlusunna ay isku raacsan tahay inaan hub lagu dhexqaadan karin degmada, sidoo kalena aanay jiri karin in rasaas macno-darro ah laga maqlo gudaha degmada.

"Waxaan uga digaynaa dadka degmada ku nool inuusan hub ku dhexqaadan karin degmada cid aan ka tirsanayn ciidamada ammaanka, qofkii lagu helo isagoo hub ku dhex-wata waa lagala wareegayaa isagana sharciga ayaa lala tiigsan doonaa," ayuu yiri Farxaan Macallin.

Sidoo kale, taliyuhu wuxuu sheegay in qofkii hubkiisa lagala wareego inaan dib loogu celin doonin, isagoo sheegay in sidoo kale sharciga la marsiin doono qofkii rasaas ku dhex-rida degmada; basle taliyuhu ma sheegin ciqaabka uu mudan doono nooca ay tahay.

Degmada Dhuuso-mareeb ayaa waxaa afartii sano ee ugu dambeeyay ka talinaysay Ahlusunna, inkastoo dhowr jeer ay Al-shabaab ku qabsadeen weerarro gaadmo ah oo ay ku qaadeen, iyagoo saacado kaddib dib uga baxayay.

Ururka Ahlusunna ayaa dhanka kale sheegay inay aaseen lix barkadood oo ku yaalla inta u dhexeysa degmada Caabud-waaq iyo deegaanka Xanan-buurre, iyagoo xusay in aasidda barkadahaas ay dani ugu jirto dadka deegaanka oo dhowr jeer oo hore ku dagaalamay.

Taliyaha amniga ee Dhuusomareeb ayaa ugu dambeyn sheegay in dadka deegaanku ay isku waafaqeen aasidda barkadahaas, isagoo xusay inay jireen dad kasoo hor-jeestay; inkastoo ay markii dambe ogolaadeen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/8/2012 9:52 AM EST
Sabti, December 08, 2012 (HOL) — Waxaa maanta qabuuraha Muslimiinta ee magaalada Nairobi lagu aasay qaar kamid ah dadkii ku dhintay qaraxii xalay ka dhacay masaajid ku yaal xaafadda Islii ee magaalada Nairobi.

12/8/2012 8:31 AM EST
Sabti, December 08, 2012 (HOL) — Xildhibaanno ka tirsan baarlamaanka Soomaaliya iyo koox fanaaniin ah ayaa maanta gaaray magaalada Baladweyne ee xarunta gobollka Hiiraan, halkaa oo ay ku soo dhaweeyeen mas’uuliyiinta ka tirsan maamulka gobolka.

12/8/2012 8:22 AM EST
Sabti, December 08, 2012 (HOL) — Guddiga doorashada Puntland ayaa saddex toddobaad oo dheeraad ah ku kordhiyay mudada furashada xisbiyada oo xiligii horay loogu qabtay uu dhammaad ku dhow yahay.

12/8/2012 7:35 AM EST
Axad, December 09, 2012 (HOL) — Guddiga Doorashooyinka Somaliland ayaa sheegay in dib loogu noqonayo tirintii sanaaduuqda degmadda Hargeysa ee natiijadeedu rabshaduhu ka dhasheen, isla markaana hakiyeen natiijadii ku meelgaadhka ahayd ee lagu dhowaaqay.

12/8/2012 7:24 AM EST
Sabti, December 08, 2012 (HOL) — Maxkamadda ciidamada qalabka sida ee Somalia ayaa xakun xabsi daa’in ah ku ridday maanta oo Sabti ah taliyihii hore ee ciidamada Asluubta Soomaaliyeed, Jen. Cabdi Maxamad Ismaaciil (Indho-buur) kaddib markii lagu eedeeyay inuu xabsiga dhexe kasii daayay 14 maxaabiis oo Al-shabaab ka tirsanaa.

12/8/2012 6:51 AM EST
Sabti, December 08, 2012 (HOL) — Madaxweynaha dowladda Soomaaliya, Xasan Sheekh Maxamuud oo maanta dib ugu soo laabtay Muqdisho ayaa cambaareeyay qaraxii xalay ka dhacay xaafadda Islii ee magaalada Nairobi oo uu ku dhaawamay xildhibaan Yuusuf Xasan oo ka tirsan baarlamaanka Kenya.

12/8/2012 3:10 AM EST
Sabti, December 08, 2012 (HOL) — Madaxweynaha Soomaaliya oo booqasho saddex maalmood qaadatay ku tagay dalka Turkiga ayaa sheegay in waxyaabihii ugu weynaa ee uu kala hadlay madaxda dalka Turkiga ay ugu muhiimsanaayeen sidii ammaanka dalka loo sugi lahaa.

12/8/2012 3:07 AM EST
Sabti, December 08, 2012 (HOL) - Shan qof ayaa ku dhimatay lix kalena waa ay ku dhaawacmeen qarax xalay lala eegtay Xildhibaan Yuusuf Xasan xilli uu dadweeyne kula hadlayay masaajid ku yaal wadada loo yaqaan Jam street oo ka tirsan xaafadda islii ee magaalada Nairobi.

12/8/2012 3:04 AM EST
Sabti, December 08, 2012 (HOL) — Xarunta golaha shacabka ee Muqdisho ayaa lagu qabtay kulan ay talooyin iyo su’aalo ay isku dhaafsanayeen guddoomiyaha baarlamaanka Soomaaliya, Maxemed Cismaan Jawaari iyo dhallinyarada magaalada Muqdisho. Kulankan oo ahaa kii ugu horreeyay noociisa oo ay yeeshaan madaxda dalka iyo dhallinyarada Muqdisho.