3/29/2024
Today from Hiiraan Online:  _
Wararka Maanta- Axad, Dec 30, 2012
Madaxweynaha Puntland : "Muddo aanu kororsanay ma jirto, shantii sano ee nalagu doortay baan dhameynaynaa"
Axad, December 30, 2012 (HOL) — Madaxweynaha Puntland Dr. Cabdiraxmaan Maxamed (Faroole) oo khudbad ka jeediyey xaflad lagu soo xirayey olole caafimaad  oo lagu qabtay Isbitaalka weyn ee magaalada Boosaaso ayaa ka hadlay arimo badan.

Waxyaabaha uu madaxweynuhu soo hadal qaaday waxaa kamid ahaa, eedeymaha dowladda loo jeedinayo ee la xiriira in ay xilka muddo sanad ah ku darsatay iyo sida ay suurtagal u tahay in nidaamka axsaabta muddo kooban Puntland looga hirgeliyo.

Wuxuuna sheegay in aysan jirin wax muddo kororsi la yiraahdo oo ay xukuumadiisu samaysay, isagoo taas ka hadlayana wuxuu yiri: "Muddo aanu kororsanay ma jirto; runtaan idiin sheegeynaaye, shantii sano ee nalagu doortay baan dhamaynaynaa".

Mar uu ka hadlayey hirgelinta nidaamka axsaabta iyo suurtagal nimada in nidaamka axsaabta badan muddo sanad gudihiis ah si dhamaystiran looga hirgeliyo Puntland wuxuu yiri: "Kuwaa waxay leeyihiin hal sano malagu dhameyn karaa? Oo maxaan ugu dhameyn weyney?!! Tii ka weyneyd oo Xamar oo ay dhibaatadu haysateyba
waan hirgeliney."

Hadalka madaxweyne Faroole ayaa kusoo aadaaya xilli dhinacyada mucaaradka ahi ay ku doodayaan in muddada xilka madaxweynuhu ay ku egtahay 8-da bisha Janaayo 2013 oo ay maalmo koobani ka harsan yihiin.

Inkasta oo dastuurka cusub ee Puntland oo bishii Feb, 2012 afti kooban lagu ansixiyey uu dhigayo: in muddada xilka madaxweynuhu haynayo ay tahay shan sano.

Maxamed Salaad Xaaji Dirir, Hiiraan Online
[email protected]
Puntland, Soomaaliya











Click here
12/30/2012 1:14 PM EST
Axad, December 30, 2012 (HOL) — Kulan ballaaran oo ay isugu yimaadeen qaybaha kala duwan ee bulshada iyo maamulka gobolka Bari, islamarkaana uu kasoo qayb galay wasiirka amniga Puntland, ayaa maanta ka dhacay xarunta dowladda hoose ee degmada Boosaaso.

12/30/2012 11:30 AM EST
Axad, December 30, 2012 (HOL) — Maxkamadda derejada 1-aad ee gobolka Bari - laanteeda magaalada Boosaaso- ayaa maanta xukuno kala duwan ku riddey eedaysaneyaal ay tiradoodu 17 qof gaareyso, kadib markii lagu helay ku lug lahaanshaha falal Burcad-badeednimo.

12/30/2012 6:59 AM EST
Axad, December 30, 2012 (HOL) — Mudaharaad balaadhan ayaa maanta ka dhacay magaalada Boorame ee gobolka Awdal, kaasoo lagu diidan yahay sababta illaa hadda loo dhaarin laayahay maayarkii iyo ku xigeenkii degmadda Saylac oo khilaaf ka taagan yahay.

12/30/2012 6:56 AM EST
Axad, December 30, 2012 (HOL) — Guddoomiyaha maamulka gobolka Hiiraan, Cabdifataax Xasan Afrax ayaa maanta kulan ballaaran kula qaatay gudaha isbitaalka magaalada Baladweyne qeybaha bulshada iyo guud ahaa shaqaallaha isbitaalka, kadib markii ay joojisay hay’adda MSF gacantii ay sii jirtay isbitaalka guud ee Baladweyne.

12/30/2012 6:44 AM EST
Axad, December 30, 2012 (HOL) — Maamulka Puntland ayaa laba maado oo cusub kusoo kordhiyay waxbarashada dugsiyada ku yaalla deegaannada uu maamulkaas ka taliyo, waxaana labadan maaddo ay kala yihiin maaddo lagu baranayo nabadda iyo mid lagu baranayo dimuqraadiyadda.

12/30/2012 6:06 AM EST
Axad, December 30, 2012 (HOL) — Xidlhibannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay xukuumaddu ku shaqeyn doonto sannadka soo socda ee 2013, kaddib markii wax ka bedel lagu soo sameeyay qodobbadii ay mudanayaashu doodda adag ka yeesheen kuna diideen isla todobaadkan miisaaniyada.

12/30/2012 1:02 AM EST
Axad, December 30, 2012 (HOL) — Iyadoo shalay ay ku dhinteen dalka Liibiya 16-qof oo tahriibayaal Soomaali ah ayaa waxaa lasoo bandhigay magacyada maydadkii dadkaas, iyadoo xaaladda saddex ka mid ah kuwii dhaawacmayna aad looga dayrinayo.

12/30/2012 1:00 AM EST
Axad, December 30, 2012 (HOL) — Garoonka diyaaradaha ee Muqdisho ayaa ah mid aad u mashquul badan dhowrkii maalmood ee lasoo dhaafay iyadoo halkaas ay kasoo degaan maalin walba in ka badan 100 qof oo kasoo ambabaxay magaalada Nairobi ee xarunta dalka Kenya.