3/19/2024
Today from Hiiraan Online:  _
Wararka Maanta- Isniin, Dec 3 , 2012
Goobjoogayaashii Caalamiga ahaa oo ka hadlay Doorashada Somaliland iyo Degmooyin la shaaciyey Natiijadii kasoo baxday
Isniin, December 03, 2012 (HOL) — Goobjoogayaashii Caalamiga ahaa ee u kuurgaliyey qaabka doorashooyinka golaha deegaanku uga dhaceen Somaliland ayaa sheegay inay si nabadgalyo ah uga dhacday doorashaddu Somaliland, isla markaana dadku si weyn ugu soo baxeen codeynta, taas oo keentay inay ka bataan dadkii doorashooyinkii hore codeen jiray,kuwaas oo dadweynaha somaliland ku tilmaamay qaar u bislaaday dimuqraadiyada iyo usoo bixitaanka doorashooyinka.

Sidoo kale, waxay goobjoogayaashu warbixintooda hordhaca ah ku sheegeen inay dhallinyarada iyo haweenku si weyn ugu soo baxeen doorashooyinka, kuwaas oo iskugu jiray qaar codeynaya iyo qaar sharaxan oo loo codaynayo, kuwaas oo  ka duwan  doorashooyinkii hore oo ay haweenka iyo dhalinyaradu ku yaraayeen, taasina ay keentay ka dib markii xeerkii xakamaynayey dhalinyarada meesha laga saaray.

Kormeerayaashan ayaa sheegay in hawl adag ay galeen Guddida Doorashooyinka, isla markaana si fiican ula shaqeeyeen goobjoogayaasha caalamiga ah iyo gudaha ka hawlgalyey, waxaanay sheegeen inay warbixintoodda rasmiga ah shaacin doonaan maalinta lagu dhawaaqo, waxaanay bulshadda Somaliland iyo guddida doorashooyinka uga mahadceliyeen kaalintii balaaadhnayd ee ay ka gaysteen hirgalinta doorasho xasaasi ah oo dad badani ka qaybqaadanayaan, waxaanay tilmaameen inay hawshu ahayd mid baaxad leh oo ay ka qaybgaleen  2,368 musharax oo ka tartamayey 21 degmo, isla markaana ku tartamayeen toddoba urur siyaasi, halka laga rabay inay soo baxaan 3,79 Xildhibaan iyo saddex xisbi qaran, taasina ay keentay culays baaxad leh oo ay u dhabar adeegeen hawl-wadeenadda doorashooyinka.

Dhinaca kale, dadweynaha ayaa wali dhawraya ku dhawaaqida magaalooyinka waaweyn iyadoo aad arkayso dadka oo qalin xaashi wada haysta oo isku gaysanaya musharax walba iyo urur walba inta degmo ee uu ka soo baxay iyo waliba musharax uu taageersanaa inta dhibcood ee goobihii laga codeeyey uu ka helay, waxaana inta badan la is waydiinayaa mushrax walba inta dhibcood ee uu haysto, inkastoo musharax waliba wali taagan yahay inuu guulaystay oo dhibco fiican haysto.

Haseyeeshee, ilaa hadda waxa lagu dhawaaqay ilaa 13 degmo oo la shaaciyey siday u kala heleen ururaddu, balse ilaa hadda waa la sugaya magaalooyinka waaweyn, kuwaas oo hawl adagi ka socoto, isla markaana habeen iyo maalinba ay ka socoto tirinta codadka , iyadoo lixdii saacadoodba ay kooxi galayso,  waxaana kolba iska soo daba dhacaya warar kala duwan oo musharaxiintu ku kala saraynayaan, taas oo si weyn ay farta wadnaha ugu hayaan, isla markaana aad arkayso iyagoo ku gaaf wareegaya xafiisyadooda iyo goobaha Komishanku ku shaqaynayaan.

Si kastaba ha ahaatee, degmooyinka sida rasmi ah loogu siii dhawaaqay waxa ka mid ah:
  1. Degmadda Ceel- AFweyn: waxa ay ka kala heleen xisbiyadu sidan : Kulmiye 8 Xildhibaan, Rays 3 Xildhibaan,  Waddani 3 Xildhibaan, Ummadda 1 Xildhibaan, Ucid 1 Xildhibaan Dalsan 1 Xildhibaan, Xaqsoor 0 Xildhibaan.
  2. DEGMADDA SHEEKH:Waddani  4 Xildhibaan ayuu ka haley, Kulmiye 4 xildhibaan, Ucid  3 xildhibaan, Dalsan 1 xildhibaan, Xaqsoor 1 xildhibaan, Ummadda waxba kama helin degmadaasi, RAYS waxba kama helin.
  3. DEGMADDA SAYLAC: Kulmiye 6 Xildhibaan,  Waddani 4 Xildhibaan, Xaqsoor 3 Xildhibaan, Ucid 2 Xildhibaan, Dalsan 1 Xildhibaan, Umadda 1 Xildhibaan, Rays 0 Xildhibaan
  4. DEGMADDA BAKI: KULMIYE 5 Xildhibaan, WADANI 4 Xildhibaan, DALSAN 1 Xildhibaan, UMADDA 2 Xildhibaan, XAQSOOR 1 Xildhibaan, RAYS 0 Xildhibaan, UCID 0 Xildhibaan.
  5. DEGMADDA OODWEYNE: UMMADDA 7 Xildhibaan, WADANI 6 Xildhibaan, KULMIYE 1 Xildhibaan, XAQSOOR 1 Xildhibaan, UCID 1 Xildhibaan, DALSAN 1 Xildhibaan, RAYS 0 Xildhibaan.
  6. Degmadda BALIGUBADLE: XAQSOOR   7 xildhibaan, KULMIYE 2 xildhibaan, WADANI 2 Xildhibaan, UCID 1 xildhibaan, DALSAN 0 Xildhibaan, UMMADDA 0 Xildhibaan, RAYS 0 Xildhibaan.
  7. Degmadda LUGHAYA: KULMIYEK 6 Xildhibaan, XAQSOOR 3 Xildhibaan, UCID 2 Xildhibaan, WADANI 2 Xildhibaan, UMMADDA 0 Xildhibaan, DALSAN 0 Xildhibaan, RAYS 0 Xildhibaan.
  8. Degmadda CAYNABO: KULMIYE 6 Xildhibaan, XAQSOOR 4 Xildhibaan, WADANI 2 Xildhibaan, UMMADDA 1 Xildhibaan, RAYS 0 Xildhibaan, DALSAN 0 Xildhibaan, UCID 0 Xildhibaan.
  9. Degmadda QORILUGUD: Kulmiye 3 Xildhibaan, Waddani   1 Xildhibaan, Rays 1 Xildhibaan, Umamada 1 Xidhiban, Ucid 1 Xidhiban, Xaqsoor 0 Xildhibaan, Dalsan 0 Xildhibaan.
  10. Degmadda GAR-ADAG : Rays 8 Xildhiban, Kulmiye 3 Xildhiban, Waddani 2 Xildhibaan, Ucid 0 Xildhibaan, Ummadda 0 Xildhibaan, Xaqsoor 0 Xildhiban, Dalsan 0 Xildhibaan.
  11. Degmadda SALAXLEY: Ucid 5 Xildhibaan, Kulmiye 3 Xildhibaan, Xaqsoor 2 Xildhibaan, Waddani 2 Xildhibaan, Rays 1 Xildhibaan, Ummadda 0 Xildhibaan, Dalsan 0 xildhibaan.
  12. Degmadda LAACANOOD: Kulmiye 6 Xildhibaan, Xaqsoor 5 Xildhibaan, Waddani 3 Xildhibaan, Ucid 3 Xildhibaan, Ummadda 2 Xildhibaan, Dalsan 1 Xildhibaan, Rays 0 Xildhibaan.
  13. Degmadda Boorame, Kulmiye 7 xildhibaan buu helay, WADANI 4 Xildhibaan, UCID 3 Xildhibaan, UMMADDA 3 xildhibaan, RAYS 2 Xildhibaan, XAQSOOR 1 Xildhibaan, DALSAN 1 Xildhibaan.
Si kastaba ha ahaatee, ururka XAQSOOR ayaa sheegay in xukuumadda iyo xisbiga KULMIYE ku shubteen goobaha qaarkood, kuwaas oo ugu baaqay Komishanka doorashooyinku inay dib u saxaan khaladaadkii dhacay.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
12/3/2012 1:51 PM EST
Isniin, December 03, 2012(HOL): Safaaradda Soomaalida ee Shiinaha iyo dhammaan Ganacsatada iyo ardeyda soomaaliyeed ee ku nool dalka China ayaa si wada jir ah, tacsi ugu dirayo Ehelladii iyo asxaabtii uu ka geeriyooday marxuumka.

12/3/2012 1:29 PM EST
Isniin, December 03, 2012 (HOL) —Kulan ay maanta isugu yimaadeen golaha wasiiradda xukuumadda federaalka Soomaaliya ayay uga doodeen arimo dhowr ah oo ay kamid tahay miinaasiyadda sanadda 2013.

12/3/2012 12:52 PM EST
Isniin, December 03, 2012 (HOL) —Ururka shaqaalaha aduunka ee (ILO) ayaa maanta tababar usoo xiray xubno katirsan maamulka gobolka banaadir.

12/3/2012 8:15 AM EST
Isniin, December 03, 2012 (HOL) — Xildhibaannada Baarlamaanka Soomaaliya ayaa u yeeray wasiirka gaashaandhigga, C/xakiin Maxamuud Xaaji Fiqi iyo wasiirradda arrimaha dibadda iyo iskaashiga caalamiga ah, Fowziyo Yuusuf Xaaji Aadan si ay u weydiiyaan su'aalo ku saabsan Xarigga wariyihiin BBC-da iyo kireyntii safaaradda Soomaaliya ee Talyaaniga.

12/3/2012 7:46 AM EST
Isniin, December 03, 2012 (HOL) — Roobab xooggan oo Sabtidii lasoo dhaafay ka da'ay magaalada Muqdisho ayaa burburiyay guryo ka sameysan cooshado oo ay ku noolaayeen barakacayaal deegaannadoodii uga soo tagay dagaallo iyo abaaro ku dhuftay sannadkii hore.

12/3/2012 7:27 AM EST
Isniin, December 03, 2012 (HOL) — Dibadbax lagu taageerayay amarkii isbaarada lagu qaadayay ee uu dhawaan bixiyay madaxweynaha Soomaaliya, Xasan Sheekh Maxamuud ayaa maanta ka dhacay garoonka Koonis Istaadiyum ee magaalada Muqdisho.

12/3/2012 6:56 AM EST
Isniin, December 03, 2012 (HOL) — Wafdi isugu jiray wasiirro iyo saraakiil ciidan oo uu hoggaaminayay wqasiirka arrimaha gudaha iyo ammaanka Qaranka, C/kariin Xuseen Guuleed ayaa ayaa lagu weeraray maanta duleedka degmada Marko ee xarunta gobolka Shabeellada Hoose, iyagoo kusoo jeeday Muqdisho, kaddib markii ay soo gabagabeeyeen safar ay ku joogeen degmada Marko.

12/3/2012 6:26 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay xeer hoosaasyada uu baarlamaanka Soomaaliya ku shaqeyn doono afarta sano ee soo socota, iyadoo aanay jirin cid kasoo horjeesatay iyo cid ka aamustay.

12/3/2012 3:17 AM EST
Isniin, December 03, 2012 (HOL) — Ugu yaraan shan ka mid ah dhinacyadii dagaalku u dhexeeyay ayaa ku dhintay dagaal culus oo shalay gallinkiii dambe ku dhexmarya duleedka degmada Bardaale ee gobolka Bay ciidamada dowladda Soomaaliya iyo xoogagga Al-shabaab.

12/3/2012 3:09 AM EST
Isniin, December 03, 2012 (HOL) — Danjiraha Jabuuti u jooga Soomaaliya, Dayib Dubad Rooble ayaa shaaca ka qaaday in ciidamada ka socda dalka Jabuuti ee qaybta ka ah howlgalka AMISOM ee Soomaaliya lasoo dhameystiri doono toddobaadka soo socda.

12/3/2012 2:53 AM EST
Isniin, December 03, 2012 (HOL) — Wasiirka arrimaha gudaha iyo Amniga Qaranka ee xukuumadda Soomaaliyeed, Cabdikariin Xuseen Guuleed ayaa sheegay in degmada Marko iyo deegannada kale ee gobolka Shabeellada hoose ay kaga sugan tahay dowladda Soomaaliya la geyn doono ciidammo suga ammaanka oo isugu jira booliis iyo nabad-sugid.

12/3/2012 2:26 AM EST
Isniin, December 03, 2012 (HOL) — Maxaabiis ku jirtay xabsiga degmada Baydhabo oo looga shakisnaa inay ka tirsan yihiin Al-shababa ayaa ka baxsay xalay xabsiga degmada Baydhabo ee xarunta gobolka Bay, iyadoo mas'uuliyiinta gobolkaas ay u sheegeen warbaahinta inay socdaan baaritaanno ku aaddan qaabkii ay maxaabiistu ku baxsatay.

12/3/2012 2:15 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa lagu wadaa inay maanta codka u qaadaan xeer hoosaadyada ay ku shaqeynayaan muddada uu baarlamaankan jiray oo afar sano ah, iyadoo horay ay mudanayaashu uga doodeen xeerkan.