3/29/2024
Today from Hiiraan Online:  _
Wararka Maanta- Jimco, Dec 28, 2012
Kooxo hubeysan oo Sarkaal ka tirsan Booliiska Kenya ku dilay degmada Mandheera ee Gobolka Waqooyi-bari Kenya

Jimco, December 28, 2012 (HOL) — Kooxo hubeysan ayaa xalay ku dilay degmada Mandheera ee gobolka Waqooyi-bari Kenya sarkaal ka tirsan ciidamada booliiska dalka Kenya, kaddib markii ay ku qaadeen weerar gaadmo ah.

Taliyaha booliiska gobolka Waqooyi-bari ee Kenya, Philip Tuimur ayaa sheegay in kooxaha weerarka geystay ay uga shakisan yihiin inay ka tirsan yihiin Xarakada Al-shabaab ee ka dagaalanta gudaha Soomaaliya.

“Sarkaalka waxaa lagu dhex-dilay gaarigiisa kaddib markii si gaadmo ah loogu furay rasaas,” ayuu yiri Tuimur oo intaas ku daray: “Kooxaha dilka geystay waxay ahaayeen afar ruux,waxaana uga shakisannahay inay ka tirsan yihiin Al-shabaab oo weerarro ku qaada saraakiisha ammaanka.”

Dableyda geystay dilka sarkaalka Kenyanka ah ayaa la sheegay inay la baxsadeen qori uu sarkaalku watay, iyadoo ciidammo kale oo gaarisa saarnaa ay ka baxsadeen goobta iyagoo nabad qaba.

Magaalada Mandheera ee dalka Kenya oo ku dhow xuduudda ay wadaagaan Soomaaliya iyo Kenya ayaa waxaa dhowr jeer oo hore ka dhacay falal noocan oo kale, kuwaasoo saraakiisha Kenya ay ku eedeeyeen inay Al-shabaab ka dameyso.

Xarakada Al-shabaab ayaa horay ugu hanjabtay inay weerarro ka geysan doonto gudaha Kenya, inkastoo dilka sarkaalkan aysan weli sheegan, waxaana xarakada Al-shabaab ay weli ka talisaa deegaanno ku yaalla Koonfurta iyo bartamaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/28/2012 1:41 PM EST
Jimco, December 28, 2012 (HOL) — Guddoomiyaha maamulka KMG ah ee magaalada Kismaayo, Sheekh Axmed Maxamd Islaam (Sheekh Axmed Madoobe) ayaa sheegay inuusan jirin wax khilaaf ah oo u dhexeeya dowladda federaalka Soomaaliya iyo maamulka Kismaayo.

12/28/2012 4:48 AM EST
Jimco, December 28, 2012 (HOL)- Madaxweynaha Somaliland Md. Axmed Maxamed Maxamuud (Siilaanyo), ayaa ka qayb galay munaasibad lagu furayay shirweynahii Lixaad ee Dalladda dhalinyarada Somaliland ee SONYO.

12/28/2012 3:17 AM EST
Jimco, December 28, 2012 (HOL) — Kaddib kulan ay ku yeesheen magaalada Baladweyne mas’uuliyiinta maamulka gobollka Hiiraan iyo saraakiisha ciidamada Jabuuti ee howlgalka AMISOM ayaa looga hadllay arrimo dhowr ah oo quseeya nabad-galyada guud ahaan gobolka.

12/28/2012 2:54 AM EST
Jimco, December 28, 2012 (HOL) — Guddoomiyaha maamulka gobolka Hiiraan ee dowladda Soomaaliya, C/fataax Xasan Afrax ayaa ku baaqay in la qaado howgal ballaaran oo lagu beegsanayo hoggaamiyeyaasha Xarakada Al-shabaab oo uu ku tilmaamay kuwo dhibaato ku haya shacabka Soomaaliyeed.

12/28/2012 2:32 AM EST
Jimco, December 28, 2012 (HOL) — Iska-horimaad u dhexeeya ciidamada dowladda Soomaaliya iyo xoogagga Al-shabaab ayaa xalay ka dhacay degmada Qansax-dheere ee gobolka Bay oo ka mid ah goobaha ay gacanta ku hayaan ciidamada dowladda Soomaaliya iyo kuwa caawinaya ee Itoobiya.

12/28/2012 2:23 AM EST
Jimco, December 28, 2012 (HOL) — Dhakhaatiir Soomaaliyeed ayaa tababar caafimaad loogu soo gabgabeeyay dalka Turkiga, waxaana hadal u jeediyay dhakhaatiirtaas oo tiradoodu ahayd 17 ruux wasiiradda horumarinta adeegga bulshada, Maryan Qaasim Axmed.

12/28/2012 2:11 AM EST
Jimco, December 28, 2012 (HOL) — Booliiska dalka Koonfur Afrika ayaa g go’aan adag ka qaatay ka ganacsiga iyo cunista jaadka ama qaadka, kaas oo mamnuuc ka ah dalka Koonfur Afrika iyadoo qofkii lagu qabto isagoo ka ganacsanaya ama cunaya uu muteysanayo xarig.