3/28/2024
Today from Hiiraan Online:  _
Wararka Maanta- Khamiis, Dec 27, 2012
Al-shabaab oo ku hanjabtay inay sii wadayso duqeymaha iyo weerarada ay la beegsanayso Magaalada Magaalada

Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.

Guddoomiyaha gobolka Banaadir ee Al-shabaab, Sheekh Cali Maxamed Xuseen ayaa sheegay in maalmihii ugu dambeeyay ay howgallo kawadeen magaalada Muqdisho, isagoo xusay in weerarradaas ay ka mid ahaayeen madaafiic ay ku weerareen Villa Somalia, taasoo uu sheegay inay ka yaabiyeen dowladda iyo taageerayaasheeda.

"Habeennadii ugu dambeeyay Mujaahidiintu waxay ka fuliyeen Muqdisho weerarro kala duwan, waxaana ka mid ahaa madaafiic lagu weeraray madaxtooyada oo ah meesha ugu weyn ee ay dowladdu ku shaqeyso. Weerarradaas waxay dhaliyeen fajac iyo amakaag ku dhacay madaxda dowladda iyo dalalka taageersan," ayuu yiri guddoomiyaha Al-shabaab ee gobolka Banaadir.

Sheekh Cali Maxamed Xuseen wuxuu ku goodiyay inay sii wadi doonaan duqeynta ay la beegsanayaan xarunta madaxtooyada iyo weerarrada kale ee ay ka fulinayaan Muqdisho, isagoo intaas ku daray in dowladda iyo AMISOM ay ku fashilmeen inay sugaan ammaanka magaalada Muqdisho oo aan hadda la isku halleyn karin.

Hadalka mas'uulkan u hadlay Al-shabaab ayaa wuxuu kusoo beegmayaa xilli ay mas'uuliyiinta dowladdu sheegeen inay Muqdisho ka billaabeen howlgallo joogto ah oo lagu sugayo ammaanka caasimadda Soomaaliya, kuwaasoo socon doona habeen iyo maalin.

Xarakada Al-shabaab oo muddo sannado ah isku dayaysay inay xukunka ka tuurto dowladdii KMG ahayd ee Soomaaliya ayaa hadda u muuqata inay awood ahaan aad hoos ugu dhaceen, kaddib markii sannadkan oo keliya laga qabsaday degmooyin ay awood badan ku lahayd.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 3:57 PM EST
Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:33 AM EST
Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

12/27/2012 7:22 AM EST
Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:22 AM EST
Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

12/27/2012 2:02 AM EST
Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.