3/28/2024
Today from Hiiraan Online:  _
Wararka Maanta- Arbaco, Dec 26, 2012
Dowladda Soomaaliya oo sheegtay inay cafis u fidinayso dagaalyahannada kasoo goosta Xarakada Al-shabaab

Arbaco, December 26, 2012 (HOL) — Dowladda Soomaaliya ayaa sheegtay inay caafis u fidinayso dhallinyarada kasoo goosta Ururka Al-shabaab, iyadoo dowladdu aysan sheegin muddo cayiman oo uu ku eg’yahay cafiska ay u fidinayso dagaalyahannada kasoo goosta Al-shabaab.

Taliyaha ciidamada xoogga dalka, Jen. C/qaadir Sheekh Cali Diini ayaa sheegay in hay’adaha dowladda oo dhan ay qabaan amar ah inay soo dhaweeeyaan cid walba oo kasoo goosata Al-shabaab oo dagaal kula jirta dowladda iyo ciidamada caawinaya ee AMISOM iyo Itoobiya.

“Dowladdu cafis ayay idiin fidisay, waa inaad cafiskaas ka faa’iideysataan, haddii kale maalin aan maanta ahayn ayaad ka shalleyn doontaan waqtiga idinka lumaya,” ayuu yiri Jen. Diini.

Taliyaha ayaa hadlkan ka sheegay deegaan ka tirsan gobolka Shabeellada Hoose oo ay ciidamada dowladdu la wareegeen shalay oo Talaado ahayd, iyadoo saraakiisha dowalddu ay sheegeen in goobtaas laga soo abaabuli jiray weerarrada lagu soo qaado Muqdisho.

Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed ayaa sheegay in deegaanka lala wareegay oo lagu magacaabo Saqiirro ay joogi doonaan ciidammo ka tirsan kuwa dowladda iyo AMISOM is ay ammanka u sugaan, ugana hortagaan weerarro lagu soo qaado Muqdisho.

Xukuumadda Soomaaliya ayaa dhowr jeer oo hore sheegtay inay cafis u fidisay xoogagga ka tirsan Al-shabaab, waxaana tallaabadan ay imaanaysaa xilli dowladdu ay dadaal weyn ugu jirto sugidda ammaanka guud ee Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/26/2012 8:07 AM EST
Arbaco, December 26, 2012 (HOL) — Hay'adda samafalka ee SADO oo ka mid ah hay'adaha samafalka ee ka howgala gobolka Gedo ee Koonfurta Soomaaliya ayaa howlo nadaafadeed kawadday maalmahan degmada Baardheere ee gobolka Gedo.

12/26/2012 7:57 AM EST
Arbaco, December 26, 2012 (HOL) — Sannadkan dhammaadka ah ee 2012 ayaa la sheegay in dalka Koonfur Afrika lagu dilay tiradii ugu badnayd oo Soomaali ah, kuwaasoo qaarkood lagu dhex-dilay goobahooda ganacsiga oo ku yaalla meelo ka baxsan magaalooyinka waaweyn.

12/26/2012 7:10 AM EST
Arbaco, December 26, 2012 (HOL) — Saraakiisha maamulka gobollka Hiiraan iyo kuwa Jabuuti ee howlgalka midowgga Africa ayaa ugu baaqay in ay sida ugu dhaqsiyaha badan uga guuraan dadka degan xeriyihii hore ee militariga magaalada Baladweyne.

12/26/2012 6:54 AM EST
Arbaco, December 26, 2012 (HOL) — Xidhibaannada Baarlamaanka Soomaaliya ayaa maanta diiday inay meel-mariyaan miisaaniyada ay xukuumaddu ku shaqeynayso sannadka soo socda ee 2013, taasoo uu baarlamaanku ka doodayay saddexdii maalmood ee lasoo dhaafay.

12/26/2012 6:35 AM EST
Arbaco, December 26, 2012 (HOL) — Maamulka gobolka Bay ee dowladda Soomaaliya ayaa xabsiga kasii daayay sarkaal u shaqeynayay hay'adda beeraha iyo cunnada adduunka ee FAO kaasoo muddo laabatan sano ah u xirnaa maamulka oo sheegay inay uga shakiyeen inuu gacan-saar la leeyahay Al-shabaab.

12/26/2012 6:08 AM EST
Arbaco, December 26, 2012 (HOL) — Ciidamada booliiska Soomaaliya iyo booliiska AMISOM ayaa maanta howgallo wadajir ah oo ay ku qabqabteen kooxo hubeysan ka sameeyay degmada Xamarweyne ee gobolka Banaadir, iyadoo kooxihii howgalka lagu qabtay la sheegay inay ku jireen rag ku labisan dharka ciidamada dowladda.

12/26/2012 5:53 AM EST
Arbaco, December 26, 2012 (HOL) — Guddida Diiwaan-gelinta ururada iyo ansixinta asxaabta, ayaa maanta si rasmi ah ugu dhawaaqay ururadda u gudbay xisbinimadda iyo ururada hadhay.

12/26/2012 5:51 AM EST
Arbaco, December 26, 2012 (HOL) — Wasiirka Maaliyadda Somaliland Mr:Cabdicasiis Maxamed Samaale ayaa maanta golaha wakiiladda u qaybiyey miisaaniyadda sanadkan 2013 oo uu sheegay inay tii sanadkii hore ka badan tahay 17%, isla markaana ay ku jirto mashaariic horumarineed oo dalka laga hirgalin doonno.

12/26/2012 4:39 AM EST
Arbaco, December 26, 2012 (HOL) — Ciidamo tiro badan oo ka tirsan Booliska Kenya ayaa lagu soo daadiyay xaafadda ay Soomaalidu ku badantahay ee Islii, waxayna ciidamadani dadka weydiinayaan sharci, iyagoona qabanaya qofkii aan sharci lahayn iyo weliba dadka wata sharciga qaxootiga.

12/26/2012 1:26 AM EST
Arbaco, December 26, 2012 (HOL) — Madaxweyne Xasan Sheekh Maxamuud oo dib ugu soo laabtay Muqdisho kaddib safarro uu ku tagay dallaka Kenya iyo Uganda ayaa sheegay in madaxda Kenya ay kala hadleen ilaalinta dadka Soomaaliyeed iyo hantidooda.