3/28/2024
Today from Hiiraan Online:  _
Wararka Maanta- Khamiis, Aug 2 , 2012
Maamulka Boosaaso oo xarigga ka jaray labo waddo oo laami la saaray

Khamiis, August 2, 2012 (HOL) - Waxaa maanta xarigga laga jaray labo kamid ah jidadka waaweyn ee magaalada Boosaaso kuwaas oo bilihii u danbeeyey dayactirkooda lagu howlanaa.

Munaasabadii waddooyinkan lagu daah furayey oo ka dhacday xarunta dowladda hoose, waxaa kasoo qayb galay maamulka degmada, guddiga horumarinta degmada, iyo weliba mas'uuliyiin ka socdey qaar kamid ah shirkadaha waaweyn ee ganacsiga.

Duqa degmada Boosaaso oo ugu horeyn goobta ka hadlay ayaa ka warbixiyey qaabkii uu mashruucaasi ku hirgalay iyo weliba cidda gacanta ka geysatey, wuxuuna sheegay in uu ahaa mashruuc tijaabo ah, islamarkaana uu guul kusoo idlaaday.

“Sanadkan waxaa la dayac tiray 4 kamid ah wadooyinka waaweyn ee magaalada, waxa Laami la saaray labo kuwaasoo kala ah: jidka Gaaca iyo qaybtii ka burbur sanayd jidka weyn ee magaalada kala bara"

Xoghayaha guddiga horumarinta degmada Boosaaso -oo iyagu howshan inteeda badan qabtay- Cabdifataax Maxamed Sugulle ayaa isna goobta ka hadlay, wuxuuna sharaxaad ka bixiyey dhaqaalaha mashruucan ku baxay iyo kaalinta ay iyagu ka qaateen.

Dayactirka jidka Gaaca oo uu dhererkiisu yahay 1.4km, wuxuu sheegay in ay ku baxday lacag dhan: ($106,869.6), taas oo $70,000 oo kamid ah ay gudiga horumarinta degmadu soo ururiyeen, inta kalena ay ku deeqeen dowladda hoose iyo JPLG.

Cabdifataax Sugulle ayaa sidoo kale sheegay in dayactirka Laamigii hore oo dherkiisu uu 1.1km yahay ay ku kacday aduun lacageed oo gaaraya ($102), isalamarkaana dhaqaalahaas ay kala bar ganacsatadu ku deeqeen.

Intaas kadib waxay dowladda hoose shahaado sharaf gudoonsiisey shirkadihii mashruucan sida weyn uga qayb qaatay oo ay kamid ahaayeen : Golis, Mareero spare parts , Baxaya spare parts, Muwaafaq, Horseed Saabir iyo weliba xubnaha guddiga horumarinta ee degmada Boosaaso.

Mashruuca labadan waddo lagu dayac tiray oo ah kii ugu horeeyey ee noociisa ah ee abid magaalada Boosaaso laga fuliyo, waxaa soo dhoweeyey dhamaan qaybaha kala duwan ee bulshada, iyagoo tilmaamay in uu yahay mid laga dheehan karo kaalinta ay ganacsatadu ka qaadaan karaan horumarka dalka.

Maxamed Salaad Xaaji Dirir, Hiiraan Online
[email protected]
Puntland, Somalia













Click here
8/2/2012 10:00 AM EST
Khamiis, Ogoosto 02, 2012 (HOL)- Dawladda Hoose ee Degmadda Boorame waaxdeeda Fayo dhawrka ayaa hawlgal ay ka sameeyeen bakhaaradda magaaladaasi ku soo ururiyey Badeecado wakhtigii isticmaalkoodu dhacay oo la iibinayey.

8/2/2012 9:12 AM EST
Khamiis, Ogoosto 02, 2012 (HOL) — Dastuurka KMG Soomaaliya oo shalay aqlabiyad lagu ansixiyay ayaa wuxuu dambi ka dhigayaa gudniinka fircooniga ah ee haweenka, iyadoo lagu tilmaamay gudniinkaas inuu la mid yahay jidil loo geysanayo haweenka.

8/2/2012 8:30 AM EST
Khamiis, Ogoosto 02, 2012 (HOL) — Maamulka Somaliland ayaa guul ku tilmaamay ansixinta dastuurka KMG ah ee Soomaaliya oo shalay lagu ansixiyay Muqdisho, iyagoo sheegay inuu fududeyn karo in Soomaaliya ay dhibaatada ka baxdo.

8/2/2012 8:29 AM EST
Khamiis, Ogoosto 02, 2012 (HOL) — Dablay aan la aqoonsan ayaa xalay bambaano ku weeraray guriga maayarka ama guddoomiyaha degmada Laascaanood ee gobolka Sool, Faarax Cabdi Yare.

8/2/2012 7:28 AM EST
Khamiis, Ogoosto 02, 2012 (HOL) — Kooxo hubeysan ayaa baqonimadii maanta ku toogtay degmada Baladweyne ee xarunta gobolka Hiiraan, Inj. Cali Xaaji Shirwac iyadoo kooxaha dilka geystay ay u suurogashay inay ka baxsadeen goobta.

8/2/2012 6:40 AM EST
Khamiis, August 02, 2012 (HOL) - Allaha naxariistee marxuum Cabdi Jeylani Malaaq "Marshaale" ayaa si weyn loogu aasay magaalada Muqdisho ayada oo dad aad u farabadan ka soo qayb-galeen aaskiisa.

8/2/2012 4:29 AM EST
Khamiis, Ogoosto 02, 2012 (HOL) — Taliyaha nabadsugidda gobolka Banaadir, Col. Khaliif Axmed Ereg ayaa saakay ka badbaaday qarax miino oo la doonayay in lagu qaarijiyo, iyadoo saraakiisha dowladdu ay sheegeen inay qaraxaas u qabteen hal qof.

8/2/2012 4:12 AM EST
Khamiis, Ogoosto 02, 2012 (HOL) — Shirkadda isgaarsiinta Hormuud oo ka mid ah shirkadaha isgaarsiinta ee ka howlgala Soomaaliya ayaa waxay shalay ugu deeqday matoor weyn oo dab-dhaliye ah isbitaalka Madiina ee magaalada Muqdisho.

8/2/2012 4:00 AM EST
Khamiis, Ogoosto 02, 2012 (HOL) — Guddoomiyaha degmada Huriwaa, Cumar Jacfaan oo la hadlay saxaafadda ayaa ku eedeeyay ciidamada dowladda KMG ah inay dhac, dil iyo kufsi ka geystaan degmadaas, isagoo ka dalbaday mas'uuliyiinta dowladda inay ka hortagaan falalka ay ciidamadu ka geysanayaan degmadaas.

8/2/2012 4:00 AM EST
Khamiis, Ogoosto 02, 2012 (HOL) — Dowladda Puntland ayaa si weyn u soo dhoweysay ansixinta dastuurka cusub ee dalka oo shalay 01-08-2012 ergooyinkii loo xil saaray ay cod aqlabiyad leh ku meel mariyeen.

8/2/2012 3:51 AM EST
Khamiis, Ogoosto 02, 2012 (HOL) — Xarakada Al-shabaab oo dagaal kula jirta DKMG ah iyo AMISOM ayaa sheegtay in ergadii ansixisay dastuurka KMG ah ee Soomaaliya ay ugu xukuman yihiin dil toogasho ah, iyadoo taas sabab uga dhigtay inay meel-mariyeen dastuur ay sheegeen inuu diinta Islaamka kasoo horjeedo.