3/29/2024
Today from Hiiraan Online:  _
Wararka Maanta- Sabti, Aug 18, 2012
Maydadka Saddex Dhallinyaro ah oo Maanta lagu arkay gudaha Bartamaha Degmada Balad-Xaawo ee Gobolka Gedo
Sabti, Ogoosto 18, 2012 (HOL) — Maydadka saddex ruux oo dhallinyaro ah ayaa lagu arkay maanta bartamaha degmada Baladxaawo ee gobolka Gedo, iyadoo ay warar kala duwan kasoo baxayaan dhimashada dhallinyarada.

Saraakiisha DKMG ah ee ku sugan degmada Balad-xaawo ayaa sheegay in raggan ay ku dhinteen Qarax xalay ka dhacay degmada ayna ahaayeen rag doonayay inay qaraxaas aasaan balse uu si lama filaan ah ugu qarxay.

Warar madaxbannaan ayaa sheegay in ciidamada dowladda KMG ah ay saddexdan wiil oo dhallinyarada ah ay kala soo baxeen gurigooda ayna ku toogteen bartamaha degmada Balad-xaawo.

Goobjoogayaal ku sugan degmada Balad-xaawo ayaa sheegay inay xalay maqleen qarax, sidoo kalena ay xigtay rasaas badan oo la furay, taasoo ay sheegeen in lagu dilay sadexda qof ee dhalinyarada ah oo maydadkooda lagu arkay degmadaas.

Degmada Balad-xaawo oo ku dhow soohdinta ay wadaagaan Soomaaliya iyo Kenya ayaa waxaa gacanta ku haya ciidamada dowladda KMG ah iyo maleeshiyo dowladda taageersan, waxaana dhowr jeer oo hore lagu arkay maydadka dad la dilay.

Xukuumadda Kenya ayaa inta badan sheegta in kooxaha dhibaatooyinka ka geysta deegaanka Dhadhaab oo ay ku yaallaan xeryaha Qoxootiga iyo degmooyinka kale oo ay Mandheera ka mid tahay ay u baxsadaan dhinaca degmada Balad-xaawo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/18/2012 11:58 AM EST
Sabti, Ogoosto, 18, 2012 (HOL)- Ciidda Soonfur ayaa maalmihii u dambeeyey aad looga dareemayaa guud ahaan Somaliland, gaar ahaan magaaladda Hargeysa, waxaanay dadweynuhu ku qulqulayeen goobaha Tukaamadda ah ee lagu iibiyo agabka kala duwan ee dharka, kabaha iyo waxyaalaha kale ee guryaha lagu qurxisto ka midka yihiin.

8/18/2012 8:22 AM EST
Sabti, Ogoosto 18, 2012 (HOL) — Ciidamada Midowga Afrika ee AMISOM ayaa war-saxaafadeed ay soo saareen ku sheegay inay ka walaacsan yihiin khasaaraha dadka rayidka ah ee ku nool Kismaayo oo ay maamusho Al-shabaab kasoo gaaray duqeymo loo geystay magaaladaas.

8/18/2012 7:48 AM EST
Sabti, Ogoosto 18, 2012 (HOL) — Guddiga xulista baarlamaanka Soomaaliya ayaa sheegay inay hayaan tirada 242-mudane oo baaristooda la dhameeyay, wuxuuna guddigu sheegay in xildhibaannadan ay fadhigooda ugu horreeya yeelanayaan maalinta Isniinta ah ee soo socota.

8/18/2012 3:28 AM EST
Sabti, Ogoosto 18, 2012 (HOL) — Madaxweynaha Soomaaliya, Shariif Sheekh Axmed ayaa sheegay inuu diyaar u yahay inuu aqbalo natiijada kasoo baxda doorashada madaxnimo ee Soomaaliya wax walba oo ay noqoto.

8/18/2012 3:13 AM EST
Sabti, Ogoosto 18, 2012 (HOL) — Madaxweynaha dalka Kenya ayaa sheegay inay ka go'an tahay xukuumaddiisa inay cunno-qabteyn kusoo rogto kuwa caqabada ku ah hannaanka siyaasadda Soomaaliya ee loogu yeero qas-wadayaasha.