3/29/2024
Today from Hiiraan Online:  _
Wararka Maanta- Sabti, Aug 11, 2012
Wasaarada Waxbarashada Somalia oo soo bandhigtay qalab casri ah (SAWIRRO)
Makiinad4.jpg

Sabti, August 11, 2012 (HOL) - Wasaarada waxbarashada Soomaaliya ayaa soo maanta soo bandhigtay makiinad casri ah oo loogu talagalay soo saarista shahaadooyinka asalka ah, si looga hortago shahaadooyinka faalsada ah ee aysan waxba ka ogayn dawlada Soomaaliya.
Makiinad.jpg
Makiinad casri ah oo lagu daabacayo shahaadooyinka dalka


U qabysanaha wasaarada waxbarashada Soomaaliya waddanka Kenya C/risaaq Maxaned Diiriye (Layloon) oo warbaahinta kula hadlayay magaalada Nairobi ayaa sheegay in tallaabadan loo qaaday si loo adkeeyo asal ahaanshaha shahaadooyinka Soomaaliya, xilli uu waddanku ka baxayo xaalada kalaguurka ah.

"Makiinadahan halkii xabo waxaa ku baxday lacag dhan 500, 000 oo shilinka Kenya ah, waxaanan ugu talagalnay in lagu daabaco shahaadooyinka qaranka oo hadda kadib noqonaya kuwo ay soo saarto oo kaliya wasaarada waxbarashada ee Soomaaliya" ayuu yiri Layloon.

"Waxaa awal dhici jirtay in shahaadooyinka Soomaaliya oo faalso ah la sameeyo, laakiin shahaadooyinkan waa electronic, cid aan wasaarada waxbarashada ahayna ma samayn karto" ayuu sii raacshay.

Wasaaradda waxbarashada ee Soomaaliya ayaa bilihii la soo dhaafay dadaal ugu jirtay midaynta manhajka dalka iyo shahaadooyinka, taasoo ay kasoo horjeesteen qaar badan oo kamid ah iskuullada iyo jaamacadaha gaarka loo leeyahay.

Waxaana saraakiisha wasaarada waxbarashadu ay sheegeen inay jiraan wadamo Soomaaliya gacan ka siinaya qalabaynta wasaarada waxbarashada iyo tayaynta maamulkeeda ku aadan waxbarashada dalka.
Makiinad5.jpg
Makiinad2.jpg
Makiinad3.jpg

Axmed C/samad, Hiiraan Online
[email protected]
Nairobi , Kenya












Click here
8/11/2012 7:35 PM EST
Sabti, Agoosto 11, 2012 (HOL) -Diyaarado aan la garaneyn cid iska leh ayaa Caawa salaadii maqrib kadib duqeymo xooggan ku bilaabay magaalada Kismaayo, iyadoona gantaallada ay tuurayaan diyaaradahaasi ay ku dhaceen xaafado katirsan magaalada Kismaayo.

8/11/2012 9:06 AM EST
Sabti, Ogoosto 11, 2012 (HOL) — Wararka aynu ka heleyno magaalada Dhoobleey ee gobolka Jubada Hoose ayaa sheegaya in gudaha deegaankaasi ay israsaaseyn xooggan ku dhexmartay askar kawada tirsan ciidamada dowladda KMG ee gobolka Jubbada Hoose.

8/11/2012 8:57 AM EST
Sabti, Ogoosto 11, 2012 (HOL) — Guddiga xulista baarlamaanka cusub ee Soomaaliya ayaa sheegay maanta inay meel garbo-gabo ah u marayso liiska xildhibaannada baarlamaanka soo soo socda ee Soomaaliya, iyagoo sheegay inay xubnahan ku jiraan kuwo aan buuxin shuruudihii laga doonayay ayna dib ugu celin doonaan oday dhaqameedyadii soo xulay.

8/11/2012 8:43 AM EST
Sabti, Ogoosto 11, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warbixin ay si wadajir ah u soo saareen ayaa waxay ugu digeen siyaasiyiinta Soomaalida doonaya in lasoo xulo xubno iyaga taageersan.

8/11/2012 8:42 AM EST
Sabti, Ogoosto 11, 2012 (HOL) — Xukuumadda Somaliland iyo weftiga uu hogaaminayo gudoomiyaha SSC Saleebaan Ciise Xaglo Toosiye ayaa isku afgartay qodobo la sheegay in lagu nabadaynayo deegaanka Buuhoodle ee baryihii u dambeeyey colaaddu ka taagnayd.

8/11/2012 8:39 AM EST
Sabti, Ogoosto 11, 2012 (HOL) — Murashax ka mid ah kuwa u taagan doorashada madaxnimo ee Soomaaliya oo maanta shir jaraa'id ku qabtay magaalada Muqdisho ayaa ku hanjabay inay qaban doonaan dibadbaxyo ay uga horjeedaan qorshha ay madaxda dowaldda KMG ah ku doonayaan inay ku hagaan doorashooyinka.

8/11/2012 7:46 AM EST
Sabti, Ogoosto 11, 2012 (HOL) — Madaxweynaha Soomaaliya, Shariif Sheekh Axmed ayaa billad abaalmarin ah guddoonsiiyay madaxa haya'dda safamlka ah ee Kisme Yok Mu oo ka mid ah hay'adaha Turkiga ee ka howglala Muqdisho.

8/11/2012 7:23 AM EST
Sabti, Ogoosto 11, 2012 (HOL) — Golaha Guurtidda oo fadhi aan caadi ahayn iskugu yimid ayaa maanta cod aqlabiyad ah ku meel mariyey wax ka bedelkii iyo kaabistii lagu sameeyey xeerka doorashooyinka Somaliland.

8/11/2012 7:20 AM EST
Sabti, Ogoosto 11, 2012 (HOL) — Ururka Midowga Yurub ayaa sheegay inay walaac xooggan ka qabaan habka lagu soo xulayo xildhibaannada cusub ee baarlamaanka Soomaaliya, iyagoo ka digay in la musuq-masuqo qaabka xulista xildhibaannada.

8/11/2012 6:53 AM EST
Sabti, Ogoosto 11, 2012 (HOL) — Labaatan qoys oo ah agoomaha ku dhaqan xaafadda Daami ee magaaladda Hargeysa ayaa loo qaybiyey laba kun ($2000) oo doollarka Maraykank ah si caruurtaasi looga farxiyo maalinta Iidda, isla markaana ay ula iidi lahaayeen dadweynaha islaamka.

8/11/2012 3:41 AM EST
Sabti, Ogoosto 11, 2012 (HOL) — Ugu yaraan shan ruux oo ka mid ah dhinacyadii dagaalamay ayaa ku dhintay dagaal muddo kooban socday oo ciidamada DKMG ah iyo kuwa Al-shabaab ku dhexmaray xalay deegaanka Ceelasha biyaha ee duleedka Muqdisho.

8/11/2012 3:36 AM EST
Sabti, Ogoosto 11, 2012 (HOL) — Iyadoo ay fooda nagu soo heyso ciidda barakeysan ee Ciidul Fidirga ayaa Diyaargarow aad u weyn oo ku aadan munaasabadaasi laga dareemayaa magaalada Kismaayo ee xarunta gobolka Jubada Hoose.