3/29/2024
Today from Hiiraan Online:  _
Wararka Maanta- Arbaco, Aug 1 , 2012
Safaarada Soomaalida ee magaalada Nairobi oo bilowday qaybinta raashin deeq ah oo loogu caawinayo qoysaska saboolka ah
Saraaradda7.jpg

Arbaco, August 01, 2012 (HOL) - Safaarada Soomaalida ayaa bilowday deeq raashin ah oo la gaarsiinayo dadka saboolka ah ee ku nool xaafada Islii ee Soomaalidu ay ku badantahay.

Raashinka oo isugu jira bur,bariis,saliid,ugaali iyo timir ayaa waxaa loo qaybiyay dadka duruufaha adag ku nool, xilli lagu guda jiro bisha Ramadaan ee barakaysan.

Danjiraha Soomaaliya u jooga dalka Kenya Maxamed Cali Nuur (Ameeriko) iyo xoghayaha koowaad ee safaarada Cali Maxamed (Bagadi) oo dadka danyarta ah u qaybiyay deeqdaas oo isugu jirtay mid laga soo aruuriyay dad ganacsato ah iyo mid uu ku deeqay safiirku ayaa ugu baaqay ganacsatada Soomaaliyeed iyo dadka taajiriinta ah inay u gargaaraan walaalahooda dhibaataysan ee aan heli karin waxay ku afuraan.

Saraaradda6.jpg

Cali Ameerika ayaa tilmaamay in bisha barakaysan ee Ramadaan lagu jiro ayna jiraan kumanaan qoysas Soomaali ah oo aan helin waxay ku afuraan ama ay ku suxuurtaan uuna waajib ka saaranyahay walaalahooda wax ku dhaama.

Qaar kamid ah dadkii deeqdaasi la gaarsiiyay ayaa ka hadlay sidii ugu faraxsanyihiin gargaarka ay u fidisay safaaradooda.

Madiina Cali Xaashi oo halkaas ka hadashay ayaa sheegtay inay kamid tahay dadka saboolka ah, ayna aad ugu faraxsantahay deeqda lasoo gaarsiiyay oo ay ku tilmaantay inay ku soo aaday xilli ay aad ugu baahnayd.

Saraaradda.jpg
Saraaradda2.jpg
Saraaradda5.jpg
Saraaradda3.jpg
Saraaradda8.jpg
Saraaradda4.jpg

Axmed Cabdisamad, Hiiraan Online
[email protected]
Nairobi , Kenya












Click here
8/1/2012 6:33 PM EST
Khamiis, August 02, 2012(HOL): Magaalada Gaalkacyo ee Gobolka Mudug ayaa waxaa maanta ka dhacday doorashada madaxweynenimada maamulka Galmudug, taasi oo ay u tartameen labo musharrax oo xilkaas isu soo taagay.

8/1/2012 9:48 AM EST
Arbaco, Ogoosto 01, 2012 (HOL) — Wakiilka xoghayaha guud Qaramada Midoobay ee arrimaha Soomaaliya, danjire Augustine Mahiga ayaa sheegay inay jiraan xubno doonaya in lasoo magacaabo xildhibaanno ay iyagu wataan, isagoo sheegay inaan la aqbali karin arrinaas.

8/1/2012 8:47 AM EST
Arbaco, Ogoosto 01, 2012 (HOL) — Madaxweynaha DKMG ah ee Soomaaliya, Shariif Sheekh Axmed iyo wafdi uu hoggaaminayo ayaa maanta tagay degmada Balcad ee gobolka Shabeellada dhexe oo 30-km dhinaca waqooyi kaga beegan Muqdisho.

8/1/2012 7:11 AM EST
Arbaco, Ogoosto 01, 2012 (HOL) — Munaasabad siweyn loo soo qaban qaabiyay kana dhacday saldhiga baliiska magaalada Baladweyne ee xarunta gobollka Hiiraan ayaa waxaa ka qeyb-galay guddoomiyaha gobollka Hiiraan, saraakiisha dowladda Itoobiya, iyo taliska ciidamada Jabuuti ee AMISOM.

8/1/2012 7:05 AM EST
Arbaco, Ogoosto 01, 2012 (HOL) — Dhamaan deegaanada Puntland waxaa maanta si weyn looga xusay, 1-da August oo ku beegan sanad guuradii 14-aad ee kasoo wareegtey xiligii dhidibada loo taagay maamul goboleedka Soomaaliyeed ee Puntland sanadkii 1998.

8/1/2012 5:09 AM EST
Arbaco, Ogoosto 01, 2012 (HOL) — Ergada ansixinta dastuurka qabyadaha ee Soomaaliya ayaa ku ansixiyay dastuurka cod aqlabiyad ah iyadoo ay jireen xubno ka diiday ansixinta iyo kuwo ka aamusay.

8/1/2012 4:32 AM EST
Arbaco, Ogoosto 01, 2012 (HOL) — Diyaarado nooca dagaalka oo aan illaa imika la garaneyn cida iska leh ayaa shalay ilaa maanta si weyn ugu dulwareegaya magaalada Kismaayo, iyadoona diyaaradahani ay qalqal ku abuureen shacabaka ku dhaqan magaalada Kismaayo ee xarunta gobolka jubbada hoose.

8/1/2012 4:04 AM EST
Arbaco, Ogoosto 01, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo ciidamada dowladda KMG ah, kuwa Kenya iyo xoogagga Al-shabaab ku dhexmarya deegaanka Faafax-dhuun ee gobolka Gedo.

8/1/2012 3:17 AM EST
Arbaco, Ogoosto 01, 2012 (HOL) — Halkan hoose ka daawo(Live)shirka golaha ansixinta DASTUURKA qabyada ah ee Soomaaliya, iyadoo codeynta oo gacan taag ah ay ka billaabatay xarunta uu shirku ka socdo.

8/1/2012 3:01 AM EST
Arbaco, Ogoosto 01, 2012 (HOL) — Weerarro ismiidaamin ah ayaa lagu qaaday maanta xarunta uu shirka uga socday ergooyinka ansixinta dastuurka, waxaana mas'uuliyiin ka tirsan dowladda ay sheegeen inay ku dhinteen qaraxyadaas labadii qof ee xambaarsanaa, sidoo kalena aysan jirin cid kale oo ay dhimasho kasoo gaaray.