5/17/2022
Today from Hiiraan Online:  _
Wararka Maanta- Axad, Sept 9 , 2012
Guddoomiyaha Baarlamaanka Federaalka Somalia iyo Shariif Sheekh Axmed oo xalay kulan ku yeeshay Muqdisho
Axad, September 09, 2012 (HOL) — Madaxweynaha dowladdii KMG ahayd ee dalka Soomaaliya, Shariif Sheekh Axmed ayaa xalay kulan la yeeshay guddoomiyaha baarlamaanka federaalka Soomaaliya, Prof. Maxamed Sheekh Cismaan Jawaari, taas oo ay uga hadleen doorashada madaxweynenimo oo dhacaysa maalinta berri ah oo ku beegan Isniin.

Kulanka oo ka dhacay guriga guddoomiyaha baarlamaanka ayay labada mas'uul uga hadleen sidii doorashada madaxnimo ee dalka aysan uga dib dhici lahayd maalinta Isniinta ah ee soo socta.

"Waxaan kawada hadalnay aniga iyo Sheekh Shariif sidii loo howlaha harsan loogu dhameystiri lahaa si wanaagsan, baarlamaanka howshiisana uma hakanayso dhowr xildhibaan oo ka maqan baarlamaanka," ayuu yiri Prof. Jawaari.

Guddoomiyaha baarlamaanka ayaa sheegay in xildhibaannada horay looga reebay inay ka mid noqdaan baarlamaanka ee ay xukuntay maxkamadda sare ay u saareen guddi kasoo shaqeeya arrintooda, inta go'aan laga gaarayana aysan dartood u hakan doonin howlaha baarlamaanka.

Madaxweynaha dowladdu xilligeedu dhammaaday Shariif Sheekh Axmed oo isaguna la hadlay saxaafadda ayaa sheegay in waxyaabihii ugu waaweynaa ee ay ka heleen inay ka mid yihiin sidii lagu dhameystiri lahaa howlaha harsan oo ay doorashada ugu weyn tahay.

"Waxaan kawada hadalnay aniga iyo guddoomiyaha baarlamaanka sidii howlaha socda loogu dhameystiri lahaa si wanaagsanoo aan lahayn xasaasiyaad lahayn, waayo dunida oo dhan ayaa indhaha ku haysa waxa dhacaya, mana doonano in howshii lasoo qabtay ay wax gaaraan, runtiina waan isla meel dhignay wixii aan kawada hadalnay oo dhan," ayuu yiri Sharifi Sheekh.

Ugu dambeyn, Guddoomiyaha baarlamaanka Soomaaliya iyo Shariif Sheekh ayaa rajo wanaagsan ka muujiyay in doorashada madaxnimo ee dalka ay ku dhacdo si wanaagsan, iyagoo muujiyay sida ay ugu faraxsan yihiin in doorashada madaxnimo ee dalka lagu qabto Muqdisho kaddib muddo nas qarni ku dhow.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/9/2012 4:26 PM EST
Soomaaliya waxay markii ugu horreysay mudo ku dhow 22 sano ay isu diyaarinaysaa doorasho madaxtanimo oo ka dhacda dalka gudihiisa, taasoo sii xoojinaysa rajada ay Soomaali badan oo qurbaha ku nool ay ka qabaan inay dib ugu soo laabtaan dalkooda.

9/9/2012 10:15 AM EST
Axad, September 09, 2012 (HOL) - Amaanka goobaha muhiimka ah ee caasimada Soomaaliya ee Muqdisho ayaa la adkeeyay ,iyadoo ay baaritaano xoog leh samaynayaan ciidamada dawlada iyo kuwa Amisom oo jidgooyooyinka ku baaraya dadka iyo gawaarida.

9/9/2012 8:55 AM EST
Axad, September 09, 2012 (HOL) — Guddoomiyaha baarlamanaka Soomaaliya, Prof. Maxamed Sheekh Cismaan Jawaari ayaa ugu baaqay shacabka Soomaaliyeed inay ka qaybqaataan ilaalinta ammaanka inta lagu jiro doorashada madaxnimo ee dalka, isagoo sheegay in doorashadan ay tahay fursad taariikhi ah oo loo baahan yahay inaan la khasaarin.

9/9/2012 8:35 AM EST
Axad, September 09, 2012 (HOL) — Guddoonka doorashada madaxweynaha cusub ee Soomaaliya ayaa sheegay in mid ka mid ah murashaxiinta u taagan tartanka doorasho ee madaxweynaha Soomaaliya uu sameeyay tanaasul.

9/9/2012 7:42 AM EST
Axad, September 09, 2012 (HOL) — Qaraxyo is-xigay oo sababay dhaawacyada lix qof oo isugu jiray shacab iyo ciidamada dowladda Soomaaliya ayaa maanta ka dhacay xaafadda suuqa xoolaha ee degmada Huriwaa, iyadoo ciidmaada dowladda ay kusoo qabteen in ka badan 70-qof baaritaanno ay ka sameeyeen xaafaddaas.

9/9/2012 6:59 AM EST
Axad, September 09, 2012 (HOL) — Madaxweyne ku xigeenka Somaliland Md. Cabdiraxmaan Cabdilaahi Ismaaciil (Saylici), iyo wefti uu hogaaminayey ayaa ka qaybgalay qalinjabinta 523 arday oo ka qalinjabiyey jaamacadda Camuud ee magaaladda Boorama ee gobolka Awdal.

9/9/2012 4:19 AM EST
Axad, September 09, 2012 (HOL) — Magaalada Muqdisho ee xarunta Soomaaliya oo lagu wado in berri oo Isniin ah lagu qabto doorashada madaxnimo ee dalka kaddib 42-sano ayaa waxaa ka socda ololayaal doorasho oo ay wadaan 25-ka murashax ee ku tartamaya xilka madaxweynenimo ee Soomaaliya.

9/9/2012 3:54 AM EST
Axad, September 09, 2012 (HOL) — Inta la xaqiijiyey lix ruux oo Soomaali ah iyo nin Itoobiyaan ah ayaa lagu dhaawacay tuullada Mfuleni oo 40-km u jirta magaalada Cape Town ee dalka Koonfur Afrika, kaddib markii habeen hore ay dukaamo halkaas ku yaallay weerareen kooxo burcad u dhashay dalka Koonfur Afrika.

9/9/2012 3:41 AM EST
Axad, September 09, 2012 (HOL) — Ugu yaraan laba qof oo mid ka mid ah uu ahaa dhinacyadii dagaalamay ayaa ku dhintay dagaal xalay ciidamada dowladda Somalia iyo kooxo hubeysan ku dhexmaray degmada Xamarjadiid ee degmada Wardhiigley oo ka mid ah 16-ka degmo ee gobolka Banaadir uu ka kooban yahay.