5/16/2022
Today from Hiiraan Online:  _
Wararka Maanta- Sabti, Sept 8 , 2012
Murashaxiin kale oo Maanta Xildhibaanada Baarlamaanka Somalia ka horjeedin doona Barnaamijyadooda Siyaasadeed
Sabti, September 08, 2012 (HOL) — Maanta ayaa lagu wadaa inay 15-kii murashax ee haray ay barnaamijkooda siyaasadeed ka horjeediyaan xildhibaannada baarlamaanka Soomaaliya, iyadoo shalay ay 10-murashax barnaamijkooda jeediyeen.

Xildhibaannada baarlamaanka iyo murashaxiinta hadallada jeedinaya oo ay ka mid yihiin Dr. C/raxmaan Macallin Baadiyoow, Maslax Maxamed Siyaad, Zakariye Max'ud Xaaji Cabdi, Sheekh Maxamed Yaasiin Ismaaciil iyo Yuusuf Garaad Cumar ayaa ku sugan xarunta baarlamaanka Soomaaliya ee Muqdisho.

Guddiga doorashada ayaa sheegay in murashaxiintan haray uu mid walba ku jeedin doono barnaamijkiisa siyaasadeed muddo 20-daqiiqadood ah, iyadoo lagu wado in maanta gallinka dambe lasoo gabagabeeyo jeedinta khudbooyinka.

Murashaxiintii shalay khudbooyinkooda jeediyay oo ay ka mid ahaayeen, Shariif Sh. Axmed, Prof. Axmed Ismaaciil Samatar, C/weli Maxamed Gaas, Maxamed Cabdullaahi Farmaajo, C/llaahi Axmed Caddoow iyo Salaad Cali Jeelle ayaa waxay khudbooyinkii ay jeediyeen ku sheegeen inay ka shaqeyn doonaan horumarka guud ee dalka.

Ergayga aadka u soo jiirtay xildhibaannada ayaa wuxuu ahaa in mushaaraadkooda ay noqon doonaan kuwo joogto ah, waxaana murashaxiinta qaarkood ay eraygan u adeegsanayeen sidii ay codadka uga heli lahaayeen xidlhibaannada, maadaama ay tahay xilli ay xidlhibaannada uga baahan yihiin cod ay ku qabtaan talada dalka.

Qaar ka mid ah murashaxiintii khudbooyinka jeediyay ayaa si toos ah uga dalbaday xildhibaannada inay codkooda siiyaan, halka kuwa kalena ay sheegayaan in haddii la doorto ay wax badan ka bedeli doonaan xaalka uu dalka u ku sugan yahay.

Isniinta soo socota oo bishan ay ku beegan tahay 10 ayaa lagu wadaa in la qabto doorashada Maalinta berri ah ayaa waxay noqon doontaa maalin nashasho, iyadoo lagu wado in maalinta berri ah ay noqoto maalin nasasho oo doorashada la isku diyaariyo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/8/2012 7:14 PM EST
Sabti, 8-da September 2012(HOL): Waxaa magaalada Katrineholm ee dalka Sweden lagu qabtay munaasabad lagu soo dhaweynayay doorashada hoggaanka baarlamaanka Soomaaliya iyo musharraxnimada Shiikh Shariif Shiikh Axmed, iyadoo ay munaasabadda ahayd mid si weyn loo soo agaasimay.

9/8/2012 4:35 PM EST
Saturday, Sabti, September 08, 2012 (HOL) - Magaalada Muqdisho ee caasimada Soomaaliya ayaa laga dareemayaa diyaar garow xoogleh oo loogu jiro doorashada dhici doonta maalinta isniinta ah.

9/8/2012 9:56 AM EST
Sabti, September 08, 2012 (HOL) — Wasiirka wafaafinta Itoobiya ahna afhayeenka xukuumadda Itoobiya, Bereket Simon ayaa sheegtay inay wadahadallo nabadeed la yeesheen labadii maalmood ee lasoo dhaafay jabahadda xoreynta Ogaadeeniya ee ONLF.

9/8/2012 9:33 AM EST
Sabti, September 08, 2012 (HOL) — Maamulka Puntland ayaa warsaxaafadeed uu soo saaray maanta oo Sabti ah ku sheegay inay ka digayaan in la musuqmaasuq doorashada madaxweynenimo ee dalka oo dhacaysa toddobaadkan, waxayna ku hanjabeen haddii la musuqmaasuqo inay qaadan doonaan go'aan iyaga u gaar ah.

9/8/2012 8:55 AM EST
Sabti, September 08, 2012 (HOL) — Maamulka gobolka Hiiraan ayaa waxba kama jiraan ku sheegay dhismaha maamul gobolleed ay ku baaqeen mas’uuliyiinta Ahlu Sunna Waljameeca kadib kulamo maalmihii ugu danbeeyay ay ku lahaayeen gobollka Galguduud.

9/8/2012 8:32 AM EST
Sabti, September 08, 2012 (HOL) — Booliiska dowladda Soomaaliya iyo booliiska AMISOM ayaa maanta mar kale ka sameeyay degmada Xamarjajab ee gobolka Banaadir howlgallo lagu soo qabqabtay in ka 166-qof, kuwaasoo dhammaantood ahaa dhallinyaro.

9/8/2012 8:01 AM EST
Sabti, September 08, 2012 (HOL) — Ciidamada dowladda Soomaaliya iyo oo garab ka helaya kuwa Midowga Afrika ee AMISOM ayaa saakay la wareegay gacan ku haynta degmada Warsheekh ee gobolka Shabellaha Dhexe, iyadoo aysan jirin wax dagaallo ah oo dhacay.

9/8/2012 7:16 AM EST
Sabti, September 08, 2012 (HOL) — Guddoomiyihii majmaca culummada Soomaaliyeed, Sheekh Axmed Cabdi Dhicisoow ayaa xalay ku geeriyooday Muqdisho kaddib xanuun oo maalmahaan u jiifay, waxaana isla maanta lagu aasay Muqdisho.

9/8/2012 6:36 AM EST
Sabti, September 08, 2012 (HOL) — Iska-horimaad socday saacado ayaa xalay deegaanka Miido oo hoostaga degmada Afmadow ee gobolka Jubbada hoose ku dhexmaray ciidamada dowladda Soomaaliya oo garab ka helaya kuwa Kenya iyo xoogagga Al-shabaab.

9/8/2012 4:23 AM EST
Sabti, September 08, 2012 (HOL) — Madaxa dacwada ee Al-shabaab, Sheekh Fu'aad Maxamed Shangole ayaa sheegay in ciidamada AMISOM ay yihiin kuwo u adeegaya dalalka reer galbeedka si loo baabi'iyo ku dhaqanka diinta Islaamka ee ka hirgalay Soomaaliya.

9/8/2012 3:58 AM EST
Sabti, September 08, 2012 (HOL) — Booliiska Kenya ayaa sheegay inay 150 walxo qarxo ah iyo qalabkii lagu qarxinayay ay ka heleen guri ku yaalla magaalada Nairobi ee xarunta dalka Kenya shalay oo Jimco ahayd.