5/16/2022
Today from Hiiraan Online:  _
Wararka Maanta- Jimco, Sept 7 , 2012
Bam-gameed sababay khasaare isugu jirta Dhimasho iyo Dhaawac oo xalay ka dhacay Degmada Baydhabo ee Gobolka Bay

Jimco, September 07, 2012 (HOL) — Haweeney ayaa ku dhimatay laba qof oo kalena way ku dhaawacmeen kaddib bam-gacmeed xalay lagu weeraray goob ganacsi oo ku taalla isgoyska cunaaye ee xaafadda Bardaale ee degmada Baydhabo, iyadoo kooxaha weerarka geystay ay goobta ka baxsadeen.

Saraakiisha dowladda Soomaaliya ee gobolka Bay ayaa sheegay in weerarkan ay geysteen kooxo ka tirsan Al-shabaab, iyagoo xusay inay baxsadeen kooxihii weerarka ka dambeeyay, balse ay wadaan baaritaanno ay ku baadi-goobayaan.

"Bambaano ayaa lagu weeraray goob ganacsi oo ku taalla agagaarka suuqa xoolaha ee Baydhabo, waxaan dhintay haweeneydii goobta ganacsi lahayd, laba qof oo askari uu ku jirana way ku dhaawcmeen," ayuu yiri goobjooge ku sugan Baydhabo oo la hadlay HOL.

Goobjoogaha ayaa hadalkiisa sii raaciyay in ciidamada dowladda ay fureen rasaas fara badan qaraxa kaddib laakiinse aan geysan wax khasaare ah, iyadoo kooxihii weerarka ka dambeeyay ay goobta ka baxsadeen.

Al-shabaab ayaan ka hadlin weerarka, waxaana weerarkan uu imaanayaa iyadoo habeen hore kooxo hubeysan weerar geystay dhaawacyada laba ka mid ah guddoomiyaha degmada Baydhabo ay ku qaadeen guriga guddoomiyaha.

Magaalada Baydhabo ee xarunta gobolka Bay ayaa waxaa tan iyo bishii Feberaayo ee sannadkan gacanta ku haya ciidamada dowladda Soomaaliya oo gacan ka helaya kuwa Itoobiya, waxaana tan iyo xilligaas ka dhacayay qaraxyo khasaare badan geystay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/7/2012 5:31 AM EST
Jimco, September 07, 2012 (HOL) — Shacabka Soomaaliyeed ayaa waxay rajeynayaan inuu dalku geli doono jawi ka wanaagsan midda uu hadda ku jiro, kaddib doorashada madaxnimo ee Soomaaliya oo dhacaysa toddobaadka soo socda.

9/7/2012 5:20 AM EST
Sabti, September 08, 2012 (HOL) — Midowga Dhalinyarada Soomaaliyeed ee UYS ayaa maanta siminaar looga hadlayay gargaarka bani'aadanimada ku qabatay deegaanka Lafoole ee gobolka Shabellaha Hoose, kaasoo ay ka qayb-galeen mas'uuliyiin ka tirsan dowladda iyo saraakiil ciidan.

9/7/2012 5:10 AM EST
Jimco, September 07, 2012 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga ayaa xildhibaannada cusub ee baarlamaanka Soomaaliya ugu baaqay inay soo doortaan hoggaamiye soo dhisi kara dowlad wanaagsan oo macquul ah sida hoggaanka mideysan ee baarlamaanka Soomaaliya.

9/7/2012 5:10 AM EST
Sabti, September 08, 2012 (HOL) — Madaxweynaha Soomaaliya ee uu waqtigiisu uu sii dhammaanayo, Shariif Sheekh Axmed ayaa Muqdisho ka billaabay ololihiisa doorashada, isagoo kulammo kala duwan la leh xubno uu ka mid yahay afhayeenkii hore ee baarlamaanka Shariif Xasan Sheekh Aadan.

9/7/2012 5:08 AM EST
Jimco, September 07, 2012 (HOL) — Ugu yaraan toddoba qof ayaa ku dhintay qaraxyo iyo dilal qorsheysan oo xalay siyaabo kala duwan uga dhacay Magaalada Muqdisho, iyadoo lagu jiro xilligii ugu dambeeyay ee doorashada madaxweynaha cusub ee Soomaaliya oo dhici doonta toddobaadka soo socda.

9/7/2012 5:06 AM EST
Jimco, September 07, 2012 (HOL) — Toban Murashax oo ka mid ah 25-ka murashax ee u tartamaya doorashada madaxweynenimo ee Soomaaliya ayaa waxay maanta ka horjeedin doonnaan xidhibaannada baarlamaanka Soomaaliya barnaamijyadooda siyaasadeed oo ay doonayaan inay dalka ku hoggaamiyaan haddii ay ku guuleystaan doorashada madaxnimo.

9/7/2012 5:05 AM EST
Jimco, September 07, 2012 (HOL) — Madaxweynaha Mareykanka, Barack Hussein Obama oo hadal ka jeediyay shirweynihii xisbiga Dimuqraadiga ee lagu soo gabgabeeyo magaalada Shalot ee gobolka North Carolina ayaa sheegay inuu aqbalay inuu xisbigiisa uga qaybgalo doorashada madaxnimo ee Mareykanka oo dhacaysa bisha November ee sannadkan.

9/7/2012 5:02 AM EST
Jimco, September 07, 2012 (HOL) — Soomaalida ku ganacsada dalka Koonfur Afrika ayaa ka cabanaya dhac xilliyada habeenkii ah ay u geystaan kooxo budad ku hubeysan, kuwaasoo ka mid ah dadka deegaannada ay ganacsiga ku haystaan, sida ay sheegeen ganacsatada Soomaaliyeed qarkood.