6/9/2023
Today from Hiiraan Online:  _
Wararka Maanta- Jimco, Sept 7 , 2012
Soomaalida ku Ganacsada Waddanka Koonfur Afrika oo ka cabanaya kooxo jabsanaya dukaamadooda ganacsiga habeenkii

Jimco, September 07, 2012 (HOL) — Soomaalida ku ganacsada dalka Koonfur Afrika ayaa ka cabanaya dhac xilliyada habeenkii ah ay u geystaan kooxo budad ku hubeysan, kuwaasoo ka mid ah dadka deegaannada ay ganacsiga ku haystaan, sida ay sheegeen ganacsatada Soomaaliyeed qarkood.

Gancasde Maxamed Xasan Cumar oo la hadlayay BBC-da ayaa sheegay in habeen hore la garaacay saddex ganacse oo dukaankii ay jiifeen la jabsaday, sidoo kalena la boobay wixii dukaanka yaallay, isagoo sheegay inaysan jirin cid wax ka qabatay falkaas.

"Dhibaato badan ayaa nagu haysata halkaan, waayo cid noo doodaysa ma jirto, dhibaatada naloo geysanaya waa mid soo badanaysa," ayuu ganacsadaha oo sheegay in haddii ay sii socoto dhibaatada lagu hayo ay dib ugu laaban doonaan dalkooda.

Inta badan Soomaalida ku nool dalka Koonfur Afrika ayaa waxay ku ganacsadaan goobaha ka baxsan magaalooyinka, goobahaas oo ah kuwa ugu badan ee ay ka dhacaan dilalka iyo dhaca loo geysanayo ganacsatada Soomaaliyeed ee Koonfur Afrika.

"Kooxaha dhaca geysanaya waa shacabka deegaanka aan ganacsiga ku haysanno, waxay ku qaylinayaan ma doonayno in dalkeenna ay ku ganacsdaan Soomaalida," ayuu yiri Maxamed Xasan oo intaas ku daray inay ku dacweeyeen kooxahan maamulka halkaas ka jira balse aan waxba laga qaban.

Dalka Koonfur Afrika ayaa waxaa ku sugan boqolaal kun oo Soomaali ah, kuwaasoo halkaas ku haysta ganacsiyo kala duwan, waxaana tan iyo markii ay halkaas tageen sagaashamaadkii ay la kulmayeen falal isugu jira dhimasho, dhaawacyo iyo boob hantiyeed oo joogto ah.

Xukuummadda Soomaaliya ee xilligeedu dhammaaday ayaa dhawaan safiir u magacowday dalkaas, kaasoo noqonaya kii ugu horreeyay oo ay Soomaaliya ku yeelato dalka ku yaalla Koonfurta Afrika si loo yareeyo dhibaatooyinka loo geysnayo Soomaalida, balse weli si rasmi ah uma howlgelin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Shacabka Soomaliyeed oo rajeynaya in dalka uu geli doona xaalad ka wanaagsan midd uu hadda ku jiro kadidb doorashada Madaxweynaha
9/7/2012 5:31 AM EST
Jimco, September 07, 2012 (HOL) — Shacabka Soomaaliyeed ayaa waxay rajeynayaan inuu dalku geli doono jawi ka wanaagsan midda uu hadda ku jiro, kaddib doorashada madaxnimo ee Soomaaliya oo dhacaysa toddobaadka soo socda.

Midowga Dhalinyarada Soomaaliyed oo Siminaar u qabtay Haweenka ku nool degmada Lafoole ee Duleedka Muqdisho
9/7/2012 5:20 AM EST
Sabti, September 08, 2012 (HOL) — Midowga Dhalinyarada Soomaaliyeed ee UYS ayaa maanta siminaar looga hadlayay gargaarka bani'aadanimada ku qabatay deegaanka Lafoole ee gobolka Shabellaha Hoose, kaasoo ay ka qayb-galeen mas'uuliyiin ka tirsan dowladda iyo saraakiil ciidan.

Danjire Augustine Mahiga oo Xidhibaannada Baarlamaanka cusub ee Soomaaliya kula taliyay inay doortaan Hoggaamiye Aragti fog
9/7/2012 5:10 AM EST
Jimco, September 07, 2012 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga ayaa xildhibaannada cusub ee baarlamaanka Soomaaliya ugu baaqay inay soo doortaan hoggaamiye soo dhisi kara dowlad wanaagsan oo macquul ah sida hoggaanka mideysan ee baarlamaanka Soomaaliya.

Madaxweyne Shariif Sheekh oo Ololihiisa doorashada ka billaabay Muqdisho isagoo kulammo ku leh Madaxtooyada
9/7/2012 5:10 AM EST
Sabti, September 08, 2012 (HOL) — Madaxweynaha Soomaaliya ee uu waqtigiisu uu sii dhammaanayo, Shariif Sheekh Axmed ayaa Muqdisho ka billaabay ololihiisa doorashada, isagoo kulammo kala duwan la leh xubno uu ka mid yahay afhayeenkii hore ee baarlamaanka Shariif Xasan Sheekh Aadan.

Dilal siyaabo kala duwan xalay uga dhacay Muqdisho iyo Qaraxyo lagu weeraray Ciidamada AMISOM iyo kuwa Dowladda
9/7/2012 5:08 AM EST
Jimco, September 07, 2012 (HOL) — Ugu yaraan toddoba qof ayaa ku dhintay qaraxyo iyo dilal qorsheysan oo xalay siyaabo kala duwan uga dhacay Magaalada Muqdisho, iyadoo lagu jiro xilligii ugu dambeeyay ee doorashada madaxweynaha cusub ee Soomaaliya oo dhici doonta toddobaadka soo socda.

Toban Murashax oo Barnaamijkooda Siyaasadeed Maanta ka horjeedin doona xubnaha Baarlamaanka Federaalka Soomaaliya
9/7/2012 5:06 AM EST
Jimco, September 07, 2012 (HOL) — Toban Murashax oo ka mid ah 25-ka murashax ee u tartamaya doorashada madaxweynenimo ee Soomaaliya ayaa waxay maanta ka horjeedin doonnaan xidhibaannada baarlamaanka Soomaaliya barnaamijyadooda siyaasadeed oo ay doonayaan inay dalka ku hoggaamiyaan haddii ay ku guuleystaan doorashada madaxnimo.

Madaxweynaha Mareykanka oo ogolaaday inuu Tartanka Doorashada Mareykanka uga qaybgalo Xisbigiisa Dimuqraadiga
9/7/2012 5:05 AM EST
Jimco, September 07, 2012 (HOL) — Madaxweynaha Mareykanka, Barack Hussein Obama oo hadal ka jeediyay shirweynihii xisbiga Dimuqraadiga ee lagu soo gabgabeeyo magaalada Shalot ee gobolka North Carolina ayaa sheegay inuu aqbalay inuu xisbigiisa uga qaybgalo doorashada madaxnimo ee Mareykanka oo dhacaysa bisha November ee sannadkan.

Bam-gameed sababay khasaare isugu jirta Dhimasho iyo Dhaawac oo xalay ka dhacay Degmada Baydhabo ee Gobolka Bay
9/7/2012 5:03 AM EST
Jimco, September 07, 2012 (HOL) — Haweeney ayaa ku dhimatay laba qof oo kalena way ku dhaawacmeen kaddib bam-gacmeed xalay lagu weeraray goob ganacsi oo ku taalla isgoyska cunaaye ee xaafadda Bardaale ee degmada Baydhabo, iyadoo kooxaha weerarka geystay ay goobta ka baxsadeen.