5/17/2022
Today from Hiiraan Online:  _
Wararka Maanta- Khamiis, Sept 6 , 2012
Qarax khasaare geystay oo lagu weeraray Guri ku yaalla Afgooye iyo Kooxo weeraray gaari kasoo ambabaxay Baydhabo
Khamiis, September 06, 2012 (HOL) — Ugu yaraan afar qof ayaa ku dhintay 13 qof oo kalena way ku dhaawacmeen bam xalay lagu weeraray guri ku yaalla degmada Afgooye iyo weerar ay kooxo hubeysan ku qaadeen gaari rakaab siday oo kasoo ambabaxay magaalada Baydhabo kuna soo jeedyay Muqdisho.

Goobjoogayaal ku sugan degmada Afgooye ayaa u sheegay HOL in weerarku ahaa mid xooggan oo inta badan degmada laga maqlay, waxaana weerarkaas ku dhintay hal qof saddex qof oo kalena way ku dahawacmeen.

"Dadka guriga ku sugnaa waxay ahaayeen kuwo ka ganacsada mukhaadaraadka, saddexda qof ee dhaawacmayna waxay kala ahaayeen laba rag ah iyo qof dumar ah... lamana oga ciddii weerarka ka dambeysay," ayaa laga soo xigtay mas'uul ka tirsan maamulka degmada Afgooye ee gobolka Shabeellada hoose.

Inkastoo saakay ay xaaladdu tahay mid aad u deggen, haddana dadka degmadaas ku nool waxay hadal hayaan weerarkii xalay dhacay, iyadoo maamulku uu sheegay in weerarka bam uusan ahayn mid ay ka dambeyso Al-shabaab.

Dhanka kale, saddex qof ayaa ku dhintay 10 kalena way ku dhaawacmeen weerar ay kooxo hubeysan ku qaadeen gaari ka yimid Baydhabo oo Muqdisho kusoo socday waxaana la sheegay in dableydu ay gaariga ku fureen rasaas aysan u meel-dayin.

Weerarka oo ka dhacay inta u dhexeysa degmooyinka Buurhakab oo gobolka Bay ka tirsan iyo Wanlaweyn oo ka tirsan gobolka Shabeellada Hoose oo ay Al-shabaab ka taliso ayay kooxihii geystay baxsadeen iyagoo aan wax hanti ah ka qaaday dadkii la socday gaarigii ay weerareen, mana jiraan wax hadal ah oo kasoo baxay dhinaca Al-shabaab.

Rakaabkii kale ee gaariga la socday ayaa ku sugan halkii uu falku ka dhacay,  iyadoo dadkii dhaawacyada ahaa loosoo qaaday Muqdisho halka kuwii dhintayna la doonayo in lagu aaso deegaanka uu weerarku ka dhacay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/6/2012 8:15 PM EST
Khamiis, September, 06, 2012 (HOL) – Jaamacada Baladweyne University oo ka mid ah Jaamacadaha ku yaala magaalada Baladweyne ee xarunta gobollka Hiiraan ayaa ardayda wax ka barata waxaa ay maanta sanadkii afraad dib u bilaabeen waxbarashada Jaamacada.

9/6/2012 1:32 PM EST
Talaado 6-da September 2012(HOL): Guddiga doorashada madaxweynenimada Soomaaliya ayaa galabta ku dhawaaqay tirada musharraxiinta isu soo taagay madaxweynenimada Soomaaliya ee buuxiyay shuruudihii lagu xiray, waxayna tiradaha musharraxiintaas gaareysaa 25 musharrax.

9/6/2012 8:48 AM EST
Khamiis, September 06, 2012 (HOL) — Wasiirrada xukuumadda Soomaaliya ee uu waqtigeedu dhammaaday ayaa maanta kulankoodii ugu dambeeyay ku yeeshay magaalada Muqdisho, kaasoo ay uga hadleen waxqabadkoodii iyo ammaanka guud ee dalka.

9/6/2012 8:25 AM EST
Khamiis, September 06, 2012 (HOL) — Booliiska dowladda Soomaaliya iyo booliiska AMISOM ayaa maanta howlgallo wadajir ah oo lagu soo qabqabtay boqolaal ruux oo dhallinyaro ah ka sameeyay degmada Xamarjajab ee gobolka Banaadir.

9/6/2012 6:58 AM EST
Khamiis, September 06, 2012 (HOL) — Xoogagga Al-shabaab ayaa maanta kusoo bandhigay magaalada Kismaayo hub iyo gaadiid dagaal oo ay sheegeen in ay kusoo qabsadeen dagaallo mudooyinkii ugu danbeeyay ka socday duleedka degmada Afmadow ee gobolka jubada Hoose.

9/6/2012 3:40 AM EST
Khamiis, September 06, 2012 (HOL) — In ka badan 10 ruux ayaa ku dhimatay tiro kale oo intaa ka sii badanna dhaawac ayaa ka soo gaaray dagaalo culus oo labo maleeshiyo beelleed ku dhaxmaray deegaannka lagu magacaabo Bangala oo ka tirsan gobollka Galguduud

9/6/2012 3:32 AM EST
Khamiis, September 06, 2012 (HOL) — Iskahorimaadyo u dhexeeya ciidamada dowladda Soomaaliya iyo kooxo hubeysan ayaa xalay ka dhacay isgoyska Ex-koontarool Afgooye iyo degmada Dharkeynley oo dhinaca koonfeed kaga yaalla Muqdisho.

9/6/2012 3:12 AM EST
Khamiis, September 06, 2012 (HOL) — Madaxweynaha Soomaaliyaiyo xubno kale oo ka tirsan murashaxiinta u taagan doorashada madaxnimo ee dalka ayaa ku biiray xubnihii horay u buuxiyay shuruudihii uu ku xiray guddiga doorashada madaxweyne ee Soomaaliya.