5/17/2022
Today from Hiiraan Online:  _
Wararka Maanta- Arbaco, Sept 5 , 2012
Dagaal culus oo Degmada Garbahaarey ku dhexmaray Ciidammada Dowladda Somalia iyo Xoogagga Xarakada Al-shabaab
Arbaco, September 05, 2012 (HOL) — Ugu yaraan lix qof oo ay ku jiraan labadii dhinac ee dagaalamay ayaa ku dhintay dagaal culus oo xalay saqdii dhexe gudaha degmada Garbahaarey ku dhexmaray ciidamada dowladda Soomaaliya iyo xoogagga Al-shabaab.

Dagaalka ayaa qarxay markii dagaalyahanno ka tirsan Al-shabaab galeen gudaha degmadaas oo ah xarunta gobolka Gedo, waxaana dagaalku uu gudaha degmadaas ka socday muddo hal saac ah.

"Waxaan aragnay dhimashada afar ka mid ah labadii dhinac iyo laba qof oo shacab ah, kuwaasoo rasaastii ay labada dhinac isdhaafsanayeen ugu tagtay guryahooda," ayuu yiri goobjooge ku sugan degmadaas.

Saraakiisha ciidamada dowladda ee ku sugan gudaha degmada Garbahaarey ayaa sheegay inay xoog kaga saareen dagaalyahannadii Al-shabaab degmada, balse ma aysan sheegin khasaare dhankooda soo gaaray iyo khasaare ay xoogaggii Al-shabaab u geysteen.

Mas'uuliyiin u hadlay Al-shabaab oo iyaguna ka hadlay dagaalkii xalay ka dhacay gudaha degmada Garbahaarey ayaa sheegay in dagaalku uu ahaa mid culus ayna iskood uga baxeen degmada kaddib markii ay ka gaareen ujeeddooyinkii ay u galeen degmadaas.

Degmada Garbahaarey oo tan iyo sannadkii 2010 ay gacanta ku hayeen ciidamada dowladda Soomaaliya iyo kuwa Itoobiya oo isgarabsanaya ayaa waxay Al-shabaab dhowr jeer u galeen gudaha, iyadoo dagaalladaas ay dhaliyeen khasaare badan oo labada dhinac soo kala gaaray.

Xaaladda degmada ayaa saakay daggan, iyadoo ciidamada dowladda ay kawadaan gudaha degmadaas baaritaanno ay ku raadinayaan qaar ka mid ah xoogaggii xalay ay kula dagaalameen guaha Garbahaarey, inkastoo aan la ogeyn halka ay ku sugan yihiin xoogaggii xalay weeraray xarunta gobolka Gedo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/5/2012 12:13 PM EST
Arbaco, September 05, 2012 (HOL) — Guddiga doorashada madaxweynaha Somalia ayaa maanta shaaciyay magacyada murashaxiin buuxiyay shuruudihii looga baahnaa kuwaasoo ka mid ah 37 xubnood oo illaa iyo hadda gudbiyay araajidooda.

9/5/2012 8:49 AM EST
Arbaco, September 05, 2012 (HOL) — Guddoomiyaha xisbiga Mucaaradka ah ee UDUB, Daahir Rayaale Kaahin ayaa waxba kama jiraan ku tilmaamay qoraal kasoo baxay guddida diiwaangelinta doorashooyinka madaxweynenimo ee Somaliland oo sharci-daro ku tilmaamay shirkii lagu doortay musharaxiinta doorshada madaxweynenimo ee Somaliland uga qaybgeli doona xisbiga UDUB oo kala ah, Cali Waran-Cadde iyo Axmed Xaaji Daahir.

9/5/2012 8:27 AM EST
Arbaco, September 05, 2012 (HOL) — Dowladda Soomaaliya iyo AMISOM ayaa sheegay maanta in ciidamadooda ay la wareegeen deegaanno ku yaalla xeebta bad-weynta Hindiya oo ay ka mid tahay Ceel-macaan oo ay ku taallo dekeda macmal ah oo ay sheegeen in Al-shabaab ay u isticmaali jirtay inay kala soo dagaan hbka iyo dagaalyahannada ajnabiga ah.

9/5/2012 7:16 AM EST
Arbaco, September 05, 2012 (HOL) — Dalladda dhaliyarada bartamaha iyo Koofurta Soomaaliya (South Central Somali Youth Umbrella) ayaa kulan weyn oo uu ka qayb-galeen arday iyo dadweyne fara badan ayaa waxay ku qabteen Muqdihso.

9/5/2012 3:58 AM EST
Arbaco, September 05, 2012 (HOL) — Madaxweynaha Somaliland, Axmed Maxamed Maxamuud (Siilaanyo) oo shalay galabta ku laabtay magaalada Hargeysa kaddib ka qaybgalkii aaskii ra'iisul wasaarihii hore ee Itoobiya Meles Zenawi ayaa sheegay inay soo dhaweynayaan cid walba oo kusoo baxda doorashada madaxweynenimo ee Soomaaliya.

9/5/2012 3:19 AM EST
Arbaco, September 05, 2012 (HOL) — Dadka ku dhaqan degmooyinka Maxaas iyo Moqokori 24-kii saac ee la soo dhaafay waxaa ay ku jireen gurmad xoog leh oo la xiriir bal sidii wax badan looga ogaan lahaa ugu danbeytii khasaaraha uu sababay dab habeen hore qabsaday dhul howd ah oo u dhaxeeya labada degmo.

9/5/2012 3:14 AM EST
Arbaco, September 05, 2012 (HOL) — Markab dagaal oo laga leeyahay dalka Kenya ayaa duqeeyay Talaadadii shalay dekedda iyo garoonka diyaaradaha ee magaalada Kismaayo oo ah xarunta gobolka Jubbada Hoose, xilli ay degmadaas uga qaxayaan dagaallada awgood dad fara badan.