1/24/2022
Today from Hiiraan Online:  _
Wararka Maanta- Khamiis, Sept 20, 2012
Faahfaahin ku saabsan qarax caawa fiidkii Muqdisho ka dhacay

Khamiis, September 20, 2012(HOL): Faahfaahin dheeraad ah ayaa ka soo baxeysa qarax caawa fiidkii ka dhacay Magaalada Muqdisho ee caasimadda Dalka Soomaaliya, gaar ahaan Baar Village oo ku yaalla meel u dhow gurigii haweenka iyo tiyaatarkii Muqdisho.

Qaraxan oo ay geysteen labo ruux oo ismiidaamiyay ayaa waxaa ku dhintay 17 ruux, 30  ruux in ka badanna waa ay ku dhaawacmeen. Dadka dhintay iyo kuwa dhaawacmayba waxaa ku jiray wariyayaal caan ah oo qaarkood u shaqeynayeen TV-yo iyo Idaacado Muqdisho ku yaalla.

Wariyayaasha dhintay ayaa waxaa ka mid ah Liibaan Cali Nuur iyo Cabdisataar Daahir Sabriye oo u shaqeynayay TV-ga Qaranka ee SNTV iyo C/raxmaan Yaasiin Cali oo isna Agaasime iyo wariye ka ahaa Idaacadda VOD ee magaalada Muqdisho.

Wariyayaasha Qaraxa ku dhaawacmay oo tiradooda 8 ruux la iigu sheegay ayaan shan ka mid ah magacyadooda helnay, waxaana ka mid ah  C/qaadir Axmed Timoos oo Radio Muqdisho u shaqeynayay, Maxamed Bishaar oo Radio Mustaqbal u shaqeynayay, Maxamed Xuseen Gentleman oo Radio Muqdisho u shaqeynayay, C/kariin Guutaale Radio VOD,  C/llaahi Maxamed Cali (Suldaan) oo radio Kulmiye u shaqeynayay.

Khasaaraha qaraxan ka dhashay ayaa sababta kordhisay lagu sheegay iyadoo mid ka mid ah labada ruux ee isqarxiyay uu dadka isku dhex qarxiyay, halka mid kalena uu isqarxiyay markii intii ka badbaadday qaraxii hore ay u carareen dhankiisa.

Goobta qaraxa ka dhacay ayaa waxay ahayd Maqaaxi ay inta badan ku kulmaan wariyayaasha iyo shaqaalaha dowladda iyo dad rayid ah, waxayna ahayd meel galabtii loo sheeko iyo shaah tago.

Saraakiil ciidan oo ka tirsan Dowladda Soomaaliya ayaa qaraxan ku eedeeyay xarrakadda Al-shabaab laakin ma jiro illaa iyo haatan wax war ah oo ka soo baxay Xarrakada Al-shabaab oo ku saabsan in ay iyadu qaraxan ka dambeysay.

Qaraxan oo ah midkii ugu qasaaraha badnaa ee goob kaliya ka dhaca tan iyo markii la soo dhisay Dowladda Soomaaliya ayaa wuxuu ku soo beegmayaa iyadoo xalay xaafado ka mid ah magaalada Muqdisho madaafiic lagu garaacay, kuwaasi oo waxyeello u geystay dad rayid ah. Sidoo kalena qaraxan ayaa wuxuu ku soo beegmayaa iyadoo todobaadkii hore qarax lala beegsaday madaxweynaha Soomaaliya Xasan Shiikh Maxamuud xilli uu kulan la lahaa Wasiirka Arrimaha Dibadda Kenya Sam Ongeri.

Salaad Iidow Xasan (Xiis), Hiiraan Online
[email protected]













Click here
9/20/2012 1:50 PM EST
Khamiis, September 20, 2012 (HOL) - Ugu yaraan 18 qof ayaa ku dhimatay, 45 kalana waa ku dhaawacmeen markii ay labo naftii hure beegsadeen dad rayid ah oo fadhiyay maqaayad ku taalla guriga hooyooyinka.

9/20/2012 12:07 PM EST
Khamiis, September 20, 2012(HOL): Labo qarax oo ay geysteen labo ruux oo naftooda halligay ayaa waxay goor dhaweyd ka dhaceen Baar lagu magacaabo Village oo ku yaalla meel u dhow gurigii hooyooyinka ee magaalada Muqdisho.

9/20/2012 11:18 AM EST
Khamiis, September 20, 2012(HOL):Allaah ha u naxariistee waxaa shil baabuur ku geeriyoodey hooyo iyo aabe Soomaaliyeed halka wiilkooda oo laba sano jir ah iyo ninkii wadayna ay ku dhaawacmeen.

9/20/2012 8:22 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay garoonka diyaaradaha ee Muqdisho dajirayaal ka socday 14 dal oo isugu jira Yurub iyo Mareykanka, isagoo sharraxaad ka siiyay howlaha u qorsheysan dowladda cusub ee Soomaaliya.

9/20/2012 7:40 AM EST
Khamiis, September 20, 2012 (HOL) — Ururadda iyo xisbiyada qaarkood ayaa maalmihii u dambeeyey si weyn uga qaylinayey labadda xil ee uu isku hayo gudoomiyaha golaha wakiiiladda Somaliland, kuwaas oo kala ah gudoomiyah Golaha Wakiiladda iyo gudoomiyaha urur siyaasadeedka Wadani, kana dalbaday inuu labadda mid iska casilo, lana mid noqdo ururadda kale.

9/20/2012 7:30 AM EST
Khamiis, September 20, 2012 (HOL) — Ciidamada Midowga Afrika ee AMISOM ayaa sheegay in ciidamadooda iyo kuwa dowladda Soomaaliya oo magaalo kale oo muhiim ah ka qabsadeen xoogagga Al-shabaab, taasoo ay sheegeen inay ku dhow dahay magaalada Kismaayo ee xarunta Jubbada Hoose.

9/20/2012 6:26 AM EST
Khamiis, September 20, 2012 (HOL) — Dibadbax xooggan ayaa shalay gelinkii danbe ka dhacay magalaada Kismaayo kaasoo looga soo horjeedo duulaanka ciidamada dowladda iyo kuwa AMISOM ee magaalada Kismaayo islamarkaasina lagu taageerayay Xarakada Al-shabaab.

9/20/2012 6:15 AM EST
Khamiis, September 20, 2012 (HOL) — Kaddib is-rasaaseyn khasaare sababtay oo xalay fiidkii ku dhaxmartay xaafadda Buundo-weyn ee magaalada Baladweyne ciidamo ka wada tirsan maamulka gobollka Hiiraan, ayaa waxaa arintaa ka warbixiyay mas’uuliyiin ka tirsan maamulka gobolka.

9/20/2012 2:56 AM EST
Khamiis, September 20, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inuu ku gudo-jiro wadatashiyo ku aaddan sidii uu ra'iisul wasaaraha Soomaailya u soo magacaabi, isagoo sheegay inay jiraan dad badan oo isku taagan xilkan iyo kuwo ay iyagu dalbadeen inay soo gubiyaan aqoonsiyadooda waxbarasho iyo shaqo.

9/20/2012 2:31 AM EST
Khamiis, September 20, 2012 (HOL) — Ugu yaraan saddex qof oo ay ku jirto haweeney uur leh ayaa ku dhintay hoobiyeyaal xalay lagu duqeeyay degmooyinka Boondheere iyo Shibbis ee gobolka Banaadir, waxaana duqeymahan ku dhaawacmay in ka badan 16-qof oo kale.