1/24/2022
Today from Hiiraan Online:  _
Wararka Maanta- Isniin, Oct 1 , 2012
Maamulka Gobolka Hiiraan oo ka hadlay Sababihii ay Ciidamada Itoobiya iyo AMISOM uga baxeen Baladweyne
Isniin, Oktoobar 01, 2012 (HOL) — Kaddib markii ay ciidamada dowladda Itoobiya iyo AMISOM ee ka socda dalka Jabuuti ka baxeen saldhigyadii ay ka daganaayeen magaalada Baladweyne, waxaa arintaa ka hadllay mas’uuliyiinta maamulka gobolka Hiiraan.

Guddoomiye ku-xigeenka arrimaha nabad-galyada maamulka gobollka Hiiraan Axmed Cismaan Cabdala Inji ayaa sheegay in ciidamada Itoobiya iyo kuwa AMISOM ee Jabuuti isaga baxeen xarumihii ay ka daganayeen magaalada Baladweyne kadib markii ay saameyn ku yeelatay fatahaada uu sameeyay wabiga Shabeelle.

"Waa ay jirtaa arintaa iyada ah in ciidamada Itoobiya iyo kuwa midowgga Africa ee AMISOM in ay isaga baxeen saldhigyadii ay ku lahaayeen gudaha magaalada  Baladweyne, wax kale ma’aha waxaa saameyn ku yeeshay biyihii ku soo rogmaday magaalada oo buux dhaafiyay saldhigyadii ay daganaayeen," ayuu yiri Axmed Inji.

Sidoo kale waxaa uu sheegay in uu jiro abaabul iyo qorshe la doonayo looga howlgalo guud ahaanba gobollka, gaar ahaan deegaannada ay gacanta ku hayaan Xarrakada Al-shabaab, waana tan keentay ayuu yiri in ciidamada ay isku diyaariyaan meel dibada ka ah magaalada.

Ciidamada dowladda Itoobiya iyo kuwa AMISOM ayaa hadda saldhigyo ka dhigtay duleedka magaalada Baladweyne gaar ahaan Janta-kuundisho oo ah halka inta badan dadku u barakacaan marka ay jirto fatahaadan oo kale.

Saakay waabarigii hore ayaa la arkayay ciidamo ka tirsan kuwa dowladda Itoobiya oo socod ku maraya bartamaha magaalada, kuwaasoo meel qaar ka sameynayay baaritaan la xiriira sugida amniga.

Illaa iyo hadda ma jiro wax war ah oo ka soo baxay dhinaca saraakiisha ciidamada Jabuuti ee la xiriira sababta ay ciidamadooda uga baxeen saldhigyadii ay dhawaan ka dageen magaalada Baladweyne.

C/raxmaan Diini, Hiiraan Online
[email protected]
Baladweyne, Soomaaliya












Click here
10/1/2012 10:31 AM EST
Isniin, October, 01, 2012 (HOL)- Alla ha u naxariistee waxa xalay dalka Norway ku geeriyooday abwaankii caanka ahaa Maxamed Xaashi Dhaamac Gaariye oo billihii u dambeeyey ku xanuunsanayey dalkaasi.

10/1/2012 9:51 AM EST
Isniin, Oktoobar 01, 2012 (HOL) — Taliyaha hay'adda nabadsugidda gobolka Banaadir, Col. Axmed Ereg ayaa sheegay in ammaanka Muqdisho ay adkeeyeen kadidb markii ay howlgallo isdaba-joog ah ka sameeyeen degmooyinka gobolka Banaadir.

10/1/2012 8:31 AM EST
Isniin, Oktoobar 01, 2012 (HOL) — Ciidamada dowladda Federaalka Soomaaliya, kuwa Raaskaambooni iyo Militariga Kenya oo isgarabsanaya ayaa goordhawayd gudaha u galay magaalada Kismaayo iyadoona ay ciidamadu magaalada kasoo galeen dhowr jiho.

10/1/2012 8:21 AM EST
Isniin, Oktoobar 01, 2012 (HOL) — Kooxo bastoolado ku hubeysan ayaa goor-dhaw ku toogtay magaalada Baladweyne ee xarunta gobolka Hiiraan nabadoon caan ka ahaa Baladweyne.

10/1/2012 6:53 AM EST
Isniin, Oktoobar 01, 2012 (HOL) — Ciidamada dowladda KMG iyo kuwa Kenya ayaa maalintii sedexaad ku sugan daafaha magaalada Kismaayo, iyadoona ay arintaasi keentay in dhaqdhaqaaqii ganacsi ee magaalada Kismaayo iyo deegaanada ku xeeran uu hakad galo.

10/1/2012 4:17 AM EST
Isniin, Oktoobar 01, 2012 (HOL) — Afhayeenka baarlamaanka Soomaaliya, Maxamed Sheekh Cismaan Jawaari ayaa sheegay in ajnadaha ugu horreeya ee baarlamaanku uu ka doodi doono uu yahay dastuurka cusub ee Soomaaliya, isagoo sheegay inay dib u eegis ay ku sameyn doonaan qodobbada dastuurka oo dhan.

10/1/2012 3:36 AM EST
Isniin, Oktoobar 01, 2012 (HOL) — Kooxo hubeysan ayaa xalay ku dilay magaalada Gaarisa oo ah xarunta gobolka Waqooyi-bari ee dalka Kenya laba askari oo ka tirsan ciidamada ammaanka Kenya, iyagoo ay u suurogashay inay ka baxsadaan goobta markii ay dilka askarta fuliyeen.

10/1/2012 3:12 AM EST
Isniin, Oktoobar 01, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo xildhibaanno ah ayaa u dhoofay magaalada Baydhabo ee gobolka Bay halkaasoo ay maanta kulammo kula yeelanayana maamulka gobolka, kan degmada iyo saraakiisha ciidamada dowladda Soomaaliya, kuwa Itoobiya iyo AMISOM ee ka socda dalalka Uganda iyo Burundi.