9/25/2022
Today from Hiiraan Online:  _
Wararka Maanta- Axad, Nov 25, 2012
Ciidanka Amniga Somaliland oo xabsiga u taxaabay Sheikh Maxamuud Geelle oo hore ugu Dhawaaqay urur Diimeed

Axad, November, 25, 2012 (HOL)- Sheekh Maxamuud Cabdilaahi Geelle oo wakhtigii ururada siyaasadda la furay ku dhawaaqay urur diimeed Xisbullah layidhaa ayaa shalay ciidanka amniga ee magaaldda Hargeysa xabsiga u taxaabeen.

Taliyaha Ciidanka Booliska oo warbaahinta la hadlayey, ayaa  sheegay inuu wadaadkaasi ku jiray arrimo khal-khal galin ah, isla markaana hadalo aan munaasib ku ahayn bulshadda u gudbiyey, waxaanu sheegay in sharciga la horgaynayo,inkastoo taliyuhu si cad u sheegin waxa lagu xidhay,balse warar kale ayaa sheegaya in sababta loo xidhay tahay inuu wadaadku  xaaraan ku tilmaamay doorashooyinka golaha deegaanka ee ka dhacaya Somaliland.

 Wadaadkan ayaa inta badan loo xidhaa hadalo uu ka jeediyo masaajidada kala duwan oo uu ku  naqdiyo nidaamka Somaliland isku maamusho, waxaana xukuumadihii kala dambeeyey ee somalialnd soo maray ay xidheen wakhtiyo kala duwan.

Gudoomiyaha urur diimeedka XISBULLAH Sheekh Geelle ayaa madarasado badan ku leh xaafadaha kala duwan ee magaaladda Hargeysa, waxaanu inta badan bilaash ugu dhigaa Diinta dadka waaweyn ee hora nasiibka u helin inay diinta bartaan, haseyeeshee marka uu muddo  joogaba waxa uu aad u dhaliilaa ama wax ka sheegaa qaabka dawladda Somaliland isku maamusho oo uu ku tilmaamo mid aan ku dhisnayn shareecada islaamka, isla markaana uu sheegay inuu u halgamayo in dalka lagu soo rogo shareecadda Islaamka kana hadheen ilaa inta shareecadda islaamka la isku maamulayo.

Sheikh Geelle ayaa ah wadaad aad u dhiiran oo hadalo ad-adag oo uu ka naqdiyayo siyaasadda Somaliland ka jeediya masaajidada iyo goobaha la iskugu yimaado, kaas oo uu xaaraan ku tilmaamo xukuumadda Somaliland iyo xisbiyada siyaasaddda.

Sheekh Maxamed Geelle ayaa isagu saldhiga iskeenay ka dib markii ay gurigtiisa Ciidanka Amnigu ka soo waayeen, waxaana markii loo sheegay inuu ciidanku doonayo si toos ah ugu tagay ciidanka sidaasna lagu xidhay.

Sheikh  Maxamuud Geelle oo magaaladda Hargeysa si weyn looga yaqaan ayaa marar badan nidaamka Somaliland  ku shaqayso ku tilmaamay mid aan waafaqsanayn shareecadda islaamka, waxaanu arrimahaasi ku mutaystay inuu noqdo wadaadka loogu xidhista badan yahay, waxaana sanadkan horaantiisa lagu xidhay magaaladda Hargeysa ka dib markii uu ku dhawaaqay urur diimeed la yidhaa Xisbullah, maadaama dastuurka Somaliland ogolayn in la samaysto urur siyaasadeed diimeed ama mid qabyaaladeed iyo mid gobolaysi ku dhisan toona, haseyeeshee wadaadkan ayaa marka muddo xabsiga lagu hayo la iska siidaayaa.

 

Barkhad-Ladiif  M. Cumar, Hiiraan Online 
[email protected]
Hargeysa, Somaliland

 













Click here
11/25/2012 10:42 AM EST
Axad, November, 25, 2012 (HOL)- Kulan ay maanta isugu yimaadeen madaxweeynaha dowladda Federaalka Soomaaliya Mudane Xasan Sheekh Max’uud, taliyeyaasha ciidamada qalabka sida iyo saraakisha ayaa digniin culus loogu diray ciidamada qalabka sida ee Soomaaliya.

11/25/2012 9:51 AM EST
Axad, November, 25, 2012 (HOL) – Taliyaha ugu sareeya ciidamada midowgga Africa AMISOM Andrew Gutti iyo saraakiil kale ayaa maanta gaaray magaalada Baladweyne ee xarunta gobollka Hiiraan.

11/25/2012 9:46 AM EST
Axad, November, 25, 2012 (HOL) – Qof rayid ayaa ku dhinta is-rasaseyn maanta ku dhaxmartay magaalada Baladweyne ciidamo ku howlanaa sugida amniga iyo kuwa la sheegay in ay si sharci darro ah hubka ugu dhax heysteen dadka shacabka ah.

11/25/2012 7:03 AM EST
Axad, November 25, 2012 (HOL) —Faahfahain dheeri ah ayaa kasoo baxeyso laba qarax oo maanta siyaabo kala duwan uga dhacay magaalada kismaayo ee xarunta gobolka jubada hoose.

11/25/2012 5:37 AM EST
Axad, November 25, 2012(HOL): Soomaalida Sweden ayaa waxa ay baarlamaanka Sweden ku yeelatay xildhibaankii saddexaad oo ka mid ah 349-ka xildhibaan ee fadhiya Baarlamaanka dalka Sweden. Mudane Maxamuud Maxamed Enow waxa uu ka mid noqday xildhibaanada baarlamaanka dalka Sweden iyadii ay xusid mudan tahay in bishii September 2010 loo doortay xubin suge Baarlamaanka isagoo markaas ka sharaxnaa magaalada Stockholm ee caasimadda dalka.

11/25/2012 4:55 AM EST
Axad, November 25, 2012 (HOL) — Ciidamada dowladda Soomaaliya iyo kuwa AMISOM ayaa gaaray deegaanno ku dhow degmada Jowhar, iyadoo halkaas kawada dhaqdhaqaaqyo ciidan, waxaana saraakiisha dowladda ay sheegeen inaysan jirin awood hortaagan.

11/25/2012 4:39 AM EST
Axad, November 25, 2012 (HOL) — Ugu yaraan 12 ruux oo u badan dhinacyadii uu u dhexeeyay dagaalka ayaa ku dhintay dagaal saacado qaatay oo ciidamada dowladda iyo kuwa Al-shabaab ku dhexmaray shalay gallinkii dambe degmada Balad-xaawo ee gobolka Gedo.

11/25/2012 4:06 AM EST
Axad, November 25, 2012 (HOL) — Wasiirka Maaliyadda iyo Qorshaynta Mudane: Maxamuud Xasan Suleemaan ayaa maanta booqashiidii ugu horaysay intuu loo magaacabay xilka ku tagay Dakada Caalamiga ah ee Muqdisho isagoona u kuurgaliyey sida ay u shaqeeyaan laamaha kala duwan ee ay ka kooban tahay Dakadu.

11/25/2012 3:55 AM EST
Axad, November, 25, 2012 (HOL) -- Mas’uuliyiinta maamulka gobollka Hiiraan ayaa u sheegay warbaahinta in ay soo dhameystireen qorshe la doonayo in lagula wareego qeybaha kale ee gobollka oo ay hadda gacanta ku hayaan xoogaga Al-shabaab.

11/25/2012 2:16 AM EST
Axad, November 25, 2012 (HOL) —Wararka aynu ka heleyno magaalada Kismaayo ayaa sheegaya in Qarax xooggan uu ka dhacay gudaha xarunta degmada Kismaayo, iyadoona qaraxu ahaa mid aad u xooggan.

11/25/2012 1:58 AM EST
Axad, November 25, 2012 (HOL) — Ra'iisul wasaare ku xigeenka xukuumadda Soomaaliya ahna wasiiradda arrimaha dibadda, Fowziyo Yuusuf Xaaji Aadan ayaa sheegtay inay isbedel ku sameyn doonto waaxaha ay wasaaraddu ka kooban tahay iyo safaaradaha ay Soomaaliya ku leedahay dibadda dalka.

11/25/2012 1:42 AM EST
Axad, November 25, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi ayaa sheegay in cunno-qabateynta hubka ee saaran Soomaaliya ay caqabad ku tahay horumar laga gaaro dagaalka lagula jiro Al-shabaab.