10/1/2022
Today from Hiiraan Online:  _
Wararka Maanta- Axad, Nov 25, 2012
Faahfaahin ku saabasn Laba Qarax oo ka dhacay Magaalada Kismaayo
Axad, November 25, 2012 (HOL) —Faahfahain dheeri ah ayaa kazoo baxeyso laba qarax oo maanta siyaabo kala duwan uga dhacay magaalada kismaayo ee xarunta gobolka jubada hoose.

Qaraxii hore oo la sheegay in uu ahaa miino dhulka lagu aasay ayaa dhacay iridda laga galo xarunta degmadakismaayo, waxaana lala damacsanaa gudoomiyaha degmada oo xiligaasi yimid.

Ilo wareedyo lagu kalsoonyahay ayaa inoo sheegay in qaraxii hore uu sababay dhaawac hal nin iyo dhimashada qof dumar ah taasoo ay dishay rasaastii ay furayeen ciidamada dowladda.

Waxyar kadib ayaa hadana laba qarax oo deg-deg ah waxa ay ka dhaceen goob maqaayad ah oo kutaal Hotel Xareed Yarow oo kuyaal xaafadda Aargada, waxaana qaraxani danbe uu sababay khasaarooyin lixaad leh.

Qaraxan ayaa xilligii uu dhacayay waxaa maqaayada ku sugnaa ciidamo katirsan kuwa dowladda iyo dad rayid ah, waxaana maqaayadani ay kamid ahayd goobaha laga shaaheeyo ee aadka u mashquulka badan.

“Qarax xooggan ayaa markii hore ka dhacay maqaaxida, waxyar kadib hadana mid kale ayaa dhacay, waxaana  u maleynayaa in kan danbe uu ahaa bambo meesha lagutuuray,” ayuu yiri Xasan C/laahi oo ku sugnaa meel u dhow goobta uu qaraxa ka dhacay.

Col Ismaaciil koofi oo ka mid ah saraakiisha ciidamada dowladda ee jubooyinka oo aan qadka teleefonka kula xiriirnay ayaa inoo sheegay in qaraxyadu ay ahaayeen laba qarax oo ka kala dhacay xarunta degmada iyo goob maqaaxi ah, wuxuuna sheegay in ay ku dhinteen laba qof, todobo kalena ay kasoo gaareen dhaawacyo.

Qaraxyadan ayuu ku eedeeyay in ay ka danbeeyaan xoogagga Al-shabaab, haseyeeshee ilaa imika ma jiro wax war ah oo ka soo baxay Al-shabaab oo ku aadan arintaasi.

Masuulkani ayaa sidoo kale sheegay in ay socdaan baaritaanno la xiriira qaraxyada, wuxuuna xusay in dadka qaraxyada ku waxyeeloobay ay u badanyihiin dad rayid ah.

Hiiraan Online, News Desk.













Click here
11/25/2012 10:42 AM EST
Axad, November, 25, 2012 (HOL)- Kulan ay maanta isugu yimaadeen madaxweeynaha dowladda Federaalka Soomaaliya Mudane Xasan Sheekh Max’uud, taliyeyaasha ciidamada qalabka sida iyo saraakisha ayaa digniin culus loogu diray ciidamada qalabka sida ee Soomaaliya.

11/25/2012 9:51 AM EST
Axad, November, 25, 2012 (HOL) – Taliyaha ugu sareeya ciidamada midowgga Africa AMISOM Andrew Gutti iyo saraakiil kale ayaa maanta gaaray magaalada Baladweyne ee xarunta gobollka Hiiraan.

11/25/2012 9:49 AM EST
Axad, November, 25, 2012 (HOL)- Sheekh Maxamuud Cabdilaahi Geelle oo wakhtigii ururada siyaasadda la furay ku dhawaaqay urur diimeed Xisbullah layidhaa ayaa shalay ciidanka amniga ee magaaldda Hargeysa xabsiga u taxaabeen.

11/25/2012 9:46 AM EST
Axad, November, 25, 2012 (HOL) – Qof rayid ayaa ku dhinta is-rasaseyn maanta ku dhaxmartay magaalada Baladweyne ciidamo ku howlanaa sugida amniga iyo kuwa la sheegay in ay si sharci darro ah hubka ugu dhax heysteen dadka shacabka ah.

11/25/2012 5:37 AM EST
Axad, November 25, 2012(HOL): Soomaalida Sweden ayaa waxa ay baarlamaanka Sweden ku yeelatay xildhibaankii saddexaad oo ka mid ah 349-ka xildhibaan ee fadhiya Baarlamaanka dalka Sweden. Mudane Maxamuud Maxamed Enow waxa uu ka mid noqday xildhibaanada baarlamaanka dalka Sweden iyadii ay xusid mudan tahay in bishii September 2010 loo doortay xubin suge Baarlamaanka isagoo markaas ka sharaxnaa magaalada Stockholm ee caasimadda dalka.

11/25/2012 4:55 AM EST
Axad, November 25, 2012 (HOL) — Ciidamada dowladda Soomaaliya iyo kuwa AMISOM ayaa gaaray deegaanno ku dhow degmada Jowhar, iyadoo halkaas kawada dhaqdhaqaaqyo ciidan, waxaana saraakiisha dowladda ay sheegeen inaysan jirin awood hortaagan.

11/25/2012 4:39 AM EST
Axad, November 25, 2012 (HOL) — Ugu yaraan 12 ruux oo u badan dhinacyadii uu u dhexeeyay dagaalka ayaa ku dhintay dagaal saacado qaatay oo ciidamada dowladda iyo kuwa Al-shabaab ku dhexmaray shalay gallinkii dambe degmada Balad-xaawo ee gobolka Gedo.

11/25/2012 4:06 AM EST
Axad, November 25, 2012 (HOL) — Wasiirka Maaliyadda iyo Qorshaynta Mudane: Maxamuud Xasan Suleemaan ayaa maanta booqashiidii ugu horaysay intuu loo magaacabay xilka ku tagay Dakada Caalamiga ah ee Muqdisho isagoona u kuurgaliyey sida ay u shaqeeyaan laamaha kala duwan ee ay ka kooban tahay Dakadu.

11/25/2012 3:55 AM EST
Axad, November, 25, 2012 (HOL) -- Mas’uuliyiinta maamulka gobollka Hiiraan ayaa u sheegay warbaahinta in ay soo dhameystireen qorshe la doonayo in lagula wareego qeybaha kale ee gobollka oo ay hadda gacanta ku hayaan xoogaga Al-shabaab.

11/25/2012 2:16 AM EST
Axad, November 25, 2012 (HOL) —Wararka aynu ka heleyno magaalada Kismaayo ayaa sheegaya in Qarax xooggan uu ka dhacay gudaha xarunta degmada Kismaayo, iyadoona qaraxu ahaa mid aad u xooggan.

11/25/2012 1:58 AM EST
Axad, November 25, 2012 (HOL) — Ra'iisul wasaare ku xigeenka xukuumadda Soomaaliya ahna wasiiradda arrimaha dibadda, Fowziyo Yuusuf Xaaji Aadan ayaa sheegtay inay isbedel ku sameyn doonto waaxaha ay wasaaraddu ka kooban tahay iyo safaaradaha ay Soomaaliya ku leedahay dibadda dalka.

11/25/2012 1:42 AM EST
Axad, November 25, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi ayaa sheegay in cunno-qabateynta hubka ee saaran Soomaaliya ay caqabad ku tahay horumar laga gaaro dagaalka lagula jiro Al-shabaab.