10/1/2022
Today from Hiiraan Online:  _
Wararka Maanta- Axad, Nov 25, 2012
Faahfaahin ku saabsan Khasaarihii ka dhashay dagaalkii ka dhacay degmada Balad-Xaawo ee Gobolka Gedo
Axad, November 25, 2012 (HOL) — Ugu yaraan 12 ruux oo u badan dhinacyadii uu u dhexeeyay dagaalka ayaa ku dhintay dagaal saacado qaatay oo ciidamada dowladda iyo kuwa Al-shabaab ku dhexmaray shalay gallinkii dambe degmada Balad-xaawo ee gobolka Gedo.

Dagaalkan oo ahaa mid xooggan ayaa qarxay gallinkii dambe ee shalay kasoo socday illaa maqribnimadii, iyadoo Al-shabaab ay muddo kooban la wareegtay gacanta ku haysay degmadaas oo ku dhow xadka ay wadaagaan Soomaaliya iyo Kenya.

"Al-shabaab ayaa soo weerartay degmada gallinkii dambe ee shalay illaa maqribkii ayuuna dagaalku socday, ciidamadeennuna waxay ku guuleysteen inay si xoog ah degmada uga saaraan Al-shabaab," ayuu yiri Diyaad Cabdi Kaliil oo ka mid mas'uuliyinta gobolka Gedo.

Guddoomiyaha gobolka Gedo, Maxamed Cabdi Kaliil ayaa isaguna sheegay inay dagaalkaas ku dileen in ka badan toban dagaalyahan oo ka tirsan Al-shabaab, isagoo ku macneeyay gelitaanka Al-shabaab ee degmadaas inay timid kaddib markii ay ogaadeen in ciidamada dowladda meel ka baxsan degmadaas ay diyaargarowe ka wadeen.

Si dhab ah uma cadda khasaaraha ka dhashay dagaalka, balse qiysaasta hadda la helay ayaa waxaa laga soo xigtay dadka deegaanka iyo saraakiil ka tirsan dowladda, iyadoo Al-shabaab ay dhankeeda sheegatay inay dagaalkaas khasaare ku gaarsiisay ciidamadii dowladda ee halkaas ku sugnaa.

"Dagaalyahannada Al-shabaab waxay degmada kasoo galeen dhowr jaho, waxayna soo galeen gudaha, balse ciidamada dowladda ayaa ka hortagay oo dib uga saaray degmada. 12 qof oo u badan dhinacyadii dagaalamay ayaa ku dhintay," ayuu yiri Saadaq Cali oo ah qof deggen degmada Balad-xaawo oo AFP la hadlay.

Afhayeenka Al-shabaab, Sheekh C/casiis Abuu-Muscab oo isaguna la hadlay qaar ka mid ah warbaahinta ku hadasha afka Al-shababa ayaa sheegay in dagaalku uu ahaa mid qorsheysan ayna ku qabsadeen degmada Balad-Xaawo, wuxuuna xusay inay iyagu iskood uga baxeen.

"Waxaan dagaalka ka billowday duleedka degmada, mujaahidiinta waxaa u suuro-gashay inay si buuxda ula wareegaan degmada, ugu dambeynna mujaahidiinta si nabad ah ayay uga baxeen degmada markii ay dantooda ka gaareen," ayuu yiri Sheekh Abuu-Muscab.

Dagaalkan ayaa wuxuu kusoo beegmay iyadoo ciidamada dowladda iyo AMISOM ay Al-shabaab ka saareen degmooyin badan oo awood ay ku lahaayeen, kuwaasoo ay degmada magaalada Kismaayo ee xarunta gobolka Jubbada Hoose.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/25/2012 10:42 AM EST
Axad, November, 25, 2012 (HOL)- Kulan ay maanta isugu yimaadeen madaxweeynaha dowladda Federaalka Soomaaliya Mudane Xasan Sheekh Max’uud, taliyeyaasha ciidamada qalabka sida iyo saraakisha ayaa digniin culus loogu diray ciidamada qalabka sida ee Soomaaliya.

11/25/2012 9:51 AM EST
Axad, November, 25, 2012 (HOL) – Taliyaha ugu sareeya ciidamada midowgga Africa AMISOM Andrew Gutti iyo saraakiil kale ayaa maanta gaaray magaalada Baladweyne ee xarunta gobollka Hiiraan.

11/25/2012 9:49 AM EST
Axad, November, 25, 2012 (HOL)- Sheekh Maxamuud Cabdilaahi Geelle oo wakhtigii ururada siyaasadda la furay ku dhawaaqay urur diimeed Xisbullah layidhaa ayaa shalay ciidanka amniga ee magaaldda Hargeysa xabsiga u taxaabeen.

11/25/2012 9:46 AM EST
Axad, November, 25, 2012 (HOL) – Qof rayid ayaa ku dhinta is-rasaseyn maanta ku dhaxmartay magaalada Baladweyne ciidamo ku howlanaa sugida amniga iyo kuwa la sheegay in ay si sharci darro ah hubka ugu dhax heysteen dadka shacabka ah.

11/25/2012 7:03 AM EST
Axad, November 25, 2012 (HOL) —Faahfahain dheeri ah ayaa kasoo baxeyso laba qarax oo maanta siyaabo kala duwan uga dhacay magaalada kismaayo ee xarunta gobolka jubada hoose.

11/25/2012 5:37 AM EST
Axad, November 25, 2012(HOL): Soomaalida Sweden ayaa waxa ay baarlamaanka Sweden ku yeelatay xildhibaankii saddexaad oo ka mid ah 349-ka xildhibaan ee fadhiya Baarlamaanka dalka Sweden. Mudane Maxamuud Maxamed Enow waxa uu ka mid noqday xildhibaanada baarlamaanka dalka Sweden iyadii ay xusid mudan tahay in bishii September 2010 loo doortay xubin suge Baarlamaanka isagoo markaas ka sharaxnaa magaalada Stockholm ee caasimadda dalka.

11/25/2012 4:55 AM EST
Axad, November 25, 2012 (HOL) — Ciidamada dowladda Soomaaliya iyo kuwa AMISOM ayaa gaaray deegaanno ku dhow degmada Jowhar, iyadoo halkaas kawada dhaqdhaqaaqyo ciidan, waxaana saraakiisha dowladda ay sheegeen inaysan jirin awood hortaagan.

11/25/2012 4:06 AM EST
Axad, November 25, 2012 (HOL) — Wasiirka Maaliyadda iyo Qorshaynta Mudane: Maxamuud Xasan Suleemaan ayaa maanta booqashiidii ugu horaysay intuu loo magaacabay xilka ku tagay Dakada Caalamiga ah ee Muqdisho isagoona u kuurgaliyey sida ay u shaqeeyaan laamaha kala duwan ee ay ka kooban tahay Dakadu.

11/25/2012 3:55 AM EST
Axad, November, 25, 2012 (HOL) -- Mas’uuliyiinta maamulka gobollka Hiiraan ayaa u sheegay warbaahinta in ay soo dhameystireen qorshe la doonayo in lagula wareego qeybaha kale ee gobollka oo ay hadda gacanta ku hayaan xoogaga Al-shabaab.

11/25/2012 2:16 AM EST
Axad, November 25, 2012 (HOL) —Wararka aynu ka heleyno magaalada Kismaayo ayaa sheegaya in Qarax xooggan uu ka dhacay gudaha xarunta degmada Kismaayo, iyadoona qaraxu ahaa mid aad u xooggan.

11/25/2012 1:58 AM EST
Axad, November 25, 2012 (HOL) — Ra'iisul wasaare ku xigeenka xukuumadda Soomaaliya ahna wasiiradda arrimaha dibadda, Fowziyo Yuusuf Xaaji Aadan ayaa sheegtay inay isbedel ku sameyn doonto waaxaha ay wasaaraddu ka kooban tahay iyo safaaradaha ay Soomaaliya ku leedahay dibadda dalka.

11/25/2012 1:42 AM EST
Axad, November 25, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi ayaa sheegay in cunno-qabateynta hubka ee saaran Soomaaliya ay caqabad ku tahay horumar laga gaaro dagaalka lagula jiro Al-shabaab.