9/25/2022
Today from Hiiraan Online:  _
Wararka Maanta- Sabti, Nov 24, 2012
Xildhibaan Yuusuf Xasan oo ka Codsaday Shacabka ku Dhaqan Islii in ay Mar labaad Doortaan

Sabti, November 24, 2012 (HOL) —Xildhibaanka laga soo doorto Degmada Kamakunji ee magaalada Nairobi Xildhibaan Yuusuf Xasan Cabdi ayaa ballan qaaday in uu laba jibaari doono waxqabadkiisa hadii marlabaad ay soo doortaan shacabka ku dhaqan degmada Kamakunji.

Xildhibaanka oo maanta ka qeybgalay xaflad qalinjabin ah oo shahaadooyin lagu gudoonsiinayay arday ka qalinjabisay machadka Atlas Islamarkaasina ka dhacday Hoolka Shirarka hotelka Islii Mall ee xaafadda Islii ayaa sheegay in hadii shacabka ku dhaqan degmada Kamakunji ay marlabaad soo doortaan in uu waxbadan ka qaban doono ammaanka iyo horumarka degmada.

Xildhibaanka ayaa sheegay in mudadii uu xilka hayay uu wax weyn ka qabtay dhinaca ammaanka, horumarka, dhismaha wadooyinka iyo waxbarashada.

“Anigu markii aan Islii imid ma ahayn qof isleh malaha jago ku raadso ama dhaqaale ku sameyso ama ku dul nooloow dadka islii ku nool, masuul umadaha midoobay ka tirsan baan ahaa, mushaar fiican baan iska qaadan jiray, wax iigu iman jiray ma jirin, wax jidka igu joojin jiray ma jirin, wax saqda dhexe teleefon ii soodiri jiray ma jirin, waan iska ladnaa sababta aan u imid oo aan u istaagay kursigan islii dhaqaale ma ahayn, ee waxay ahayd dadka aan ka dhashay in aan wax u qabto oo horumarkooda iyo dhismahooda ka shaqeeyo,” ayuu yiri Xildhibaanka.

Xildhibaanka ayaa ka codsaday shacabka ku dhaqan Islii in ay codkooda siiyaan hadii ay u arkaan in uu wax ka qabtay xaafadda, wuxuuna yiri“Doorashada danbena waxaan doonayaa inaan sii wado howsha aad ii dhiibateen oo aan dhameystiro, waxan jeclahay inaad ii soo baxdaan.”



Dhinaca kale Xildhibaan Yuusuf Xasan ayaa ugu baaqay ganacsatada Soomaaliyeed ee ku dhaqan xaafadda Islii in ay sameystaan ciidamo gaar ah oo ku xiran dowladda islamarkaasina ilaaliya nabadgelyada iyo hantida taal xaafadda.

Xildhibaanka oo arintaasi ka hadlaya ayaa yiri “Xaafadaha kale ee Hunuuda iyo Cadaanka ay deganyihiin, dad bay sameysteen, daafaca xaafadahooda, security bay sameysteen ku xiran dowladda, xaafaddan soomalida waxay u egtahay inaan ninnaba xaaleynin, laakiinse maanta wixii ka danbeeyo waa in ay ogaadaan, xaafaddan waa jaziirad oo kale dhan kaata waxaa kaga hareereysan dad aan waxba heysan oo masaakiin oo diyaar u ah haday fursad helaan hal beriba ha noqoteen inay ka faa’iideystaan oo bililiqeystaan hantida taal xaafadda Islii.”

Xildhibaan Yuusuf ayaa gabagabadii sheegay in Soomaalida Kenya ay yihiin dad nabadda Jecel islamarkaasina ilaalinaya sharciga iyo qaranimada dalka.

Hadalka Xildhibaanka ayaa kusoo beegmaya xilli horaanta bisha Maarso ee sanadka soo socdo la filayo in ay dhacaan doorashooyinka madaxtinimada dalka Kenya.

Xasan Nuur, Hiiraan Online
[email protected]
Nairobi, Kenya













Click here
11/24/2012 10:43 AM EST
Sabti, November 24, 2012 (HOL) —Dagaallo culus oo u dhexeeya ciidamada dowladda Soomaaliya oo garabsanaya kuwa Ahlusunna iyo xoogagga Al-shabaab ayaa ka dhacay degmada Beledxaawo ee gobolka Gedo.

11/24/2012 7:47 AM EST
Sabti, November 24, 2012 (HOL) — Afhayeenka ciidamada AMISOM, Col. Cali Aadan Xumud oo maanta shir jaraa'id ku qabtay Muqdisho ayaa sheegay in AMISOM ay si dhow ula shaqeynayso Dowladda cusub ee Soomaaliya, isagoo sidoo kale sheegay inay soo dhaweynayaan golaha wasiirrada ee dhawaan la ansixiyay.

11/24/2012 7:44 AM EST
Sabti, November 24, 2012 (HOL) — Ururka Suxufiyiinta Somaliland ee SOLJA, ayaa madaxweynaha u diray waraaq furan oo ay kaga codsanayaan inaanu saxeexan xeerka sirdoonka oo ka hor imanaya xoriyadda saxaafadda Somaliland.

11/24/2012 7:27 AM EST
Sabti, November 24, 2012 (HOL) — Wasiirka arrimaha gudaha iyo amniga Qaranka ee dowladda Soomaaliya, C/kariin Xuseen Guuleed ayaa markii ugu horreysay kula kulmay Muqdisho taliyeyaasha ciidmada booliiska, isagoo ku bogaadiyay howsha ay hayaan, kana dalbaday inay xoojiyaan howlaha lagu sugayo ammaanka Muqdisho.

11/24/2012 6:10 AM EST
Sabti, November 24, 2012 (HOL) — Xoogag taabacsan Al-shabaab ayaa duhurnimadii maanta weerar khasaare geystay ku qaaday mas'uuliyiin ka tirsan dowladda Soomaaliya oo gobolka Shabeellada hoose u joogay howlo dhedhexaadin ah, iyadoo la sheegay in mid ka mid ah gaadiidkii ay mas'uuliyiinta dowladdu wateen uu ku gubtay dagaalka.

11/24/2012 3:49 AM EST
Sabti, November 24, 2012 (HOL) — Dood-cilmiyeed ku saabsan sida loo wacyi-gelin karo dhallinyarada dagaallada ka qaybgala ayaa maanta lagu qabtay Muqdisho, waxaana kulankan oo ay soo qabanqaabisay hay'adda CCD ka qaybgalay odayaal dhaqameedyo Soomaaliyeed.

11/24/2012 3:32 AM EST
Sabti, November 24, 2012 (HOL) — Xukuumadda Kenya ayaa amar ku bixisay in baaritaan lagu sameeyo khasaarihii nafeed iyo middii maaliyadeed ee ka dhashay rabshadihii toddobaadkii hore ka dhacay magaalada Gaarisa ee gobolka Waqooyi-bari ee Kenya.

11/24/2012 3:07 AM EST
Sabti, November 24, 2012 (HOL) — Danjire Augustine Mahiga ayaa sheegay in dhamaashaha isla-xisaabtan la'aanta Soomaaliya ay fursad weyn u tahay xuquuqul insaanka, isagoo si adag u cambaareeyay dilalka loo geysto wariyeyaasha.

11/24/2012 2:19 AM EST
Sabti, November 24, 2012 (HOL) — Wasiirka gaashaandhigga Dowladda Soomaaliya Cabdixakiin Maxamuud Xaaji Fiqi ayaa Jimcihii shalay kulan la yeeshay saraakiisha ciidamada Afrika ee ku sugan Soomaaliya, isagoo kala hadlay sidii loo sii wadi lahaa howgallada dalka looga saarayo Xarakada Al-shabaab oo weli ka talisa dhul ballaaran.