9/25/2022
Today from Hiiraan Online:  _
Wararka Maanta- Sabti, Nov 24, 2012
Afhayeenka Ciidamada AMISOM oo sheegay inay si dhow ula shaqeynayaan Dowladda Cusub ee Soomaaliya
Sabti, November 24, 2012 (HOL) — Afhayeenka ciidamada AMISOM, Col. Cali Aadan Xumud oo maanta shir jaraa'id ku qabtay Muqdisho ayaa sheegay in AMISOM ay si dhow ula shaqeynayso Dowladda cusub ee Soomaaliya, isagoo sidoo kale sheegay inay soo dhaweynayaan golaha wasiirrada ee dhawaan la ansixiyay.

Col. Xumud ayaa shirkiisa jaraa'id kaga hadlay howgallada ay ciidamada AMISOM iyo kuwa dowladda ka wadaan gudaha iyo ammaanka magaalada Muqdisho, wuxuuna ka dalbaday shacabka Soomaaliyeed inay ciidamada gacan siiyaan si looga hortago kuwa ammaanka qalqalinaya.

"AMISOM waxaa ka go'an inay si dhow ula shaqeyso dowladda cusub ee Soomaaliya iyadoo ka jawaabaysa baahida shacabka Soomaaliyeed si loo helo nabadgalyo caam ah," ayuu yiri afhayeenka AMISOM oo intaas ku daray: "Madaxa howgalka Midowga Afirka ee AMISOM, danjire Abuubakar Diarra wuxuu hambalyo u soo diray wasiirada dowladda Soomaaliya ee tobanka xubnood ka kooban, kuwaasoo si wanaagsan lagu soo xulay."

Howgalka AMISOM ee Midowga Afrika ayaa wuxuu gacan ka siiyaa dowladda sidii ay isaga difaaci lahayd dagaallada kaga imaanaya Al-shabaab, waxaana ciidamada ku sugan Soomaaliya ay gaarayaan 17,000 oo askari, kuwaasoo ka kala socda dalalka Uganda, Burundi, Kenya iyo Jabuuti.

Dhanka kale, afhayeenka AMISOM oo ka hadlay ammaanka goobihii Al-shabaab laga qabsaday iyo magaalada Muqdisho ayaa sheegay in ammaanka goobahaas uu aad u wanaagsan yahay, ayna wadaan qorshayaal ay ku doonayaan inay isugu furaan Muqdisho iyo gobollada kale ee dalka.

"Waxaa muuqata in Al-shabaab ay isku dhexqarinayaan shacabka, sidaa darteed, waxaan shacabka ka dalbanaynaa inay ciidamada la shaqeeyaan si loo qabto kuwa doonaya inay shacabka dhexdiisa ammaan-darrada ka sameeyaan," ayuu yiri Col. Xumud.

Ugu dambeyn, afhayeenku wuxuu sheegay in ciidamadooda iyo kuwa dowladda ee ku sugan gobollada Koonfuta iyo kuwa bartamaha Soomaaliya ku yaalla ay qaadaan weerarro ay Al-shabaab kaga qabsanayaan deegaannada ay hadda ku sugan yihiin.

Maxamede Xaaji Xuseen, Hiiraan Online
[email protected]
Muqdisho, Soomaaliya












Click here
11/24/2012 10:43 AM EST
Sabti, November 24, 2012 (HOL) —Dagaallo culus oo u dhexeeya ciidamada dowladda Soomaaliya oo garabsanaya kuwa Ahlusunna iyo xoogagga Al-shabaab ayaa ka dhacay degmada Beledxaawo ee gobolka Gedo.

11/24/2012 8:45 AM EST
Sabti, November 24, 2012 (HOL) —Xildhibaanka laga soo doorto Degmada Kamakunji ee magaalada Nairobi Xildhibaan Yuusuf Xasan Cabdi ayaa ballan qaaday in uu laba jibaari doono waxqabadkiisa hadii marlabaad ay soo doortaan shacabka ku dhaqan degmada Kamakunji.

11/24/2012 7:44 AM EST
Sabti, November 24, 2012 (HOL) — Ururka Suxufiyiinta Somaliland ee SOLJA, ayaa madaxweynaha u diray waraaq furan oo ay kaga codsanayaan inaanu saxeexan xeerka sirdoonka oo ka hor imanaya xoriyadda saxaafadda Somaliland.

11/24/2012 7:27 AM EST
Sabti, November 24, 2012 (HOL) — Wasiirka arrimaha gudaha iyo amniga Qaranka ee dowladda Soomaaliya, C/kariin Xuseen Guuleed ayaa markii ugu horreysay kula kulmay Muqdisho taliyeyaasha ciidmada booliiska, isagoo ku bogaadiyay howsha ay hayaan, kana dalbaday inay xoojiyaan howlaha lagu sugayo ammaanka Muqdisho.

11/24/2012 6:10 AM EST
Sabti, November 24, 2012 (HOL) — Xoogag taabacsan Al-shabaab ayaa duhurnimadii maanta weerar khasaare geystay ku qaaday mas'uuliyiin ka tirsan dowladda Soomaaliya oo gobolka Shabeellada hoose u joogay howlo dhedhexaadin ah, iyadoo la sheegay in mid ka mid ah gaadiidkii ay mas'uuliyiinta dowladdu wateen uu ku gubtay dagaalka.

11/24/2012 3:49 AM EST
Sabti, November 24, 2012 (HOL) — Dood-cilmiyeed ku saabsan sida loo wacyi-gelin karo dhallinyarada dagaallada ka qaybgala ayaa maanta lagu qabtay Muqdisho, waxaana kulankan oo ay soo qabanqaabisay hay'adda CCD ka qaybgalay odayaal dhaqameedyo Soomaaliyeed.

11/24/2012 3:32 AM EST
Sabti, November 24, 2012 (HOL) — Xukuumadda Kenya ayaa amar ku bixisay in baaritaan lagu sameeyo khasaarihii nafeed iyo middii maaliyadeed ee ka dhashay rabshadihii toddobaadkii hore ka dhacay magaalada Gaarisa ee gobolka Waqooyi-bari ee Kenya.

11/24/2012 3:07 AM EST
Sabti, November 24, 2012 (HOL) — Danjire Augustine Mahiga ayaa sheegay in dhamaashaha isla-xisaabtan la'aanta Soomaaliya ay fursad weyn u tahay xuquuqul insaanka, isagoo si adag u cambaareeyay dilalka loo geysto wariyeyaasha.

11/24/2012 2:19 AM EST
Sabti, November 24, 2012 (HOL) — Wasiirka gaashaandhigga Dowladda Soomaaliya Cabdixakiin Maxamuud Xaaji Fiqi ayaa Jimcihii shalay kulan la yeeshay saraakiisha ciidamada Afrika ee ku sugan Soomaaliya, isagoo kala hadlay sidii loo sii wadi lahaa howgallada dalka looga saarayo Xarakada Al-shabaab oo weli ka talisa dhul ballaaran.