10/1/2022
Today from Hiiraan Online:  _
Wararka Maanta- Isniin, Nov 24, 2012
Wasiirka Arrimaha Gudaha iyto Ammaanka Qaranka oo markii ugu horreysay la kulmay Taliyeyaasha Booliiska Muqdisho
Sabti, November 24, 2012 (HOL) — Wasiirka arrimaha gudaha iyo amniga Qaranka ee dowladda Soomaaliya, C/kariin Xuseen Guuleed ayaa markii ugu horreysay kula kulmay Muqdisho taliyeyaasha ciidmada booliiska, isagoo ku bogaadiyay howsha ay hayaan, kana dalbaday inay xoojiyaan howlaha lagu sugayo ammaanka Muqdisho.

Afhayeenka ciidanka booliiska Soomaaliya ahna taliyaha hoggaanka laanta dambi-baarista ee booliiska Soomaaliya, Jen. Cabdullaahi Xasan Bariise oo saxaafadda la hadlay kulanka kaddib ayaa sheegay in kulanku uu isugu jiray isbarasho iyo sidii la isugu guubaabin lahaa sugidda ammaanka goobaha ay dowladdu gacanta ku hayso.

"Kulanka aan maanta la yeelanay wasiirka ammaanka gudaha iyo amniga Qaranka wuxuu ahaa mid ay isku baranayeen wasiirka iyo saraakiisha ciidanka booliiska gaar ahaan, taliyeyaasha hoggaannada, taliyeyaasha qaybaha, ilaalada waddooyinka iyo waaxda ilaalinta canshuuraha. Sidoo kale waxaa looga hadlay adkeynta iyo sugidda ammaanka caasimadda," ayuu yiri Jen. Bariise.

Afhayeenku wuxuu intaas raaciyay in ciidamada booliiska ay dhawaanahan howlgallo lagu xoojinayo ammaanka Muqdisho, isagoo howshaan uga mahadceliyay marka hore Alle, marka xigtana saraakiishii iyo ciidamadii howlgalkan ka qaybgalay.

Dhanka kale, afhayeenka ciidanka booliiska Soomaaliya wuxuu ka codsaday dadka ku nool Muqdisho inay gacan ku siiyaan ciidamada booliiska sidii looga hortegi lahaa kuwa dhibaatooyinka ka wada caasimadda.

"Shacabka waxaan leeyahay, ammaanka waa noo wada dan, waa in lala shaqeeyo ciidamada ammaanka si looga hortago kuwa nabadda kasoo horjeeda," ayuu yiri afhayeenka booliiska oo sheegay in dhibaatada aysan ciidanka oo keliya saameyn ku yeelan doonin, balse ay shacabkana saameyn ku yeelanayso.

Kulanka maanta dhexmaray saraakiisha ciidanka booliiska Soomaaliya iyo wasiirka arrimaha gudaha iyo ammaanka Qaranka xukuumadda cusub ee Soomaaliya ayaa noqonaya kii ugu horreysay noociisa oo dhexmara wasiirka iyo saraakiisha ciidanka booliiska Soomaaliya.

Maxamede Xaaji Xuseen, Hiiraan Online
[email protected]
Muqdisho, Soomaaliya












Click here
11/24/2012 10:43 AM EST
Sabti, November 24, 2012 (HOL) —Dagaallo culus oo u dhexeeya ciidamada dowladda Soomaaliya oo garabsanaya kuwa Ahlusunna iyo xoogagga Al-shabaab ayaa ka dhacay degmada Beledxaawo ee gobolka Gedo.

11/24/2012 8:45 AM EST
Sabti, November 24, 2012 (HOL) —Xildhibaanka laga soo doorto Degmada Kamakunji ee magaalada Nairobi Xildhibaan Yuusuf Xasan Cabdi ayaa ballan qaaday in uu laba jibaari doono waxqabadkiisa hadii marlabaad ay soo doortaan shacabka ku dhaqan degmada Kamakunji.

11/24/2012 7:47 AM EST
Sabti, November 24, 2012 (HOL) — Afhayeenka ciidamada AMISOM, Col. Cali Aadan Xumud oo maanta shir jaraa'id ku qabtay Muqdisho ayaa sheegay in AMISOM ay si dhow ula shaqeynayso Dowladda cusub ee Soomaaliya, isagoo sidoo kale sheegay inay soo dhaweynayaan golaha wasiirrada ee dhawaan la ansixiyay.

11/24/2012 7:44 AM EST
Sabti, November 24, 2012 (HOL) — Ururka Suxufiyiinta Somaliland ee SOLJA, ayaa madaxweynaha u diray waraaq furan oo ay kaga codsanayaan inaanu saxeexan xeerka sirdoonka oo ka hor imanaya xoriyadda saxaafadda Somaliland.

11/24/2012 6:10 AM EST
Sabti, November 24, 2012 (HOL) — Xoogag taabacsan Al-shabaab ayaa duhurnimadii maanta weerar khasaare geystay ku qaaday mas'uuliyiin ka tirsan dowladda Soomaaliya oo gobolka Shabeellada hoose u joogay howlo dhedhexaadin ah, iyadoo la sheegay in mid ka mid ah gaadiidkii ay mas'uuliyiinta dowladdu wateen uu ku gubtay dagaalka.

11/24/2012 3:49 AM EST
Sabti, November 24, 2012 (HOL) — Dood-cilmiyeed ku saabsan sida loo wacyi-gelin karo dhallinyarada dagaallada ka qaybgala ayaa maanta lagu qabtay Muqdisho, waxaana kulankan oo ay soo qabanqaabisay hay'adda CCD ka qaybgalay odayaal dhaqameedyo Soomaaliyeed.

11/24/2012 3:32 AM EST
Sabti, November 24, 2012 (HOL) — Xukuumadda Kenya ayaa amar ku bixisay in baaritaan lagu sameeyo khasaarihii nafeed iyo middii maaliyadeed ee ka dhashay rabshadihii toddobaadkii hore ka dhacay magaalada Gaarisa ee gobolka Waqooyi-bari ee Kenya.

11/24/2012 3:07 AM EST
Sabti, November 24, 2012 (HOL) — Danjire Augustine Mahiga ayaa sheegay in dhamaashaha isla-xisaabtan la'aanta Soomaaliya ay fursad weyn u tahay xuquuqul insaanka, isagoo si adag u cambaareeyay dilalka loo geysto wariyeyaasha.

11/24/2012 2:19 AM EST
Sabti, November 24, 2012 (HOL) — Wasiirka gaashaandhigga Dowladda Soomaaliya Cabdixakiin Maxamuud Xaaji Fiqi ayaa Jimcihii shalay kulan la yeeshay saraakiisha ciidamada Afrika ee ku sugan Soomaaliya, isagoo kala hadlay sidii loo sii wadi lahaa howgallada dalka looga saarayo Xarakada Al-shabaab oo weli ka talisa dhul ballaaran.