10/1/2022
Today from Hiiraan Online:  _
Wararka Maanta- Sabti, Nov 24, 2012
Dood-cilmiyeed looga hadlayay qaabka loo wacyi-gelin karo Dhallinyarada oo Magaalada Muqdisho lagu qabtay (SAWIRRO)

Sabti, November 24, 2012 (HOL) — Dood-cilmiyeed ku saabsan sida loo wacyi-gelin karo dhallinyarada dagaallada ka qaybgala ayaa maanta lagu qabtay Muqdisho, waxaana kulankan oo ay soo qabanqaabisay hay'adda CCD ka qaybgalay odayaal dhaqameedyo Soomaaliyeed.

Uug horreyn, doodda waxaa furay Imaam Maxamed Yuusuf Cali oo ka mid ah oday dhaqameedyadii kulanka ka qaybgalay, isagoo sheegay in loo baahan yahay in la wacyi-geliyo dhallinyarada dagaallada loo adeegsado, gaar ahaan kuwa Al-shabaab u dagaalama, wuxuuna xusayin wacyigelintooda loo adeegsado warbaahinta.

"Waxaan marka hore u sheegaynaa dhallinyarada la qalday in guryaha loogu tago, idaacadaha lagala hadlo, loo caqli-celiyo, tababarrana loo sameeyo. Soomaaliya waxaa soo maray dhibaatooyin badan oo intooda badan saameeyay dhallinyarada," ayuu yiri Imaam Maxamed.

Imaamka ayaa sidoo kale sheegay in hay'adda CCD ay badiso tababarrada noocan oo kale, kuwaasoo la isugu keenayo odayaasha iyo waxgaradka Soomaaliyeed si ay uga hadlaan dhaqan-celinta dhallinyarada iyo sida dalka lagu xasilin karo.

Sheekh Axmed Abuukar Gaabow oo ka mid ahaa odayaal dhaqameedyadii kulanka ka qaybgalay ayaa isaguna sheegay sheegay in odayaasha ay kaalin muhiim ka qaadan karaan sidii dhalliniyarada loo wacyigelin lahaa. Isagoo caddeeyay in dilka qofka muslim ah uusan bannaaneyn, wuxuuna dhallinyarada ku taliyay inaysan naftooda haligin.

Ugaas Warsame Cali Suuley ayaa isaguna sheegay inay muhiim tahay in talada odayaasha la qaato, wuxuuna xusay in dhallinyarada ay ilaaliyaan naftooda oo aanay ku dhicin god mugdi ah.

Waxaa kaloo doodda ka hadlay, Malaaq Cabdullaahi Malaaq Cabdulqaadir iyo Shariif Xuseen Jilacoow oo labaduba sheegay in dhallinyarada maskaxda laga qalday marka hore la dhaqan-celiyo, lana tuso faa'iidada ay leedahay nabadda iyo nolosha iyagoo si wadajir ah u xusay inay tahay in la qaato talada odayaasha dhaqanka.

Ugu dambeyn, dood-cilmiyeedkan ayaa qayb ka ah dood-cilmiyeedyo ay hay'adda CCD qabatay, kuwaasoo looga hadlayay; wacyi-gelinta bulshada, nabadgelyada iyo horumarinta shacabka.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/24/2012 10:43 AM EST
Sabti, November 24, 2012 (HOL) —Dagaallo culus oo u dhexeeya ciidamada dowladda Soomaaliya oo garabsanaya kuwa Ahlusunna iyo xoogagga Al-shabaab ayaa ka dhacay degmada Beledxaawo ee gobolka Gedo.

11/24/2012 8:45 AM EST
Sabti, November 24, 2012 (HOL) —Xildhibaanka laga soo doorto Degmada Kamakunji ee magaalada Nairobi Xildhibaan Yuusuf Xasan Cabdi ayaa ballan qaaday in uu laba jibaari doono waxqabadkiisa hadii marlabaad ay soo doortaan shacabka ku dhaqan degmada Kamakunji.

11/24/2012 7:47 AM EST
Sabti, November 24, 2012 (HOL) — Afhayeenka ciidamada AMISOM, Col. Cali Aadan Xumud oo maanta shir jaraa'id ku qabtay Muqdisho ayaa sheegay in AMISOM ay si dhow ula shaqeynayso Dowladda cusub ee Soomaaliya, isagoo sidoo kale sheegay inay soo dhaweynayaan golaha wasiirrada ee dhawaan la ansixiyay.

11/24/2012 7:44 AM EST
Sabti, November 24, 2012 (HOL) — Ururka Suxufiyiinta Somaliland ee SOLJA, ayaa madaxweynaha u diray waraaq furan oo ay kaga codsanayaan inaanu saxeexan xeerka sirdoonka oo ka hor imanaya xoriyadda saxaafadda Somaliland.

11/24/2012 7:27 AM EST
Sabti, November 24, 2012 (HOL) — Wasiirka arrimaha gudaha iyo amniga Qaranka ee dowladda Soomaaliya, C/kariin Xuseen Guuleed ayaa markii ugu horreysay kula kulmay Muqdisho taliyeyaasha ciidmada booliiska, isagoo ku bogaadiyay howsha ay hayaan, kana dalbaday inay xoojiyaan howlaha lagu sugayo ammaanka Muqdisho.

11/24/2012 6:10 AM EST
Sabti, November 24, 2012 (HOL) — Xoogag taabacsan Al-shabaab ayaa duhurnimadii maanta weerar khasaare geystay ku qaaday mas'uuliyiin ka tirsan dowladda Soomaaliya oo gobolka Shabeellada hoose u joogay howlo dhedhexaadin ah, iyadoo la sheegay in mid ka mid ah gaadiidkii ay mas'uuliyiinta dowladdu wateen uu ku gubtay dagaalka.

11/24/2012 3:32 AM EST
Sabti, November 24, 2012 (HOL) — Xukuumadda Kenya ayaa amar ku bixisay in baaritaan lagu sameeyo khasaarihii nafeed iyo middii maaliyadeed ee ka dhashay rabshadihii toddobaadkii hore ka dhacay magaalada Gaarisa ee gobolka Waqooyi-bari ee Kenya.

11/24/2012 3:07 AM EST
Sabti, November 24, 2012 (HOL) — Danjire Augustine Mahiga ayaa sheegay in dhamaashaha isla-xisaabtan la'aanta Soomaaliya ay fursad weyn u tahay xuquuqul insaanka, isagoo si adag u cambaareeyay dilalka loo geysto wariyeyaasha.

11/24/2012 2:19 AM EST
Sabti, November 24, 2012 (HOL) — Wasiirka gaashaandhigga Dowladda Soomaaliya Cabdixakiin Maxamuud Xaaji Fiqi ayaa Jimcihii shalay kulan la yeeshay saraakiisha ciidamada Afrika ee ku sugan Soomaaliya, isagoo kala hadlay sidii loo sii wadi lahaa howgallada dalka looga saarayo Xarakada Al-shabaab oo weli ka talisa dhul ballaaran.