9/25/2022
Today from Hiiraan Online:  _
Wararka Maanta- Sabti, Nov 24, 2012
DANJIRE MAHIGA: "Isla-Xisaabtan la'aanta Soomaaliya oo dhammaata waxay muhiim u tahay Xuquuqul Insaanka"
Sabti, November 24, 2012 (HOL) — Danjire Augustine Mahiga ayaa sheegay in dhamaashaha isla-xisaabtan la'aanta Soomaaliya ay fursad weyn u tahay xuquuqul insaanka, isagoo si adag u cambaareeyay dilalka loo geysto wariyeyaasha.


Ergayga gaarka ah ee xoghayaha guud ee Qaramada Midoobay u qaabilsan Soomaaliya ayaa sheegay in loo baahan yahay in lala xisaabtamo cid kasta oo dil geysatay, gaar ahaan kuwa geysanaya dilalka wariyeyaasha, isagoo dowladda ugu baaqay inay xoogga saarto sidii looga hortegi lahaa dilalka wariyeyaasha.

Soomaaliya sannadkan oo keliya waxaa lagu dilay 18 wariye oo intooda badan lagu dilay Muqdisho oo ay ka taliso dowladda Soomaaliya, iyadoo aysan jirin cid loosoo qabtay dilalka wariyeyaasha loo geystay, waxaana sidoo kale wariyeyaasha lagula kacaan xarig.

"Xafiiskeyga sannadkan oo keliya wuxuu diray 10 warsaxaafadeed oo uu si adag ugu cambaareeyay dilalka qarsoodiga ah ee wariyeyaasha loo geysanayo," ayuu yiri danjire Mahiga ku yiri warsaxaafadeed uu soo saaray shalay oo Jimco ahayd, isagoo dowladda kula taliyay inay dadaal badan u gasho baaritaannada dilalka suxufiyiinta loo geysto.

Sidoo kale, Mahiga wuxuu sheegay in xafiiska UNPOS uu kala shaqeynayo AMISOM tababarro la siinayo booliiska Soomaalida oo ku saabsan baarista dambiyada si ay u suurogasho in lasoo qabto kuwa gala dambiyada.

Ergaygu wuxuu sheegay in UNPOS ay sidoo kale ka qaybqaadanayso hormarinta warbaahinta Soomaaliya, isagoo yiri: "29-ka bishan November xafiiska siyaasadda Qaramada Midoobay ee Soomaaliya wuxuu qorsheynayaa inuu ku wareejiyo wasiirka warfaafinta qalab lagu qabto shirarka jaraa'id, si wasaaradda warfaafinta Soomaaliya ay sameyso qol ay madaxda iyo wasiirrada dowladdu ku qabtaan shirarka jaraa'id."

Qalabka ayuu sheegay in saxaafadda uu ka caawinayo inay dhinaca dowladda ka helaan warar toos ah, sidoo kalena wuxuu sheegay inuu qalabku anfacayo warbaahinta dowladda iyo kuwa madaxabannaan.

Hadalka danjire Mahiga ayaa wuxuu imaanayaa iyadoo ururka suxufiyiinta Qaranka Soomaaliyeed ee NUSOJ uu sheegay in 44 suxufi lagu dilay Soomaaliya tan 2007, sidoo kalena uu ururku sheegay in hanjabaadda lagu hayo suxufiyiinta iyo dilalkooda ay sababeen in saxaafaddu ay si wanaagsan uga shaqeyn waydo Soomaaliya.

Shalay oo Jimco ahayd ayaa waxaa loo dabaal-dagayay maalin loogu magac-daray dhameynta isla xisaabtan la'aanta, taasoo la sameeyay 23-kii bishii November ee sannadkii hore 2011, taasoo ka dhalatay dil 32 qof oo isugu jiray wariyeyaal iyo shaqaale saxaafadeed lagu dilay dalka Fillibiin sannadkii 2009.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/24/2012 10:43 AM EST
Sabti, November 24, 2012 (HOL) —Dagaallo culus oo u dhexeeya ciidamada dowladda Soomaaliya oo garabsanaya kuwa Ahlusunna iyo xoogagga Al-shabaab ayaa ka dhacay degmada Beledxaawo ee gobolka Gedo.

11/24/2012 8:45 AM EST
Sabti, November 24, 2012 (HOL) —Xildhibaanka laga soo doorto Degmada Kamakunji ee magaalada Nairobi Xildhibaan Yuusuf Xasan Cabdi ayaa ballan qaaday in uu laba jibaari doono waxqabadkiisa hadii marlabaad ay soo doortaan shacabka ku dhaqan degmada Kamakunji.

11/24/2012 7:47 AM EST
Sabti, November 24, 2012 (HOL) — Afhayeenka ciidamada AMISOM, Col. Cali Aadan Xumud oo maanta shir jaraa'id ku qabtay Muqdisho ayaa sheegay in AMISOM ay si dhow ula shaqeynayso Dowladda cusub ee Soomaaliya, isagoo sidoo kale sheegay inay soo dhaweynayaan golaha wasiirrada ee dhawaan la ansixiyay.

11/24/2012 7:44 AM EST
Sabti, November 24, 2012 (HOL) — Ururka Suxufiyiinta Somaliland ee SOLJA, ayaa madaxweynaha u diray waraaq furan oo ay kaga codsanayaan inaanu saxeexan xeerka sirdoonka oo ka hor imanaya xoriyadda saxaafadda Somaliland.

11/24/2012 7:27 AM EST
Sabti, November 24, 2012 (HOL) — Wasiirka arrimaha gudaha iyo amniga Qaranka ee dowladda Soomaaliya, C/kariin Xuseen Guuleed ayaa markii ugu horreysay kula kulmay Muqdisho taliyeyaasha ciidmada booliiska, isagoo ku bogaadiyay howsha ay hayaan, kana dalbaday inay xoojiyaan howlaha lagu sugayo ammaanka Muqdisho.

11/24/2012 6:10 AM EST
Sabti, November 24, 2012 (HOL) — Xoogag taabacsan Al-shabaab ayaa duhurnimadii maanta weerar khasaare geystay ku qaaday mas'uuliyiin ka tirsan dowladda Soomaaliya oo gobolka Shabeellada hoose u joogay howlo dhedhexaadin ah, iyadoo la sheegay in mid ka mid ah gaadiidkii ay mas'uuliyiinta dowladdu wateen uu ku gubtay dagaalka.

11/24/2012 3:49 AM EST
Sabti, November 24, 2012 (HOL) — Dood-cilmiyeed ku saabsan sida loo wacyi-gelin karo dhallinyarada dagaallada ka qaybgala ayaa maanta lagu qabtay Muqdisho, waxaana kulankan oo ay soo qabanqaabisay hay'adda CCD ka qaybgalay odayaal dhaqameedyo Soomaaliyeed.

11/24/2012 3:32 AM EST
Sabti, November 24, 2012 (HOL) — Xukuumadda Kenya ayaa amar ku bixisay in baaritaan lagu sameeyo khasaarihii nafeed iyo middii maaliyadeed ee ka dhashay rabshadihii toddobaadkii hore ka dhacay magaalada Gaarisa ee gobolka Waqooyi-bari ee Kenya.

11/24/2012 2:19 AM EST
Sabti, November 24, 2012 (HOL) — Wasiirka gaashaandhigga Dowladda Soomaaliya Cabdixakiin Maxamuud Xaaji Fiqi ayaa Jimcihii shalay kulan la yeeshay saraakiisha ciidamada Afrika ee ku sugan Soomaaliya, isagoo kala hadlay sidii loo sii wadi lahaa howgallada dalka looga saarayo Xarakada Al-shabaab oo weli ka talisa dhul ballaaran.