3/28/2024
Today from Hiiraan Online:  _
Wararka Maanta- Sabti, Jun 9 , 2012
Iska-hor Imaad Ciidamada Isbahaysanaya iyo Xarakada Al-shabaab Ku Dhex-matay Duleedka Degmada Afmadow

Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

Iska hor imaadkaan oo qaatay saacado kooban ayaa waxaa ka dhashay khasaare isugu jira dhimasho iyo dhaawac kala gaaray dhinacyadii dagaalamayay.

Masuulyiinta dowladda ee ku suggan degmada Afmadow oo aan isku daynay inaan wax ka weydiino khasaaraha ka dhashay iska-hor imaadkan ayaa ka gaabsaday inay faah faahin ka bixiyaan.

Goobjoogayaal madax banaan oo ku suggan degmada Afmadow ayaa HOL u xaqiijiyay in labo qof oo kamid ah dhinacyadii dagaalamay ay ku geeriyoodeen iska horimaadka saaka ka dhacay duleedka Afmadow.

Dhinaca kale Ciidamada dowladda KMG ayaa saaka aroortii magaalad ka bilaabay howllgalo ay amaanka ku xaqiijinayaan, iyadoona howlgalladaasi ay kusoo qabqabteen tiro dad ah oo ku eedeeysan in ay katirsanyihiin xoogagga Al-shabaab.

Xasan Nuur, Hiiraan Online
[email protected]
Kismaayo, Soomaaliya













Click here
6/9/2012 8:00 AM EST
Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:58 AM EST
Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

6/9/2012 6:38 AM EST
Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

6/9/2012 3:55 AM EST
Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

6/9/2012 3:34 AM EST
Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.