10/26/2021
Today from Hiiraan Online:  _
Wararka Maanta- Jimco, Jun 22, 2012
Ehellada la haystayaal Koonfur Afrikaan ah oo shalay lasii daayay oo sheegay inay lacago madaxfurasho ah bixiyeen

Jimco, June 22, 2012 (HOL) — Qaar ka mid ah ehellada lamaanayaashii afuubka loogu haystay Soomaaliya muddada labada sano ku dhow ee shalay lasii daayay ayaa sheegay inay bixiyeen lacago madaxfurasho ah.

Gabara la dhalatay Bruno Pelizzari oo lagu magaaabo, Nora Wright ayaa sheegtay in labo toddobaad ka hor ay bixiyeen lacag madaxfurasho ah oo gaaraysa nus-malyuun doollarka Mareykanka ah si loo siiyo kooxihii haystay, waxayna sheegtay in lacagtaas ay ku wareejiyeen kooxo u dhexeeyay burcadbadeedda iyo iyaga.

"Lacagta aan bixinnay waxaan u bixinnay sidii ay lamaanuhu ay xorriyadooda u heli lahaayeen," ayay tiri Ms. Wright iyadoo sheegtay inay ku faraxsan yihiin in lasoo daayo ehelladooda muddada dheer la haystay.

Dowladda KMG ah ayaa sheegtay shalay inay kusoo furatay labadan qof awood ciidan oo socotay muddo saacado ah, inkastoo aysan sheegin goobta lagu haystay iyo halka uu howlgalku ka dhacay.

Lamaanahan ayaa waxaa sannadkii 2010 loo qabsaday afduub, waxaana tan iyo xiligaas lagu haystay gudaha Soomaaliya, iyagoo ku farxay xorriyadooda waxaana isla shalay laga dhoofiyay Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/22/2012 2:47 PM EST
Jimco, June 22, 2012(HOL): Xaflad si heer sare ah loo soo agaamisay isla markaana lagu caleemo saarayay Caaqilka Beesha Digil iyo Mirifle ee Somaliland Caaqil Cali Maxamed Ibraahim “Cali Iraaqi” ayaa maanta ka dhacday Hall-ka City Center Hotel ee magaalada Hargeysa.

6/22/2012 1:07 PM EST
Jimco, June 22, 2012 (HOL) - Saxiixayaasha Roadmapka oo kala ah, Madaxweynaha Soomaaliya, Shariif Sheekh Axmed, Ra'iisul wasaare C/wali Maxamed Cali Gaas, Gudoomiyaha baarlamaanka Shariif Xassan Sheekh Aadan, Madaxweynaha Puntland C/raxmaan Sheekh Maxamed, Madaxweynaha Galmudug Maxamed Axmed Caalin iyo Wakiilka Ahlu Sunna Sheekh Maxamed Maxamuud Yuusuf ayaa shir ugu dhammaaday magaalada Nairobi.

6/22/2012 8:29 AM EST
Jimco, June 22, 2012(HOL): Magaalada Stockholm ee Caasimadda Dalka Sweden ayaa waxaa xalay lagu qabtay xaflad lagu shaacinayay musharaxnimada madaxweynenimo ee siyaasiga Jaamac Cali Jaamac.

6/22/2012 4:58 AM EST
Jimco, June 22, 2012 (HOL) — War ay Xarakada Al-shabaab soo saartay saacado ka hor ayay ku sheegtay in weerar gaadmo ah oo ka dhacay Ceelasha biyaha ay ku dileen taliyihii ciidamada dowladda KMG ah ee deegaanka Ceelasha biyaha, Afrax Cali Afrax.

6/22/2012 4:58 AM EST
Jimco, June 22, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay inuu yahay murashax u taagan xilka madaxnimo ee dalka Soomaaliya, kaddib kulan uu xalay kula yeeshay Nairobi Somaalida halkaas ku nool, isagoo rajo ka muujiyay inuu xilka madaxnimo ee Soomaaliya ku guuleysan karo.

6/22/2012 4:51 AM EST
Jimco, June 22, 2012 (HOL) — Xarakada Al-shabaab ayaa guulo ka sheegatay dagaal ka dhacay deegaanka Ceelasha biyaha ee duleedka Muqdisho oo gacanta ay ku hayaan ciidamada dowladda KMG ah iyo kuwa AMISOM.