10/26/2021
Today from Hiiraan Online:  _
Wararka Maanta- Talaado, Jun 19, 2012
Dagaalyahan Soomaali ah oo la sheegay inuu Ismiidaamin ku dilay Taliyihii Ciidamada ee Koonfurta dalka Yemen


Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

Taliyaha oo lagu magacaabi jiray, Jen. Saalim Cali Qatan ayaa waxaa lagu dilay magaalada dekedda leh ee Cadan, kaddib markii ruux natiis-hure ah uu gaarigii uu watay isku qarxiyay, waxaana sarkaalkan la dhintay laba qof oo midi uu ahaa darawalkiisii.

Jen. Ali Qatan ayaa dagaal adag kula jiray kooxda xiriirka la leh Al-Qaacida ee dalka Yemen ka dagalaanta, iyadoo la sheegay in ninka isku qarxiyay ay da'diisu ahayd labaatameeyo sano.

"Dhaawac halis ah ayaa taliyaha gaaray, wuxuuna dhintay intii uu Isbitaalka loo waday. Sidoo kale waxaa la dhintay laba ruux oo caawiyeyaashiis ahaa," ayaa lagu yiri warbixin kasoo baxday dowladda Yemen.

Ruux goobjooge ah ayaa laga soo xigtay in ruuxa qarax sameeyay uu xirnaa suun ay waxyaabaha qarxa ku rakiban yihiin, uuna taagnaa muddo dheer goobta uu ka dhacay qaraxa oo ku taalla xaafadda Mansuur ee magaalada Cadan.

"Baabuurkii uu watay Jen. Cali Qatan ayaa waxaa mar qura ka kacay qarax weyn, dhiig badan ayaa dhulka oo dhan buuxiyay, xaaladuna waxay ahayd mid aad naxdin u leh," ayuu yiri goobjooge halkaas ku sugnaa.

Taliyaha la dilay ayaa lagu tilmaamay inuu ahaa mid guulo waaweyn kasoo hoyay dagaalka lagula jiro kooxaha xiriirka la leh Al-Qaacida ee dalkaas ka dagaalama, waxaana xilliga la dilayay uu ku socday shaqadiisa.

Madaxweynaha dalka Yemen, Cabdi-rabbi Mansuur Haddi ayaa sheegay in taliyahan uu bedelayo ku xigeenkiisii Jen. Mahdi Magwala, kaasoo ka mid ahaa saraakiishii sida weyn ugu dhawaa madaxewynihii hore ee dalkaas Cali Cabdalla Saalax.

Kooxda Ansaarul-Shariica ee dalka Yemen ayaa sheegatay inay weerarkaas iyadu mas'uul ka ahayd, inkastoo aysan sheegin ruuxa fuliyay dhalashadiisa, iyadoo tani ay noqonayso markii ugu horreysay oo ruux Soomaali ah uu qarax ismiidaamin ah ka geysto dalka Yemen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/19/2012 8:16 AM EST
Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:37 AM EST
Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

6/19/2012 7:14 AM EST
Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

6/19/2012 4:51 AM EST
Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 4:07 AM EST
Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.