10/21/2021
Today from Hiiraan Online:  _
Wararka Maanta- Isniin, Jun 18, 2012
Ra'iisul Wasaaraha DKMG Somalia oo Odayaasha-Dhaqanka ka dalbaday inay soo gudbiyaan Ergada Ansixinta Dastuurka


Odayaasha Dhaqanka Soomaaliyeed. Moqdisho, Somalia - Sawirka: Xafiiska R/W


Isniin, June 18, 2012 (HOL) — Ra'iisul wasaaraha DKMG ah ee Soomaaliya, Cabdiweli Maxamed Cali oo maanta kulan la yeeshay odayaasha-dhaqanka Soomaaliyeed ee ku shirsan Muqdisho ayaa wuxuu kaga dalbaday inay sida ugu dhaqsiyaha badan kusoo gudbiyaan liiska ergadii ansixinta dastuurka cusub ee Soomaaliya.

Hadal uu ra'iisul waasaruhu u jeediyay odayaasha ayuu ku sheegay in haddii aysan howlahooda soo dadajin ay keeni karto in fashil uu ku yimaado howlaha lagu doonayo in looga baxo xilliga KMG ah.

"Waxaa la idinka doonayaa inaad dar-dargelisaan howlihiinna oo aad soo gudbisaan liiska ergada ansixinta dastuurka cusub ee Soomaaliya, waayo dastuurku wuxuu ka mid yahay qorshayaasha looga baxayo xilliga KMG ah looga baxayo," ayuu C/weli Gaas u sheegay odayaashii uu la hadlay.

Ra'iisul wasaaruhu wuxuu intaas ku daray in howlaha odayaasha dhaqanka uu kala socday hadba meesha uu ku sugan yahay, isagoo si aad ah uga codsaday inay soo gabagabeeyaan howlahooda si uusan dib u dhac ugu iman howsha looga baxayo xilliga meel ku gaarka ah.


Ra'iisul Wasaare Cabdiwali Gaas oo la hadlaya Odayaasha Dhaqanka Soomaaliyeed. Sawirka Xafiiska RW


Booqashadan ayaa waxaa ra'iisul wasaaraha Soomaaliya ku wehlinayay xubno ka tirsan golaha wasiirrada, waxaana hadalkiisu uu u badnaa in si dhaqso ah lagu helo liiska ergada ansixinta dastuurka.

Kulanka dhexmaray ra'iisul wasaaraha Soomaaliya iyo odayaasha dhaqanka ayaa wuxuu kusoo beegmayaa iyadoo dib loo dhigay illaa toddobaadka dambe qorshe lagu doonayay in lagu soo bandhigo dastuurka cusub ee Soomaaliya.

Madxweynaha Soomaaliya, ayaa isaguna booqasho middan la mid ah ugu tagay toddobadkii hore odayaasha dhaqanka, isagoo ka dalbaday inay dedejiyaan sidii ay kusoo xuli lahaayeen ergada ansixinta dasturka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/18/2012 12:29 PM EST
Isniin, June 18, 2012(HOL): Orodyahan Soomaaliyeed oo degan magaalada Nijmegen una orda dalka Holland ayaa ku guuleystey oradka 5000m ee dalka Holland oo lagu qabtey magaalada Amsterdam garoonkeeda Olympicsh Stadion taariikhdu marka aheyd 18 June 2012.

6/18/2012 8:35 AM EST
Isniin, June 18, 2012 (HOL) — Kulan looga hadlayay sidii haweenka Soomaaliyeed ay kaalintooda uga qaadan karaan siyaasadda iyo hoggaanka dalka ayaa wuxuu ka furmay maanta xerada Xalane oo ah saldhigga ugu weyn ee ciidamada AMISOM ay ku leeyihiin Soomaaliya.

6/18/2012 7:54 AM EST
Isniin, June 18, 2012 (HOL) — Mas’uuliyiinta maamulka gobolka Hiiraan ayaa maanta magaalada Beledweyne ku qabtay baroordiiq loo dhigay sanad-guuradii sadaxaad ee kasoo wareegatay weerarkii Ismiidaaminta ahaa ee 18, June, sanadkii 2009 ka dhacay magaalada Beledweyne.

6/18/2012 7:51 AM EST
Isniin, June 18, 2012 (HOL) — Kalluumeeysatada ka jalaabata xeebaha gobolka Jubada hoose ayaa ka canabeysa shaqo la'aan soo foodsaartay kadib markii la gudo galay xilliga Badxiranka oo gobollada Jubooyinka looga yaqaan "Xilliga Kuusiga".

6/18/2012 7:26 AM EST
Isniin, June 18, 2012 (HOL) — Xisbiga xorriyadda iyo cadaaladda ee dalka Masar oo ay leeyihiin ururka Akhwaanul Muslimiin ayaa sheegay in hoggaamiyahooda uu guul ka gaaray doorashooyinkii madaxnimo ee labadii casho ee lasoo dhaafay ka dhacay dalkaas.

6/18/2012 4:24 AM EST
Isniin, June 18, 2012 (HOL) — Hoggaamiyaha ugu sarreeya Xarakada Al-shabaab, Sheekh Mukhtaar C/raxmaan Abuu-Zubeyr oo cajalad maqal ah oo uu soo saaray ku sheegay inay dagaallada wadayaan inta ay Soomaaliya ka hirgelinayaan dowlad Islaami ah.

6/18/2012 4:22 AM EST
Isniin, June 18, 2012 (HOL) — Ugu yaraan saddex qof ayaa ku dhintay, tiro intaas ka badanna way ku dhaawacmeen qaraxyo siyaabo kala duwan uga dhacay shalay gallinkii dambe iyo xalay qaar ka mid ah degmooyinka gobolka Banaadir.

6/18/2012 4:13 AM EST
Isniin, June 18, 2012 (HOL) — Waxaa uga curtay dalka Koonfurta Afrika dilalka loo geysanayo Soomaalida ku noo dalkaas iyadoo toddobaadkan oo keliya lagu dilay dalkaas 14-qof, waxaana la isku raacay in dadkaas laga tooganayay laba meelood oo kala ah wadnaha iyo madaxa oo ah meelaha ugu halista badan jirka aadanaha.