10/18/2021
Today from Hiiraan Online:  _
Wararka Maanta- Isniin, Jun 18, 2012
Taageerayaasha Akhwaanul Muslimiinta Masar oo sheegay in Hoggaamiyahooda uu ku guuleysaty doorashadii Madaxnimo ee dalkaas

Isniin, June 18, 2012 (HOL) — Xisbiga xorriyadda iyo cadaaladda ee dalka Masar oo ay leeyihiin ururka Akhwaanul Muslimiin ayaa sheegay in hoggaamiyahooda uu guul ka gaaray doorashooyinkii madaxnimo ee labadii casho ee lasoo dhaafay ka dhacay dalkaas.

Doorashadan ayaa waxaa ku tartamayay Axmed Shafiiq oo ahaa ra'iisul wasaarihii ugu dambeeyay ee dalka Masar iyo Maxamed Mursi oo ka socday xisbiga ay leeyihiin Akhwaanul Muslimiin.

Wakiilka doorashada uga qaybgalay Mursi ayaa sheegay inuu si aad ah ugu horreeyo doorashada, uuna helay codad gaaraya 13-milyan iyo dhowr boqol oo kun, iyagoo sidoo kale sheegay in murashaxa la tartamayay uu isaguna helay 13-milyan iyo dhowr boqol oo kun oo codad ah.

"Dhammaan dadka halkan (Masar) ku nool waan salaamayaa, mahad waxaan u celinayana intii codka i siisay iyo intii aan i siin. Waxaan ahaan doonaa aabbihiin, walaalkii iyo ehelkiinna, mana dhici doonto in cid gaar ah laga aarsado," ayuu yiri Maxamed Mursi.

Sidoo kale, hoggaamiyahan wuxuu sheegay in sharciga dalka Masar ay u sinnaan doonaan shacabka Masar oo dhan, isagoo sheegay inuu doonayo inuu isku hayo dadka Masar sidii iyagoo hal guri ku nool.

Taageerayaasha murashaxa Axmed Shariiq ayaa sheegay inay tahay in laga sugo guddiga doorashada natiijada rasmiga ah ee ku aaddan cidda guuleysatay, iyagoo aan sheegin marna inay doorashada ku guuleysteen iyo inay ku guuldarreysteen.

Masiixiyiinta ku nool dalka Masar ayaa waxay walaac xooggan ka qabeen inuu xilka madaxnimo ee dalkaas ku guuleysto murashaxa ka socday xisbiga Akhwaanul Muslimiin, basle hadalka uu jeediyay ayaa u muuqdaa mid laabta u qaboojinaya.

Guddiga doorashooyinka dalka Masar ayaa lagu wadaa inay maalinta Arbacada ah ee soo socota ay ku dhawaaqaan murashaxa sida rasmiga ah ugu guuleysay doorashada dalka Masar, taasoo noqon doonta midda kala saarta labada murashax ee tartamayay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/18/2012 12:29 PM EST
Isniin, June 18, 2012(HOL): Orodyahan Soomaaliyeed oo degan magaalada Nijmegen una orda dalka Holland ayaa ku guuleystey oradka 5000m ee dalka Holland oo lagu qabtey magaalada Amsterdam garoonkeeda Olympicsh Stadion taariikhdu marka aheyd 18 June 2012.

6/18/2012 8:35 AM EST
Isniin, June 18, 2012 (HOL) — Kulan looga hadlayay sidii haweenka Soomaaliyeed ay kaalintooda uga qaadan karaan siyaasadda iyo hoggaanka dalka ayaa wuxuu ka furmay maanta xerada Xalane oo ah saldhigga ugu weyn ee ciidamada AMISOM ay ku leeyihiin Soomaaliya.

6/18/2012 8:24 AM EST
Isniin, June 18, 2012 (HOL) — Ra'iisul wasaaraha DKMG ah ee Soomaaliya, Cabdiweli Maxamed Cali oo maanta kulan la yeeshay odayaasha-dhaqanka Soomaaliyeed ee ku shirsan Muqdisho ayaa wuxuu kaga dalbaday inay sida ugu dhaqsiyaha badan kusoo gudbiyaan liiska ergadii ansixinta dastuurka cusub ee Soomaaliya.

6/18/2012 7:54 AM EST
Isniin, June 18, 2012 (HOL) — Mas’uuliyiinta maamulka gobolka Hiiraan ayaa maanta magaalada Beledweyne ku qabtay baroordiiq loo dhigay sanad-guuradii sadaxaad ee kasoo wareegatay weerarkii Ismiidaaminta ahaa ee 18, June, sanadkii 2009 ka dhacay magaalada Beledweyne.

6/18/2012 7:51 AM EST
Isniin, June 18, 2012 (HOL) — Kalluumeeysatada ka jalaabata xeebaha gobolka Jubada hoose ayaa ka canabeysa shaqo la'aan soo foodsaartay kadib markii la gudo galay xilliga Badxiranka oo gobollada Jubooyinka looga yaqaan "Xilliga Kuusiga".

6/18/2012 4:24 AM EST
Isniin, June 18, 2012 (HOL) — Hoggaamiyaha ugu sarreeya Xarakada Al-shabaab, Sheekh Mukhtaar C/raxmaan Abuu-Zubeyr oo cajalad maqal ah oo uu soo saaray ku sheegay inay dagaallada wadayaan inta ay Soomaaliya ka hirgelinayaan dowlad Islaami ah.

6/18/2012 4:22 AM EST
Isniin, June 18, 2012 (HOL) — Ugu yaraan saddex qof ayaa ku dhintay, tiro intaas ka badanna way ku dhaawacmeen qaraxyo siyaabo kala duwan uga dhacay shalay gallinkii dambe iyo xalay qaar ka mid ah degmooyinka gobolka Banaadir.

6/18/2012 4:13 AM EST
Isniin, June 18, 2012 (HOL) — Waxaa uga curtay dalka Koonfurta Afrika dilalka loo geysanayo Soomaalida ku noo dalkaas iyadoo toddobaadkan oo keliya lagu dilay dalkaas 14-qof, waxaana la isku raacay in dadkaas laga tooganayay laba meelood oo kala ah wadnaha iyo madaxa oo ah meelaha ugu halista badan jirka aadanaha.