10/23/2021
Today from Hiiraan Online:  _
Wararka Maanta- Axad, Jun 17, 2012
Wadahadallada dhexmaraya DKMG Soomaaliya iyo Somaliland oo Arbacada soo socota ka furmaya Magaalada London

Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

Somaliland ayaa waxaa shirkan uga qaybgalaya shan xubnood, waxaana maanta ay ka dhoofeen Somaliland iyagoo kusii jeeda dalka Ingiriiska, iyadoo dowladda KMG ah aysan wax hadal kasoo saarin shirkan.

"Waxaanu doonaynaa inaan wadahadallada kusoo bandhigno madaxbannaanida iyo himilada shacabka Somaliland," ayuu yiri wasiirka arrimaha dibadda ee Somaliland, isagoo sheegay in xubnaha dowladda ay ka filayaan inay ixtiraam uga helaan himilada shacabka Soomaaliyeed.

Kulankan oo socon doona laba maalmood ayaa waxaa looga hadli doonaan arrimmo ku saabsan mustaqbalka Soomaaliya, inkastoo Somaliland ay ku adkeysanayso inay tahay dowlad ka madaxbannaan Soomaaliya inteeda kale, ayna doonayso in shirka uu noqdo mid horseed u noqda in Somaliland ay madaxbannaani taam ah hesho.

"Dowladda Soomaaliya way nagu soo wargelisay xubnaha dhankooda ka imaanaya, waxaana rajeynayanaa in shirkan oo billow u ah shirar kale oo dhici doona ay kasoo baxaan qodobbo muhiim ah," ayuu yiri wasiirka arrimaha dibadda ee Somaliland.

Wasiirku wuxuu sheegay inay fikrado badan ay shirkaas ku wadaagi doonaan iyaga iyo xubnaha dowladda KMG ah ka socda, kuwaasoo ay ka mid yihiin mustaqbalka guud ee Soomaaliya iyo Somaliland, wuxuuna sheegay in shirkan uu yahay kii ugu horreeyay oo dhexmara Somailland iyo Soomaaliya muddo 20-sano ah.

Mar la weydiiyay go'aankooda haddii loosoo bandhigo inay federaalka qayb ka noqdaan ayaa wuxuu yiri: "Nidaamka Somaliland kuma dhisna federaal mana ogolaan karno, waayo waxaanu nahay dowlad madaxbannaan."

Ugu dambeyn, wasiirka arrimaha dibadda ee Somaliland wuxuu sheegay in shirkan ay ka qaybgalayaan xubno ka socda dalalka Ingiriiska, Norway iyo Midowga Yurub oo leh qaban-qaabada shirka, balse wadahadalladu uu yahay mid dhexmara iyaga iyo dowladda KMG ah ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2012 6:39 PM EST
17, June 2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

6/17/2012 9:44 AM EST
Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

6/17/2012 8:34 AM EST
Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

6/17/2012 8:32 AM EST
Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.

6/17/2012 3:28 AM EST
Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.