10/18/2021
Today from Hiiraan Online:  _
Wararka Maanta- Sabti, Jun 16, 2012
Xiriirka Soomaaliyeed ee Kubadda Cagta oo soo bandhigay Cows artificial ah oo la dhigayo Garoomada Kubadda Cagta Muqdisho


Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

Xoghayaha guud ee Xiriirka K/Cagta Soomaaliya C/qani Saciid Carab oo warbaahinta kula hadlay gudaha Garoonka Kubadda Cagta  Banadir Stadium ayaa sheegay in Cawska artifishaalka ah uu Arbacadii la soo dhaafay soo gaaray Magaalada Muqdisho, kaddibna loo soo gudbiyay garoonka Banadir Stadium.

 “Waxaan aad uga mahad celineynaa FIFA dhismaha garoonkan iyo taageerada joogtada ah oo ay siiso xiriirka Soomaaliyeed ee kubada cagta, hadda waxaa la keenay cowskii artifishaalka ahaa, waxaana harsan qalab aan badneyn oo ay ka mid yihiin carro iyaduna artifishaal ah oo loogu tala galay garoomada noocan oo kale loo dhisayo iyo alaabooyin kalen oo ay shirkada EMECO sheegtay in dhawaan ay dalka soo gaari doonaan”ayuu yiri xoghayaha guud Cabdi Qani Sacid Carab oo intaas ku daray in dhismaha garoonka ay FIFA billowday 4 sano ka hor hayeeshee ay howshaasi istaagay markii dagaallo ka billowdeen Muqdisho.


Munaasabadda soo bandhigidda Cawska Artifishaalka ah ayaa waxaa ka qeybgalay Wasiiru-dowlaha Wasaaradda Isboortiga Soomaaliya C/llaahi Shiikh Cali iyo madax kale oo ka tirsan Xiriirka Soomaaliyeed ee Kubadda Cagta, iyaduna munaasabadda ay ahayd mid si weyn loo agaasimay. Cawskan artifishaalka ah ayaa wuxuu yahay midkii ugu horreeyay oo noociisa ah oo Muqdisho la geeyo.

Waxaa uu xoghayaha guud sheegay in booqashadii madaxda xiriirka iyo wasaaradu ay maanta ku tageen garoonka ay ahayd tii sadexaad tan iyo intii garoonku dib ugusoo laabtay gacanta xiriirka bishii August ee sanadkii tagay, waxaana uu intaa raaciyay in taasi ay muujnineyso sida uu usii kobcayo xiriirka wada shaqeyneed ee u dhexeeya wasaarada iyo xiriirka kubada cagta Soomaaliyeed.

“Waxaan gacan ka helnay dowlada Soomaaliya oo naga caawisay soo dajinta qalabkan oo canshuur dhaanfa noogu sameysay, waana uga mahad celineynaa”ayuu shirka jaraa’id ka sheegay xoghayaha guud.

Guddoomiyaha Xiriirka Soomaaliyeed ee kubada cagta Cali Saciid Guuleed oo isna halkaa ka hadlay ayaa sheegay in FIFA ay balan qaaday dhismaha garoonkan iyo midka weyn ee Stadium Mogadishu lana rajeynayo in marka dhismaha garoonkani dhammaado kan kale la bilaabo.


Guddoomiyaha Xiriirka Soomaaliyeed ee Kubadda Cagta Cali Saciid Guuleed wuxuu ka dalbaday dowlada Soomaaliya in ay gacan weyn ka geysato arrimaha ammaanka garoomada iyo maalgelinta xulka qaranka Soomaaliyeed oo hadda kuwa 17 jirrada ka yar ay ku soo fool leedahay ciyaar ay la yeelan doonaan dalka Sudan dhamaadka sanadkan.

Wasiiru dowlaha Sportiga Cabdullaahi Sheekh Cali waxaa uu isna sheegay isagoo ku hadlayay afka dowlada in uu uga mahad celinayo FIFA dadaalka ay ku bixineyso taakuleynta kubada cagta Soomaaliya oo uu sheegay hadii aan FIFA gacantaas ka geysateen in kubadda cagta Soomaaliyeed ay bur buri lahayd 21-kii sano ee lasoo dhaafay.

“Kubadda cagtu waxay muhiimad weyn u leedahay nabadda iyo is dhexgalka bulshada waana taas midda aan xoogga u saareyno wada shaqeynta xiriirka iyo wasaaradda waana sii adkeyneynaa dhankeena wixii tabar ahna waan ka geysanaynaa”ayuu yiri wasiirka oo laga codsaday in dowladu ay laami marsiiso bannaanka hore ee garoonka si masuuliyiinta imaaneysa ay u helaan meel parkin ah xilliyada ay ciyaaruhu socdaan.


“Dhismaha garoonku wuu soo dhamaan doonaa xili dhow waxaana u sheegeynaa ganacsatada soomaaliyeed in ay gacan ka geystaan horumarinta kubadda cagta, waan ognahay in marka dhismaha garoonku uu dhammaado in ay u baahan doonaan meelo ay xayeysiinnadooda ku soo bandhigtaan marka waxaanu leenahay hadda inta la idin baahan yahay gacan ka geysta”ayuu yiri wasiirka oo hadalkiisa ku carrabaabay shirkadaha isgaariisiinta ee Horumuud, Nation iyo Telcom Somalia iyo sidoo kale shirkadaha xawaaladaha sida Dahabshiil iyo Amal iyo salaam Bank iyo kuwo kale.

Salaad Iidow Xasan (Xiis), Hiiraan Online
[email protected]













Click here
6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.