10/18/2021
Today from Hiiraan Online:  _
Wararka Maanta- Sabti, Jun 16, 2012
Murashaxiinta u taagan xilka Madaxweynenimo ee Soomaaliya oo Muqdisho kulan ku yeeshay Qodobbana kasoo saaray

Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

Murashaxiintan ayaa waxaa ka mid ahaa: Xaaji Maxamed Yaasiin, Prof. Axmed Ismaaciil Samatar, Xasan Sheekh Maxamuud, Cabdiraxmaan Cabdishakuur Warsame, Maxamed Maxamuud Guuleed (Gacmo-dheere), Xuseen Khaliif Jaamac iyo C/faarax Shirdoon Saacid.

Xubnihii ka hadlay gabgabadii kulanka waxay si aad ah uga hadleen doorashada madaxnimo ee lagu wado inay bisha Ogoosto ee sannadkan ka dhaco Soomaaliya, iyagoo ka digay musuqmaasuq ay sheegeen inuu ka jiro dhinaca odayaasha-dhaqanka ee kulanka ku leh Muqdisho.

Prof. Axmed Ismaaciil Samatar oo hadlay ayaa sheegay in loo baahan yahay in si gaar ah loo eego doorashada madaxtinimo ee dalka, isla markaana ay tahay lagama maarmaan in la muujiyo sinnaan iyo cadaalad, isagoo tilmaamay in doorashadaas oo ay ka qayb-galayaan xubno badan oo ay iyagu ka mid yihiin laga ilaaliyo waxyaabo keeni kara musuq-maasuq iyo cadaalad-darro.

Xasan Sheekh Maxamuud oo isna ka hadlay kulanka ayaa sheegay sheegay inay odayaasha dhaqanka ee laga sugayo inay soo xulaan ergada ansixinaysa dastuurka qaarkood ay yihiin kuwo aan sax ahayn oo aan matalin beelaha Soomaaliyeed, wuxuuna intaas ku daray in hoggaanka dalka ay amar ku bixiyeen inaan odayaasha lala kulmi karin, taasina ay meesha ka saarayso in musharixiinta xil madaxnimo ee dalka u taagan ay odayaashaas la kulmaan.

Kulankan ayaa wuxuu noqonayaa kii ugu horreeyay oo ay isugu yimaadaan xubno u taagan xilka madaxnimo ee Soomaaliya, waxaana xubnahan intooda badan ay ka socdaan xisbiyo siyaasadeed oo dalka ka jira.

Ugu dambeyn, xubnaha kulanka ka hadlay ayaa waxay sheegeen in kullamadoodu aanu ku ekaan doonin halkan, balse ay yeelan doonaan kulammo kale, ayna sidoo kale la kulmi doonaan bulshada qaybaheeda kala duwan si ay ugala hadlaan xaalka dalku ku sugan yahay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 8:01 AM EST
Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Na'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.