10/19/2021
Today from Hiiraan Online:  _
Wararka Maanta- Sabti, Jun 16, 2012
Dhaxal-Sugihii Boqortooyada Sucuudi Carabiya oo ku geeriyooday Magaalada Geneva ee dalka Swizerland

Sabti, June 16, 2012 (HOL) — Telefishinka dalka Sucuudiga ayaa maanta oo Sabti ah baahiyay in dhaxal-sugihii boqortooyada Saudi Arabia, Naa'if Bin Cabdul-casiis Aala-Sucuud uu ku dhintay magaalada Geneve ee dalka Swizerland.

Naa'if ayaa ahaa tan iyo sannadkii 1975-kii ahaa wasiirka arrimaha gudaha iyo ra'iisul wasaare ku xigeenka Sucuudiga, wuxuuna ku dhintay da'da 78-sano, waxaana ku xigeenkiisu uu sheegay dhawaan inuu caafimaad qabo oo uu dib ugu soo laabanayo dalkiisa.

Dhaxal-sugahan ayaa waxaa la magacabay bishii Oktoobar ee sannadkii hore kaddib markii uu dhintay walaalkiis ka weyn oo dhaxal-suge ahaa laguna magacaabi jiray Suldan Bin C/casiis.

Xukuumadda Riyadh ayaa sheegtay in aaska dhaxal-suguhu uu ka dhici doono magaalada Maka ee dalka Sucuudiga maalinta Axadda ah ee soo socota, Naa'if ayaa ka mid ahaa 40-wiil oo uu dhalay aasaasihii boqortooyada Saudi Arabia, C/casiis Aala-Sucuud.

Boqor Cabadalla oo haya xilka boqortooyada Sucuudiga oo da'diisu tahay 89-sano ayaa sannadkii hore lagu soo sameeyay qaliin, iyadoo lagu wado in Salmaan oo 76-jir ah wasiirka gaashaandhigga Sucuudiga loo magcaabao xilka dhaxal-sugaha boqortooyada Sucuudiga.

Dalka Sucuudiga ayaa tan iyo sannadkii 1935-kii wuxuu kusoo jiray xukunka la iska dhaxlo ee boqortooyada, waxaana tan iyo xilligaas xilka isku bedelayay wiilashii uu dhalay aasaasihii boqotooyada.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/16/2012 2:16 PM EST
Sabti, June 16, 2012(HOL): Xiriirka Soomaaliyeed ee kubada cagta ayaa shaaca ka qaaday in uu magaalada Muqdisho soo gaaray Cowskii Artifishaalka ee lagu gogli lahaa garoonka Stadium Banaadir, iyadoo shirkadda qandaraaska hoose ee dhsimaha la siiyay ee {East African Modern Engineering company EMECO} ay soo dhameystirtay diyargarowgii hore ee dhulka cowska la dhigi doono.

6/16/2012 9:51 AM EST
Saraakiil isugu jirta Uganda, Burundi iyo Jabuuti qeybna ka ah howlgalka AMISOM ee dalka Soomaaliya ayaa maanta markii ugu horeysay gaartay islamarkaana si wada jir ah u booqday magaalada Beledweyne.

6/16/2012 9:34 AM EST
Sabti, June 16, 2012 (HOL) — Kulan ay laba maalmood uga socday Muqdisho 10-murashax oo u taagan xilka madaxnimo ee Soomaaliya ayay kasoo saareen dhowr qodob oo ku saabsan doorashooyinka, iyagoo beesha caalamka ugu baaqay inaysan madaxda dowladda KMG ah u isticmaalin doorashada gargaarka ay beesha caalamka ka helaan.

6/16/2012 8:59 AM EST
Sabti, June 16, 2012 (HOL) — Hay'adda caafimaadka adduunka ee WHO ayaa dib u furtay xaruntii caafimaadka degmada Xudur ee gobolka Bay, kaddib markii laga saaray xoogaggii Al-shabaab ee ka talinayay muddo afarta sano ku dhow.

6/16/2012 8:45 AM EST
Sabti, June 16, 2012 (HOL) — Wasiirka Waxbarashadda iyo Tacliinta sare Marwo: Samsam Cabdi Aadan, ayaa sheegtay wakhtiga rasmiga ah ee imtixaanka shahaadiga ah Dugsiyadda dhexe iyo kuwa Sareba ka bilaabmi doono Somaliland, iyadoo sheegan in bishan June sodankeedda uu imtixaanku u bilaabmi doono, waxaanay ardayda ugu bushaaraysay in niyad sami ku galaan imtixaankaasi.

6/16/2012 8:20 AM EST
Sabti, June 16, 2012 (HOL) — Guddiga qoraalka dastuurka Soomaaliya ayaa maanta sheegay inuu dib u dhac ku yimid qorshe ay ku doonayeen inay dastuurka kusoo bandhigaan, iyagoo sheegay in toddobaadka soo socda ya soo bandhigi doonaan.

6/16/2012 8:01 AM EST
Sabti, June 16, 2012 (HOL) — Wasiirka Gaashaandhiga Somaliland Mr: Axmed X. Cali Cadami ayaa sheegay in hawlgal uu ciidanka Milatariga Somaliland ka sameeyey Deegaanka Tukaraq ee gobolka Sool oo ciidamo Maamulka khaamuto State hore u fadhiyeen ay kala wareegeen.

6/16/2012 7:28 AM EST
Sabti, June 16, 2012 (HOL) — Inta la ogyahay lix qof oo u badan dhinacyadii uu u dhexeeyay dagaal maanta ka dhacay degmada Qansax-dheere ayaa ku dhintay tiro intaas ka badanna way ku dhaawacmeen.

6/16/2012 6:46 AM EST
Sabti, June 16, 2012 (HOL) — Qarax ismiidaamin ah oo loo adeegsaday gaar waxyaabaha qaraxa laga buuxiyay ayaa goor dhaweyd ka dhacay degmada Afgooyer ee gobolka Shabeellad hoose, waxaana mas'uuliyadda weerarkan sheegatay Al-shabaab.

6/16/2012 6:02 AM EST
Sabti, June 16, 2012 (HOL) — Doon siday shixnado ganacsi oo u rarnayd ganacsato Soomaali ah ayaa ku dagtay meel u dhow dekedda Magaalada Kismaayo, kadib markii ay ku dhacday Jamal ku yaalla Badda Dhexdeeda.

6/16/2012 3:17 AM EST
Sabti, June 16, 2012 (HOL) — Ururka Ahlusunna Waljamaaca ayaa sheegay inay bedeleen qaabkii ay kula dagaalami jireen Al-shabaab, taasna ay keentay inay isaga soo baxaan deegaanno ka tirsan gobolkaas oo ay ka mid tahay degmada Ceelbuur.

6/16/2012 3:16 AM EST
Sabti, June 16, 2012 (HOL) — Labadii bilood ee lasoo dhaafay dalka Koonfur Afrika waxaa lagu dilay in ka badan 10-ganacsato Soomaaliyeed ah tiro intaasi ka badana waa lagu dhaawacay, waxaa kaloo loo geystay boob-hanitiyeed oo aad u ballaaran.

6/16/2012 3:13 AM EST
Sabti, June 16, 2012 (HOL) — Ugu yaraan 12-qof oo dhinacyadii dagaalamay ka tirsan ayaa ku dhintay dagaallo culus oo shalay illaa xalay ka socda deegaanno ka tirsan gobolka Gedo ee Koonfurta Soomaaliya.