1/21/2022
Today from Hiiraan Online:  _
Wararka Maanta- Khamiis, July 5 , 2012
Wafdi ka Socday Hay'adda NRC iyo Dowladda Kenya oo Dhoobley kulamo kula qaatay Saraakiisha DKMG iyo kuwa Raaskaambooni

Khamiis, July 05, 2012 (HOL) — Wafdigan oo ka socda Hay'adda NRC islamarkaasina ay wehlinayeen wufuud ka socota dowladda Kenya ayaa magaalada Dhoobley kulan kula qaatay saraakiisha ciidamada dowladda KMG iyo kuwa ururka Raaskaambooni ee ka dagaalama gobollada Jubooyinka.

Wafdiga ka socday hay'adda NRC ee dalka Norway ayaa waxaa wehlinayay madax katirsan dowladda Kenya oo uu kamid yahay gudoomiyaha baarlamanka dalka Kenya Faarax Macalim Dawaara, Waxaana ujeedada wafdigu ahayd in ay u mahadceliyaan ciidamada dowaladda KMG iyo kuwa Raaskaambooni ee dhawaan soo furtay shaqaalihii Hay'adda NRC ee laga soo afduubtay gudaha dalka Kenya.

Wafdiga ayaa markii uu yimid magaalada Dhoobley waxa kusoo dhaweeyay saraakiisha dowladda KMG iyo kuwa Raaskaambooni, waxaana wafdigu uu kulan la qaatay madaxda dowladda KMG ee gobollada Jubooyinka.

Kulanka ayaa waxa goobjoog ka ahaa Gudoomiyaha ururka Raaskaambooni Axmed Max'ed Islaam (Axmed Madoobe), Taliyaha ciidamada dowladda KMG ee Jubooyinka Gen Ismaaciil Saxardiid, iyo saraakiil kale oo badan, waxaana Madaxdii goobta ka hadashay ay uga mahadceliyeen ciidamada dowladda iyo kuwa Raaskaambooni howlgalkii ay kusoo furteen shaqaalaha Hay'adda NRC ee Afduubka loo heystay.

Sidoo kale madax ka socotay hay'adda NRC ayaa sheegay in howlgalka ay sameeyeen ciidamada dowladda iyo kuwa Raaskaambooni uu ahaa mid geesinimo ah, waxayna sheegeen in aduunweynaha uu ogaaday in Soomaalida aysan isku raaceyn qaladka, waxayna ballan qaadeen in ciidamada dowladda ay ka caawin doonaan dhanka farsamada.



Kadib markii uu shirka dhamaaday ayaa waxa kulan gaar ah isugu yimid madaxda dowladda KMG, Kuwa raaskaambooni iyo wafdigii ka socday dowladda Kenya ee uu hogaaminayay gudoomiyaha baarlamanka Kenya, waxaana ilaa imika la garaneyn waxyaalaha ay diirada ku saareen kulankooda.

Booqashada wafdigan ayaa kusoo beegmeysa xilli dhawaan ciidamada dowladda KMG oo garab ka helaya kuwa Raaskaambooni ay soo furteen shaqaale Ajnabi ah oo kooxo hubeysan ay kasoo afduubteen xerooyinka Dhadhaab ee ku yaal gobolka Waqooyi bari Kenya.

Xasan Nuur, Hiiraan Online
[email protected]
Kismaayo, Soomaaliya













Click here
7/5/2012 12:37 PM EST
Khamiis, July, 5 2012 (HOL)- Maktabada wareegta oo qayb ka ah carwada caalamiga ah ee buugaagta Hargeysa oo maalmaha soo socda lagu qaban doono magaaladda Hargeysa, ayaa safar ku tagay magaalada Boorama ee gobolka Awdal, waxaana soo dhoweyey ardayda jaamacadaha Boorame iyo Naadiga Akhriska gobolka Awdal ee Maskax-maal.

7/5/2012 8:34 AM EST
Khamiis, July 05, 2012 (HOL) — Hay'adaha Save the Children ayaa warbixin ay soo saartay maanta oo khamiis ah ku sheegtay in boqolaal kun oo Soomaali ay khatar ugu jiraan cunno yaraan ba'an oo Soomaaliya ku wajahan, kaddib markii ay yaraadeen roobabkii sannadkan di'i lahaa.

7/5/2012 8:17 AM EST
Khamiis, July 05, 2012 (HOL) — Dr. C/raxmaan Macallin Cabdullaahi (Baadiyoow) oo ka mid ah murashaxiinta u taagan xilka madaxnimo ee Soomaaliya oo Muqdisho dib ugu soo laabtay ayaa soo jeediyay in loo diyaar-garoobo tartan doorasho oo xalaal ah, xilli uu warbaahinta kula hadlayay garoonka diyaaradaha Muqdisho.

7/5/2012 8:16 AM EST
Khamiis, July 05, 2012 (HOL) — Wafdi uu horkacayay guddoomiyaha hay'adda CCD, Ciise Axmed Cumar oo ay ka mid ahaayeen fannaaniinta kooxda Qayla-dhaan sida Jooqle Shire Jaamac iyo, Cabdixakiim Ciise Guuleed (Farayare) ayaa maanta si weyn loogu soo dhaweeyay magaalada Muqdisho ee xarunta Soomaaliya.

7/5/2012 8:14 AM EST
Khamiis, July 05, 2012 (HOL) — Guddoomiye ku xigeenkii hore ee xisbiga KULMIYE C/raxmaan C/Qaadir oo jug ka soo gaadhay shirweynihii golaha dhexe ee xisbiga Taladda haya ee KULMIYE oo muddo xaalad caafimaad ku maqnaa dalka Ingiriiska ayaa dalka dib ugu soo laabtay, waxaana duleedka magaaladda Hargeysa kaga hor tagay boqolaal Dadweyne iyo gaadiid faro badan oo ku soo dhoweeyey magaaladdda Hargeysa.

7/5/2012 7:28 AM EST
Khamiis, July 05, 2012 (HOL) — Jen. Cali Caraaye Cosoble (Gacma-duulle) oo ka mid ah saraakiisha milateriga Soomaaliya ayaa sheegay in 3,000 oo dhallihyaro ah lagu qabtay howgallo ay ciidamada dowladda KMG ah ka sameeyeen Muqdisho, iyadoo 235 ka mid ah la sheegay in la ogaaday inay xiriir la leeyihiin Al-shabaab.

7/5/2012 4:02 AM EST
Khamiis, July 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa booqday xarunta shirkad lacago u daabacaysa Soomaaliya oo ku taalla dalka Suudaan, isagoo kulan la qaatay madaxa shirkaddaas daabacaadda sameysa.

7/5/2012 3:59 AM EST
Khamiis, July 05, 2012 (HOL) — Ciidamada dowladda KMG ah ayaa saakay howgallo ka billaabay degmooyin ka tirsan Muqdisho iyo deegaanka Ceelasha Biyaha oo ka mid ah deegaannada ku yaalla inta u dhexeysa Muqdisho iyo Afgooye.

7/5/2012 3:59 AM EST
Khamiis, July 05, 2012 (HOL) — Hal qof oo la sheegay inuu ahaa ruuxii aasayay ayaa ku dhintay miino xalay ka qaraxday degmada Yaaqshiid ee gobolka Banaadir, iyadoo maamulka degmadaas uu sheegay inaysan jirin cid kale oo waxyeello kasoo gaartay qaraxaas.