1/24/2022
Today from Hiiraan Online:  _
Wararka Maanta- Khamiis, July 5 , 2012
Qarax khasaare nafeed geystay oo xalay ka dhacay degmada Yaaqshiid ee Gobolka Banaadir

Khamiis, July 05, 2012 (HOL) — Hal qof oo la sheegay inuu ahaa ruuxii aasayay ayaa ku dhintay miino xalay ka qaraxday degmada Yaaqshiid ee gobolka Banaadir, iyadoo maamulka degmadaas uu sheegay inaysan jirin cid kale oo waxyeello kasoo gaartay qaraxaas.

Guddoomiyaha degmada Yaaqshiid, Muxyadiin Xasan Jurrus ayaa sheegay in qaraxa uu ahaa mid lagu aasayay jid ay dadweyne fara badan maraan, balse ay si lama filaan ah u qarxday uuna ku dhintay mid ka mid ah kooxihii aasayay qaraxaas.

"Qaruxu wuxuu ahaa mid ka dhashay miino dhulka lagu aasayay, waxaa dhintay mid ka mid ah kooxihii aasaayay, mana jirto cid kale oo ay khasaare kasoo gaartay," ayuu yiri guddoomiyahaa degmada Yaaqshiid oo saxaafadda la hadlayay saakay.

Ma jirto cid loo qabtay qaraxaas, sidoo kalena ma jirto cid sheegatay inay mas'uul ka tahay weerarkaas oo qayb ka noqonaya qaraxyo dhowr ah oo Muqdisho ka dhacay tan iyo markii ay Al-shabaab isaga baxday.

Goobjoogayaal ku sugan xaafadda uu qaraxu ka dhacay ayaa sheegay in qarax weyn ay maqleen, markii ay saakay tageen halkii uu ka dhacayna ay ku arkeen hal qof oo mayd ah.

Magaalada Muqdisho ayaa waxaa habeennadii ka dhaca qaraxyo iyo israsaaseyn u dhexeysa kooxo hubeysan iyo ciidamada dowladda oo fariisimo ku leh isgoysyada magaalada Muqdisho intooda badan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/5/2012 12:37 PM EST
Khamiis, July, 5 2012 (HOL)- Maktabada wareegta oo qayb ka ah carwada caalamiga ah ee buugaagta Hargeysa oo maalmaha soo socda lagu qaban doono magaaladda Hargeysa, ayaa safar ku tagay magaalada Boorama ee gobolka Awdal, waxaana soo dhoweyey ardayda jaamacadaha Boorame iyo Naadiga Akhriska gobolka Awdal ee Maskax-maal.

7/5/2012 8:34 AM EST
Khamiis, July 05, 2012 (HOL) — Hay'adaha Save the Children ayaa warbixin ay soo saartay maanta oo khamiis ah ku sheegtay in boqolaal kun oo Soomaali ay khatar ugu jiraan cunno yaraan ba'an oo Soomaaliya ku wajahan, kaddib markii ay yaraadeen roobabkii sannadkan di'i lahaa.

7/5/2012 8:17 AM EST
Khamiis, July 05, 2012 (HOL) — Dr. C/raxmaan Macallin Cabdullaahi (Baadiyoow) oo ka mid ah murashaxiinta u taagan xilka madaxnimo ee Soomaaliya oo Muqdisho dib ugu soo laabtay ayaa soo jeediyay in loo diyaar-garoobo tartan doorasho oo xalaal ah, xilli uu warbaahinta kula hadlayay garoonka diyaaradaha Muqdisho.

7/5/2012 8:16 AM EST
Khamiis, July 05, 2012 (HOL) — Wafdi uu horkacayay guddoomiyaha hay'adda CCD, Ciise Axmed Cumar oo ay ka mid ahaayeen fannaaniinta kooxda Qayla-dhaan sida Jooqle Shire Jaamac iyo, Cabdixakiim Ciise Guuleed (Farayare) ayaa maanta si weyn loogu soo dhaweeyay magaalada Muqdisho ee xarunta Soomaaliya.

7/5/2012 8:14 AM EST
Khamiis, July 05, 2012 (HOL) — Guddoomiye ku xigeenkii hore ee xisbiga KULMIYE C/raxmaan C/Qaadir oo jug ka soo gaadhay shirweynihii golaha dhexe ee xisbiga Taladda haya ee KULMIYE oo muddo xaalad caafimaad ku maqnaa dalka Ingiriiska ayaa dalka dib ugu soo laabtay, waxaana duleedka magaaladda Hargeysa kaga hor tagay boqolaal Dadweyne iyo gaadiid faro badan oo ku soo dhoweeyey magaaladdda Hargeysa.

7/5/2012 7:28 AM EST
Khamiis, July 05, 2012 (HOL) — Jen. Cali Caraaye Cosoble (Gacma-duulle) oo ka mid ah saraakiisha milateriga Soomaaliya ayaa sheegay in 3,000 oo dhallihyaro ah lagu qabtay howgallo ay ciidamada dowladda KMG ah ka sameeyeen Muqdisho, iyadoo 235 ka mid ah la sheegay in la ogaaday inay xiriir la leeyihiin Al-shabaab.

7/5/2012 6:52 AM EST
Khamiis, July 05, 2012 (HOL) — Wafdigan oo ka socda Hay'adda NRC islamarkaasina ay wehlinayeen wufuud ka socota dowladda Kenya ayaa magaalada Dhoobley kulan kula qaatay saraakiisha ciidamada dowladda KMG iyo kuwa ururka Raaskaambooni ee ka dagaalama gobollada Jubooyinka.

7/5/2012 4:02 AM EST
Khamiis, July 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa booqday xarunta shirkad lacago u daabacaysa Soomaaliya oo ku taalla dalka Suudaan, isagoo kulan la qaatay madaxa shirkaddaas daabacaadda sameysa.

7/5/2012 3:59 AM EST
Khamiis, July 05, 2012 (HOL) — Ciidamada dowladda KMG ah ayaa saakay howgallo ka billaabay degmooyin ka tirsan Muqdisho iyo deegaanka Ceelasha Biyaha oo ka mid ah deegaannada ku yaalla inta u dhexeysa Muqdisho iyo Afgooye.