1/24/2022
Today from Hiiraan Online:  _
Wararka Maanta- Arbaco, July 4 , 2012
Soomaaliya oo ka qeybgeleysa tartanka Olombikada Adduunka ee London ka furmi doona


Arbaco, July 04, 2012-Mas’uuliyiin Isboorti iyo Ciyaartoy ka socda dalka Soomaaliya ayaa ka qeybgeleysa tartanka Olombikada Adduunka oo 27-ka bishan ka furmi doona magaalada London ee dalka Britain.

Guddoomiyaha Guddiga Olombikada Soomaaliyeed Duran Axmed Faarax ayaa HOL u sheegay in diyaargarowga ka qeybgalka tartanka uu meel wanaagsan u marayo, wuxuuna xusay in Mas’uuliyiin iyo ciyaartoy ka socda dalka Soomaaliya ay inta aan la gaarin 20-ka bishan soo gaari doonaan magaalada London.

“Arrinta diyaargarowga meel wanaagsan ayay mareysaa, waxaana tartanka Soomaaliya uga soo qeybgeli doona wafdi ka kooban 9 xubnood oo isugu jira mas’uuliyiin Isboorti iyo ciyaartoy, waxaaney ciyaartoyda yihiin kuwo dhinaca ciyaaraha fudud ah”ayuu yiri Duran Faarax.

Duran Faarax waxaa uu intaas ku daray in Guddiga Olombikada Soomaaliyeed iyo Guddiga qabanqaabada ciyaaraha Olombikada Adduunka ee London iyo hay’adda xuduudaha UK koontaroosha ee (UK Border Agency) ay ka shaqeynayaan sidii tas-hiilaadka imaanshaha wafdigan loo fududeyn lahaa, wuxuuna caddeeyay in arrintaas ay meel gebogebo ah mareyso.

Sanadkii 2008 ayay ahayd markii wafdi sare oo ka socda Guddiga Olombikada Soomaaliyeed ee GOS iyo ciyaartoy ay ka qeybgaleen tartankii Olombikada Adduunka ee Beijing-China lagu qabtay, wuxuuna wafdigaas Soomaaliyeed iyo ciyaartoydiiba ay calanka Soomaaliya ku soo bandhigeen fagaarahaas caalamiga ahaa ee Beijing, waxayna taas ahayd mid si weyn loogu farxay.

Nasiib-darro sanadkan waxay ciyaaraha Olombikada Adduunka ku soo beegmayaan iyadoo qaraxii ka dhacay tiyaatarka Muqdisho ay ku dhinteen mas’uuliyiin Isboorti oo uu ka mid ahaa Guddoomiyihii Guddiga Olombikada Soomaaliyeed Alle ha u naxariistee Aadan Yabarow Wiish.

Si kastaba Arrintu ha ahaa, tartanka Olombikada Adduunka ee dhammaadka bishan ka furmi doona Magaalada London ayaa waxaa caalamka ka daawan doona dad lagu qiyaasay 4.7 Billion oo ruux (sida laga soo xigtay Nielsen), halka ay ka soo qeybgelayaan shakhsiyaad isboorti oo ciyaartoy, madax iyo taageerayaal isugu jira, kuwaasi oo ka kala imaan doona 205 dal oo  uu dalka Soomaaliya ku jiro.


Salaad Iidow Xasan (Xiis), Hiiraan Online
[email protected]













Click here
7/4/2012 2:04 PM EST
Arbaco, Luulyo,4, 2012 (HOL)- Weftigii uu hogaaminayey Madaxweynaha Somaliland Md. Axmed Maxamed Maxamuud (Siilaanyo) ee kulanka kula yeeshay madaxweynaha Soomaaliya Md: Sheekh Shariif Sh. Axmed magaaladda Dubia ee imaaraadka Carabta ayaa dalka dib ugu soo laabtay, kana soo degay madaarka Berbera ee gobolka Saaxil.

7/4/2012 8:37 AM EST
Arbaco, July, 04, 2012 (HOL) -- Jaamacada Plasma oo ka mid ah Jaamacadaha ka furan magaalada Beledweyne ee xarunta gobollka Hiiraan ayaa waxaa imtixaan u fariistay in ka badan 100 ardey ah oo isugu jiray kuwa barta maadada caafimaadka iyo ganacsiga.

7/4/2012 8:22 AM EST
Arbaco, July 04, 2012 (HOL) — Madaxweynaha dalka Uganda Yoweri Museveni ayaa sheegay in howgalka ay ciidamadiisa qaybta ka ah howlgalka AMISOM ee ku sugan Soomaaliya aysan ahayn kuwo ay dano gaar ah ka leeyihiin.

7/4/2012 7:47 AM EST
Arbaco, July 04, 2012 (HOL) — Dooddan oo ay ka qaybteen odayaal dhaqan ayaa waxaa soo qabanqaabisay hay'adda midnimada dhalinyarada Soomaaliyed ee UYS oo ay ka qayb-galeen odayaal-dhaqameedyo, waxaana looga hadlay doorka ay ku yeelan karaan odayaasha dhaqanka ka qaybqaaadasha sugidda ammaanka.

7/4/2012 7:30 AM EST
Arbaco, July 04, 2012 (HOL) — Kaddib shir laba maalmood uga socday kooxda ICG ee xiriirka caalamiga Soomaaliya ayaa waxaa laga soo saaray qodobbo dhowr ah, kuwaasoo ay ka mid ahaayeen in madaxda DKMG ah ay ku dhameystiraan xilliga KMG ah waqtigii loo qabtay ee 20-ka bisha Ogoosto ee sannadkan.

7/4/2012 3:40 AM EST
Arbaco, July 04, 2012 (HOL) — Dowladda KMG Soomaaliya iyo Qaramada Midoobay ayaa kala saxiixday qorshe howleed lagu joojinayo in carruurta laga dhigto askar, iyadoo heshiiskan lagu gaaray shirkii ka dhacay Roma, waxanaa dhinaca Qaramada Midoobay u saxiixay ergayga gaarka ee arrimaha Soomaaliya, dajire Augustine P. Mahiga iyadoo dhinaca DKMG ah uu u saxiixay wasiirka gaashaandhigga, Xuseen Carab Ciise.

7/4/2012 3:07 AM EST
Arbaco, July 04, 2012 (HOL) — Odayaasha dhaqanka Soomaaliyeeed ee soo xulaya ergada ansixinaysa dastuurka cusub ayaa sheegay in DKMG ay fara-gelin ku hayso shirkooda, iyagoo xusay inaysan u madax-bannaaneyn howlahooda.

7/4/2012 2:43 AM EST
Arbaco, July 04, 2012 (HOL) — Deeqaha bixiya ee caalamka ee ka qaybgalay shirkii arrimaha Soomaaliya looga hadlayay ee dhacay magaalada Roma ee xarunta dalka Talyaaniga ayaa dalbaday in dastuurka cusub ee Soomaaliya uu noqdo mid dhowraya xorriyadda diimaha.