1/20/2022
Today from Hiiraan Online:  _
Wararka Maanta- Arbaco, July 4 , 2012
Ardey Imtixaan u fariisatay Jaamacada Plasma ee magaalada Beledweyne


Arbaco, July, 04, 2012 (HOL)  -- Jaamacada Plasma oo ka mid ah Jaamacadaha ka furan magaalada Beledweyne ee xarunta gobollka Hiiraan ayaa waxaa imtixaan u fariistay in ka badan 100 ardey ah oo isugu jiray kuwa barta maadada caafimaadka iyo ganacsiga.

Hormuudka Jaamacada Plasma ee gobollka Hiiraan Abuukar C/dulle Muumin oo la hadllayay HOL ayaa sheegay in ardeyda Imitaaxka la qaadayo yahay mid qeybo kala duwan isugu jira, isaga oo intaa ku darray in Jaamacadu shaqeyso todobaadka oo dhan.

‘’Imtixaanka hadda loo fadhiyo waxaa uu ka kooban yahay mid ardeyga su’aalo toos loo weydiinayo, mid qoraal ah, iyo waliba mid gacanta laga shaqeynayo oo uu qofku ku shaqeynayo wixii uu soo bartay, ayuu yiri,’’ Hormuudka Jaamacada.

Waxaa uu intaa ku darray in marka laga soo tago waxbarashada caadiga ah oo ay Jaamacadu bixiso sidoo kale ay ka caawiso dhalinyarrada sidii loogu abuuri lahaa xirfado ay ku shaqeystaan, isaga oo sheegay in dhawaan waxbarasho ay iska kaashadeen Jaamacada Plasma farceeda gobollka Hiiraan iyo NGO-yo maxali ah ku bareen maadada caafimaadka in ka badan 60 dhalinyarro ah oo hadda ku shaqeysatay xirfadihii ay barteen.


Sidoo kale Jaamacada ayuu sheegay in maalmaha Khamiista iyo Jimcaha ay wax ka bartaan dadka iyagu aan fursadaha helin maalmaha kale, taasoo keentay in todobaadka oo dhan Jaamacadu tahay mid shaqeysa.

Ardeyda Imitaaxka u fadhisan Jaamacada oo qaarkood la hadllay HOL ayaa sheegay in ay siweyn ugu faraxsan yihiin waxbarashada Jaamacada, gaar ahaan maadada caafimaadka oo ay bartaan tiro ardey ah.

Hormuudka Jaamacada ayaa ugu danbeytii kula dardaarmay ardeyda in ay muujiyaan dadaal dheeraad ah simarkaa ay uga gun-gaaraan yoolka ay hiigsanayaan.



C/raxmaan Diini, Hiiraan Online
[email protected]
Beledweyne, Soomaaliya.













Click here
7/4/2012 2:04 PM EST
Arbaco, Luulyo,4, 2012 (HOL)- Weftigii uu hogaaminayey Madaxweynaha Somaliland Md. Axmed Maxamed Maxamuud (Siilaanyo) ee kulanka kula yeeshay madaxweynaha Soomaaliya Md: Sheekh Shariif Sh. Axmed magaaladda Dubia ee imaaraadka Carabta ayaa dalka dib ugu soo laabtay, kana soo degay madaarka Berbera ee gobolka Saaxil.

7/4/2012 12:40 PM EST
Arbaco, July 04, 2012-Mas’uuliyiin Isboorti iyo Ciyaartoy ka socda dalka Soomaaliya ayaa ka qeybgeleysa tartanka Olombikada Adduunka oo 27-ka bishan ka furmi doona magaalada London ee dalka Britain.

7/4/2012 8:22 AM EST
Arbaco, July 04, 2012 (HOL) — Madaxweynaha dalka Uganda Yoweri Museveni ayaa sheegay in howgalka ay ciidamadiisa qaybta ka ah howlgalka AMISOM ee ku sugan Soomaaliya aysan ahayn kuwo ay dano gaar ah ka leeyihiin.

7/4/2012 7:47 AM EST
Arbaco, July 04, 2012 (HOL) — Dooddan oo ay ka qaybteen odayaal dhaqan ayaa waxaa soo qabanqaabisay hay'adda midnimada dhalinyarada Soomaaliyed ee UYS oo ay ka qayb-galeen odayaal-dhaqameedyo, waxaana looga hadlay doorka ay ku yeelan karaan odayaasha dhaqanka ka qaybqaaadasha sugidda ammaanka.

7/4/2012 7:30 AM EST
Arbaco, July 04, 2012 (HOL) — Kaddib shir laba maalmood uga socday kooxda ICG ee xiriirka caalamiga Soomaaliya ayaa waxaa laga soo saaray qodobbo dhowr ah, kuwaasoo ay ka mid ahaayeen in madaxda DKMG ah ay ku dhameystiraan xilliga KMG ah waqtigii loo qabtay ee 20-ka bisha Ogoosto ee sannadkan.

7/4/2012 3:40 AM EST
Arbaco, July 04, 2012 (HOL) — Dowladda KMG Soomaaliya iyo Qaramada Midoobay ayaa kala saxiixday qorshe howleed lagu joojinayo in carruurta laga dhigto askar, iyadoo heshiiskan lagu gaaray shirkii ka dhacay Roma, waxanaa dhinaca Qaramada Midoobay u saxiixay ergayga gaarka ee arrimaha Soomaaliya, dajire Augustine P. Mahiga iyadoo dhinaca DKMG ah uu u saxiixay wasiirka gaashaandhigga, Xuseen Carab Ciise.

7/4/2012 3:07 AM EST
Arbaco, July 04, 2012 (HOL) — Odayaasha dhaqanka Soomaaliyeeed ee soo xulaya ergada ansixinaysa dastuurka cusub ayaa sheegay in DKMG ay fara-gelin ku hayso shirkooda, iyagoo xusay inaysan u madax-bannaaneyn howlahooda.

7/4/2012 2:43 AM EST
Arbaco, July 04, 2012 (HOL) — Deeqaha bixiya ee caalamka ee ka qaybgalay shirkii arrimaha Soomaaliya looga hadlayay ee dhacay magaalada Roma ee xarunta dalka Talyaaniga ayaa dalbaday in dastuurka cusub ee Soomaaliya uu noqdo mid dhowraya xorriyadda diimaha.